Join with Health.com.kh on Telegram

​នៅ​ពេល​អ្នក​មាន​កូន អ្នក​អាច​មាន​អារម្មណ៍​ថា រំភើប ហើយក៏​អាច​មាន​បញ្ហា ប្រឈម​នឹង​ភាព​តានតឹង យ៉ាងខ្លាំង​ផង​ដែរ​។

​ដើម្បី​ដោះស្រាយ នូវ​បញ្ហា​នៃ​ភាព​តានតឹង​នេះ អ្នក​ត្រូវ ៖
•​    ​សម្រាក​នៅ​ពេល​ដែល​អ្នក អាចធ្វើ​បាន ៖ អ្នក​ត្រូវ​ព្យាយាម​គេង នៅក្នុង​អំឡុងពេល ដែល​ទារក​គេង​លក់​។ ប្រសិនបើ អ្នក​កំពុង​បំបៅ​ដោះ​កូន អ្នក​ត្រូវ​ដាក់​គ្រែ​របស់​ទារក ឱ្យ​នៅ​ជាប់​នឹង​គ្រែ​របស់​អ្នក ដើម្បី​ឱ្យ​មាន​ភាពងាយស្រួល ក្នុងការ​បំបៅ​ដោះកូន នៅពេល​យប់​។ អ្នក​ក៏​អាច​ឱ្យ​ប្តី ជួយ​លើក​ទារក​យក​មក​បំបៅ  និង​ដាក់​ឱ្យ​គេង​វិញ​។ ប្រសិនបើ អ្នក​បំបៅ​ដោះ​កូន ដោយ​ទឹកដោះ អ្នក​ត្រូវ​ឱ្យ​ប្ដី​ជួយ​ឆុង និង​បំបៅ​ទឹកដោះគោ​ដល់​ទារក​។​
•​    ​បរិភោគ​អាហារ ដែល​មាន​តុល្យភាព ឱ្យបាន​ទៀងទាត់ ដើម្បី​រក្សា​កម្រិត​ថាមពល ដូចជា កាបូ​អ៊ី​ដ្រាត ដែល​មាន​នៅក្នុង នំ​បុ័ង  និង​បាយ​អង្ករសំរូប ព្រមទាំង​អាហារ ដែល​មាន​ជាតិ​ខ្លាញ់​ដែល​មាន​នៅក្នុង ប័រ អាហារ​ស្រាប់ ឈី​សរឹង ផ្លែ​ប័រ និង​ប្រេង​អូ​លីវ​។ ហើយ​អ្នក​ក៏​ត្រូវ​បរិភោគ​អាហារ ដែល​សម្បូរ​ទៅដោយ​ប្រូតេអ៊ីន ដូចជា សាច់​គ្មាន​ខ្លាញ់ សាច់មាន់ ត្រី ស៊ុត សណ្តែក​។​ ​អ្នក​ក៏​ត្រូវ​ទទួល​ទាន​បន្លែ និង​ផ្លែឈើ ដើម្បី​ឱ្យ​ប្រព័ន្ធ​ភាព​ស៊ាំ មាន​ដំណើរការ​ល្អ និង​ជួយ​អ្នក​មាន​អារម្មណ៍​ប្រសើរ​ជាង​មុន និង​ជួយ​ការពារ ការ​ទល់លាមក​ផងដែរ ។​
•​    ​ការប្រើប្រាស់​បច្ចេកទេស សម្រាកលំហែ នៅ​មុន​ពេល​សម្រាល ឬ​ការហាត់​យូ​ហ្គា ដើម្បី​រក្សា​ភាពរឹងមាំ នៃ​សាច់ដុំ​ផងដែរ​។​
•​    ​ការធ្វើ​លំ​ហាត់ប្រាណ សម្រាប់​សុខុមាលភាព​ផ្លូវកាយ និង​ផ្លូវចិត្ត ដូចជា ការធ្វើ​លំ​ហាត់ប្រាណ​សាច់ដុំ​ពោះ និង​អាង​ត្រគាក ដូចជា ការដើរ​ក្នុង​រយៈពេល​ខ្លី​ជាដើម​។​
•​    ​ការចែករំលែក នូវ​អារម្មណ៍​តានតឹង ជាមួយ​ប្តី ក្រុមគ្រួសារ ឬ​មិត្តភក្តិ​៕