អ្នកក៏ប្រហែលជាធ្លាប់ដឹងមកហើយពីស្ត្រី ដែលពួកគេតែងតែ ចូលចិត្តរអ៊ូរទាំ ងាយទទួលអារម្មណ៍ភ័យខ្លាច និង មានអារម្មណ៍ឆាប់ប្រែប្រួល ក្នុងកំឡុងពេលដែលពួកគេមករដូវរបស់ពួកគេ។
ទាំងនេះត្រូវបានគេហៅថាជា រោគសញ្ញានៃវដ្តរដូវ (Premenstrual Syndrome) ដែលបណ្តាលមកពីអ័រម៉ូនមួយចំនួន ដែលវាបញ្ចេញក្នុងពេលដែលអ្នកមករដូវ។ ស្រី្តខ្លះក៏មានអារម្មណ៍ប្រែប្រួល ហើយស្ត្រីខ្លះទៀតក៏មិនមានអារម្មណ៍ប្រែប្រួល ក្នុងពេលការមករដូវរបស់ពួកគេ។
“រោគសញ្ញានៃវដ្តរដូវ” គឺវាបានធ្វើឱ្យប៉ះពាល់ទៅលើផ្លូវចិត្ត ដូចជា អារម្មណ៍ឆាប់ខឹង និង ការមិនសប្បាយចិត្ត ក៏ដូចជាប៉ះពាល់ទៅលើផ្លូវកាយ ដូចជា មានការហើមពោះ ការឡើងរឹងនៃសុដន់ ឬ ទល់លាមក។
ប្រសិនជាអ្នកមានរោគសញ្ញានៃវដ្តរដូវ វាជា ការសំខាន់ ដែលអ្នកត្រូវសំរាកឱ្យបានគ្រប់គ្រាន់ គួរជៀសវាងការញុំាកាហ្វេអ៊ីន និង ព្យាយាម បរិភោគ អាហារដែល មានកំរិតសូដ្យូមទាប។ អំបិល គឺអាច ធ្វើឱ្យអ្នកហើមពោះកាន់តែខ្លាំងឡើងបន្ថែមទៀត។ ប្រសិនជា ការផ្លាស់ប្តូរទំលាប់នៃការរស់នៅរបស់អ្នក នៅតែមិនបានផល អ្នកគួរទៅជួបជាមួយគ្រូពេទ្យ ដើម្បីជួយបន្ធូរបន្ថយ រោគសញ្ញានៃវដ្តរដូវនេះ៕
