អាហារទាំងនេះមានអាយុកាលយូរណាស់ អ្នកអាចទុកវាក្នុងផ្ទះបានច្រើនឆ្នាំដោយមិនខ្លាចខូច។
ទឹកឃ្មុំ
ទឹកឃ្មុំជាអាហារមួយក្នុងចំណោមអាហារមួយចំនួនដែលមិនចេះផុតកំណត់។ របាយការណ៍ National Geographic អ្នកបុរាណវិទូបានរកឃើញពាងទឹកឃ្មុំដែលមានអាយុ 3,000 ឆ្នាំនៅក្នុងផ្នូរអេហ្ស៊ីប ហើយគួរឱ្យភ្ញាក់ផ្អើលដែលវានៅតែអាចបរិភោគបានទាំងស្រុង។
មូលហេតុដែលឃ្មុំអាចរក្សាបានយូរនោះគឺដោយសារបរិមាណទឹកទាបខ្លាំងណាស់។ ទន្ទឹមនឹងនេះមីក្រូសរីរាង្គត្រូវការទឹកដើម្បីលូតលាស់។ ជាងនេះទៅទៀត ទឹកឃ្មុំក៏មាន pH ទាបផងដែរ បរិស្ថាននៃទឹកឃ្មុំគឺស្ទើរតែគ្មានការរីកលូតលាស់នៃបាក់តេរី។
លើសពីនេះទឹកឃ្មុំក៏មានលក្ខណៈសម្បត្តិប្រឆាំងនឹងបាក់តេរីផងដែរ។ ទឹកឃ្មុំមានអ៊ីដ្រូសែន peroxide នៅក្នុងវា ដែលធ្វើឱ្យវាក្លាយជាអាហារដែលមិនចេះផុតកំណត់ប្រើប្រាស់។
ទោះជាយ៉ាងណាក៏ដោយ ទឹកឃ្មុំនៅតែអាចខូចប្រសិនបើអ្នករក្សាទុកវាមិនត្រឹមត្រូវ។ នៅពេលដែលពាងទឹកឃ្មុំបើក បរិមាណទឹកនៅក្នុងទឹកឃ្មុំអាចកើនឡើងលើសពី 18% និងបង្កើនហានិភ័យនៃការឡើងជូរ ឫឡើងមេ ដែលបណ្តាលឱ្យទឹកឃ្មុំមានការបំពុលដោយបាក់តេរីពីបរិស្ថានជុំវិញ។
ដូច្នេះហើយ អ្នកគួររក្សាទឹកឃ្មុំក្នុងពាងកែវមួយដែលមានគម្របតឹង ហើយទុកក្នុងកន្លែងត្រជាក់ និងស្ងួត។
ពេលប្រើទឹកឃ្មុំ ត្រូវប្រើប្រដាប់ប្រដាស្អាត ដើម្បីចៀសវាងការចម្លងរោគ និងការខូចគុណភាពទឹកឃ្មុំ។
ប្រេងដូង
ប្រេងដូងសុទ្ធស្ទើរតែគ្មានការផុតកំណត់។ មូលហេតុដែលវាអាចរក្សាទុកបានយូរគឺដោយសារវាផ្ទុកសារធាតុ ABCtb។ នេះគឺជាសារធាតុដែលមានលក្ខណៈសម្បត្តិ ប្រឆាំងមីក្រុមខ្លាំង ដែលជួយសម្លាប់បាក់តេរី និងផ្សិត។ ដូច្នេះ ប្រេងដូងនឹងមិនត្រូវបានបំផ្លាញដោយបាក់តេរីទេ។
ជាការពិតណាស់ វានៅតែមានប្រេងដូងដែលខូច និងរិចរិលបន្ទាប់ពីប្រើប្រាស់បានប៉ុន្មានខែ។ មូលហេតុអាចមកពីប្រេងបានបន្លំមិនមែនប្រេងដូងសុទ្ធ។
ទឹកខ្មេះ
ទឹកខ្មេះក៏ជាអាហារដែលមិនខ្លាចផុតកំណត់។ យោងតាមការសិក្សាដែលធ្វើឡើងដោយ Vinegar Institutem អាយុកាលផុតកំណត់នៃទឹកខ្មេះគឺស្ទើរតែគ្មាន។ វាមានជាតិអាស៊ីត ដូច្នេះវាអាចរក្សាទុកដោយខ្លួនវាដោយមិនចាំបាច់ដាក់ទូរទឹកកក។ យូរៗទៅ អ្នកអាចឃើញការផ្លាស់ប្តូរពណ៌ និងសំណល់នៅក្នុងដប ប៉ុន្តែការផ្លាស់ប្តូរទាំងនេះស្ទើរតែគ្មានឥទ្ធិពលលើសុវត្ថិភាពរបស់វាឡើយ៕
