ការមានផ្ទៃពោះ ការបំបៅដោះកូន ការប្រើថ្នាំពន្យារកំណើត ឬរាំងរដូវ សុទ្ធតែធ្វើអោយស្ត្រីមិនមករដូវទាំងអស់។ ការផ្លាស់ប្តូររបបអាហារ គឺជារឿងសំខាន់នៅពេលកំពុងតែព្យាបាលការមិនមករដូវ។
ចាប់តាំងពីមានបញ្ហាដូចជាធាត់ជ្រុល ស្គមពេក និងកង្វះជាតិដែក គឺជាមូលហេតុដែលកើតមានជាញឹកញាប់មក របបអាហារសម្រាប់ស្ត្រីមិនមករដូវ ត្រូវបានណែនាំអោយស្ត្រីអនុវត្តតាម ដើម្បីពង្រឹងដល់សុខភាពទូទៅ និងមុខងារក្នុងខ្លួន។
- របបអាហារត្រូវតែមានជាតិដែកអោយបានច្រើនដូចជា ថ្លើមសត្វ អាហារសមុទ្រ ស្ពៃបៃតងចាស់ និងសណ្តែកសៀង។ ការធ្វើបែបនេះជួយបង្ការបញ្ហាកង្វះអាហារូបត្ថម្ភដូចជា ជំងឺស្លេកស្លាំង ដែលអាចធ្វើអោយមិនមករដូវបាន។
- ចូរជៀសវាងអាហារដែលសម្រកទម្ងន់ ព្រោះវាអាចធ្វើអោយអាការៈមិនមករដូវកាន់តែធ្ងន់ធ្ងរ។ ចូរធ្វើអោយបាននូវទម្លាប់នៃការញ៉ាំអាហារផ្តល់នូវសុខភាព និងហាត់ប្រាណជាទៀងទាត់ ដើម្បីសម្រកទម្ងន់អោយមានសុវត្ថិភាព។
- ជៀសវាងអាហារមានជាតិខ្លាញ់ និងផលិតផលដែលមានជាតិខ្លាញ់ខ្ពស់។ ចូរប្រើប្រាស់ប្រេងអូលីវ ដើម្បីចំអិនអាហារ សម្រកទម្ងន់ និងបន្ថែមអាហារមានជាតិសរសៃដើម្បីសម្រួលដល់ការរំលាយអាហារនិងបំបែកអាហារ។
- បើសិនជាអ្នកជាមនុស្សស្គម ចូរបង្កើនការទទួលទានប្រូតេអ៊ីន និងផលិតផលធ្វើពីទឹកដោះគោមានជាតិខ្លាញ់ទាប។ ការធ្វើបែបនេះនឹងជួយអោយអ្នកកឡើងទម្ងន់ តែមានសុខភាពល្អ។
- មិនត្រូវភ្លេចប្រើថ្នាំបំប៉នវីតាមីន និងជាតិរ៉ែជាមួយវីតាមីនអាស៊ីតហ្វូលិចទេ ព្រោះកង្វះជីវជាតិទាំងនេះអាចបណ្តាលអោយស្ត្រីមិនមករដូវបាន៕