Join with Health.com.kh on Telegram

​ការស្រាវជ្រាវ​ថ្មី​មួយ​បាន​បង្ហាញថា ការ​ផឹក​កាហ្វេ​អ៊ី​ន អាច​ធ្វើអោយ​អាការៈ​បែកញើស និង​ក្តៅក្រហាយ​ពេលយប់​កាន់តែ​អាក្រក់​ទៅៗ ហើយ​ការ​បែកញើស​យប់​នេះ​អាច​ប៉ះពាល់​លើ​ស្ត្រី (​ពេល​ឈាន​ចូល​វ័យ​អស់​រដូវ​) រហូតដល់​ទៅ​ពីរភាគបី​។​

​វេជ្ជបណ្ឌិត ស្តេ​ហ្វា​នី ហ្វូ​ប្យ៊ុ​ង (Stephanie Faubion) មក​ពី​គ្លីនិក Mayo បាន​និយាយថា វា​គឺ​ការស្រាវជ្រាវ​ថ្មី និង​លើក​ដំបូង ដែល​វា​បាន​បង្ហាញថា ស្ត្រី​ក្រោយ​អស់​រដូវ​ដែល​មាន​ការរំខាន​ដោយ​ការ​បែកញើស​យប់ និង​ក្តៅក្រហាយ​គួរតែ​កំណត់​ពី​កម្រិត​នៃ​ការ​ទទួលទាន​ជាតិ​កាហ្វេ​។​

​ប៉ុន្តែ ជាតិ​កាហ្វេ​អ៊ី​ន ជា​អ្នក​ភ្ញោ​ចអារ​ម្មណ៍​មួយ​ដែល​ត្រូវបាន​រកឃើញ​នៅក្នុង​កាហ្វេ និង​ទឹកក្រូច​នោះ អាច​មាន​ឥទ្ធិពល​ផ្សេង​គ្នា​លើ​ស្ត្រី​ដែល​ចាប់ផ្តើម​ចូល​ទៅ​កាន់​អស់​វ័យ​រដូវ​។ ក្នុងករណីនេះ កាហ្វេ​អ៊ី​ន​អាច​ដាស់​អារម្មណ៍ បង្កើន​ការចងចាំ និង​ជួយ​ដល់​ការ​ផ្ចង់​អារម្មណ៍​។​

​ការស្រាវជ្រាវ​ដែល​ត្រូវ​បាន​ចេញផ្សាយ​នៅក្នុង​កាសែត Menopause បាន​ពិនិត្យ​លើ​ស្ត្រី​អស់​រដូវ ជាង ១.៨០០ នាក់​។ រោគសញ្ញា​ត្រូវបាន​គេ​ប្រៀបធៀប​រវាង​អ្នក​ផឹក​កាហ្វេ និង​អ្នក​ដែល​មិន​ផឹក​។​

​វេជ្ជបណ្ឌិត Faubion បាន​និយាយថា រោគសញ្ញា​នៃ​ការ​អស់​រដូវ​អាច​មាន​ការ​ឡើង​ចុះ ប៉ុន្តែ មាន​វិធីសាស្ត្រ​គ្រប់គ្រង​ជា​ច្រើន​ដែល​គេ​អាច​សាកល្បង​បាន​។ គាត់​បាន​បន្ថែមថា មធ្យោបាយ​មួយ​ដើម្បី​បង្កើន​ការគ្រប់គ្រង​រោគសញ្ញា​ដែល​ត្រូវបាន​រំខាន គឺ​ប្រយ័ត្ន​ពីអ្វី​ដែល​អ្នក​បាន​ញ៉ាំ​។​

​គាត់​បាន​និយាយថា ស្ត្រី​គួរតែ​ប្រុងប្រយ័ត្ន​ចំពោះ​អាហារ​ហឹរ និង​ភេសជ្ជៈ​ក្តៅ ដូចជា​កាហ្វេ ស្រា និង​ការជក់បារី​។​

​វេជ្ជបណ្ឌិត Faubion បាន​និយាយថា ការ​តម​កាហ្វេ ការរក្សា​ទម្ងន់​អោយបាន​ល្អ ការធ្វើ​លំ​ហាត់ប្រាណ​អាចជួយ​ស្ត្រី​ទាំងនោះ​បាន​។ គាត់​ក៏​បាន​ណែនាំ​អោយ​ស្ត្រី​ស្លៀក​សម្លៀក​បំពាក់​ស្តើងៗ និង​គេង​ក្នុង​បន្ទប់​មាន​ម៉ាស៊ីនត្រជាក់​ជាដើម ដើម្បី​កំណត់​ពី​ភាព​មិន​ស្រួល​នៃ​រោគសញ្ញា​នៃ​ការ​អស់​រដូវ​នេះ​។​

​ជាទូទៅ ស្ត្រី​ឈាន​ទៅដល់​ការ​អស់​រដូវ ក្រោយ​អាយុ ៤៥ ឆ្នាំ​៕