Join with Health.com.kh on Telegram

​ផ្លែឈើ​ទាំងនេះ​មាន​សារធាតុចិញ្ចឹម​ជាច្រើន ជួយ​ពង្រឹង​ប្រព័ន្ធ​ការពារ​រាងកាយ ខណៈពេលដែល​ជួយ​សម្អាត និង​ការពារ​សួត​ប្រឆាំងនឹង​មេរោគ​។

​ផ្លែ​ប៉ោម​

​ផ្លែ​ប៉ោម​មិន​ត្រឹមតែ​ជា​ផ្លែឈើ​ដែលមាន​រសជាតិ​ឆ្ងាញ់​ប៉ុណ្ណោះ​ទេ ប៉ុន្តែ​វា​ក៏មាន​ជីវជាតិ​ខ្ពស់ និង​មាន​សុខ​ភាពល្អ​ផងដែរ​។ ផ្លែ​ប៉ោម​មាន​កាឡូរី​ទាប ប៉ុន្តែ​សម្បូរ​ទៅដោយ​ជាតិ​សរសៃ និង​មាន​សារជាតិ flavonoids ដែលជា​សារធាតុ​ដែល​ត្រូវបាន​អ្នកវិទ្យាសាស្ត្រ​ជាច្រើន​បង្ហាញថា​មាន​សមត្ថភាព​ប្រឆាំងនឹង​ការលូតលាស់​នៃ​កោសិកា K ។​

​លើសពីនេះ ផ្លែ​ប៉ោម​ក៏មាន​ផ្ទុក​នូវ​វីតាមីន និង​សារធាតុ​ប្រឆាំង​អុកស៊ីតកម្ម​ជាច្រើន ជាពិសេស​វីតាមីន C ដែល​ជួយ​ពង្រឹង​ប្រព័ន្ធ​ភាពស៊ាំ និង​ប្រព័ន្ធ​ដកដង្ហើម​។ នៅពេលដែល​មុខងារ​ប្រព័ន្ធ​ភាពស៊ាំ និង​ផ្លូវដង្ហើម​មាន​សុខភាព​ល្អ យើង​អាច​ការពារ​ជំងឺ​សួត​ដោយ​ធម្មជាតិ​។​

​អ្នកស្រាវជ្រាវ​មកពី​សាលា​វេជ្ជសាស្ត្រ St. George London បាន​រកឃើញថា អ្នក​ដែល​ញ៉ាំ​ផ្លែ​ប៉ោម​លើសពី 5 ផ្លែ​ក្នុង​មួយ​សប្តាហ៍ មានមុខ​ងារ​សួត​ប្រសើរ​ជាង​អ្នក​ដែល​មិនបាន​ញ៉ាំ​។ ផ្លែ​ប៉ោម​មាន​ផ្ទុក​សារធាតុ​ប្រឆាំង​អុកស៊ីតកម្ម​ហៅថា quercetin ដែល​ជួយ​ការពារ​សួត​ប្រឆាំងនឹង​ផ្សែង​អ័ព្ទ និង​ការបំពុល​។​

​ផ្លែ​សារី​

​ការទទួល​ទាន​ផ្លែ​សារី​ជាប្រចាំ​គឺ​ល្អជា​ពិសេស​សម្រាប់​សួត​។ ផ្លែ​សារី​ស្រស់​ជួយ​បណ្តេញ​ជាតិពុល​ចេញពី​សួត​បាន​យ៉ាង​ល្អ​។​

​ផ្លែ​ល្វា​

​ផ្លែ​ល្វា មាន​សារធាតុចិញ្ចឹម​ខ្ពស់ ដែល​ល្អ​សម្រាប់​សុខភាព​។ ទាំង​ផ្លែ​ល្វា​ស្រស់ និង​ស្ងួត​អាច​ប្រើ​ជា​ថ្នាំ​បាន​។ នៅពេលដែល​បំពង់ក​ហើម ការទទួល​ទាន​ផ្លែ​ល្វា​ពីរ​បី​ផ្លែ​អាច​បំបាត់​ការឈឺចាប់ និង​បង្កើនល្បឿន​នៃ​ការ​ជាសះស្បើយ​ឡើងវិញ​។​

​នៅពេលដែល​សួត​ក្តៅ សំលេង​មាន​រោគសញ្ញា​ស្អក អ្នក​អាច​ប្រើ​ផ្លែ​ល្វា​ដែល​ចម្អិន​ជាមួយ​ស្ករ ហើយ​ផឹកទឹក​វា​។ ទឹក​ប្រភេទ​នេះ​នឹង​ជួយ​សម្រួល​ដល់​រាងកាយ បំបាត់​ការឈឺ​បំពង់ក បាត់​សំលេង​ស្អក ។​

​ទំពាំងបាយជូរ​

​ទំពាំងបាយជូរ​មាន​សារជាតិ flavonoids ជាច្រើន និង​វីតាមីន និង​សារធាតុ​រ៉ែ​សំខាន់ៗ ដែល​ជួយ​លើកកម្ពស់​មុខងារ​សួត​។ ការទទួល​ទាន​ទំពាំងបាយជូរ​ជាប្រចាំ​ជួយ​សម្អាត​សួត និង​កម្ចាត់​ជាតិពុល​ពី​ខាងក្រៅ​។​

​ក្រូចថ្លុង​

​វីតាមីន C គឺ​ចាំបាច់​សម្រាប់​ប្រព័ន្ធ​ដកដង្ហើម និង​សុខភាព​សួត​។ ទន្ទឹមនឹងនេះ ក្រូចថ្លុង​សម្បូរ​ទៅដោយ​វីតាមីន C លើសពីនេះ​ផ្លែឈើ​នេះ​ក៏មាន​សារធាតុ​រ៉ែ​សំខាន់ៗ​ជាច្រើន ដើម្បី​ជួយ​ការពារ​សួត​ពី​ការឆ្លង​មេរោគ បង្កើន​ភាពស៊ាំ​របស់​រា​ង​កាយ​។​

​ការសិក្សា​មួយចំនួន​ក៏​បង្ហាញ​ផងដែរ​ថា ក្រូចថ្លុង​ជួយ​កែលម្អ​មុខងារ​សួត​របស់​មនុស្ស​ដែលមាន​ជំងឺ​ស្ទះ​សួត​រ៉ាំរ៉ៃ​។ អ្នក​ដែល​ទទួលទាន​ក្រូចថ្លុង​ជាប្រចាំ​នឹងមាន​មុខងារ​សួត​ល្អ​ជាង​អ្នក​ដែល​មិន​បរិភោគ​ក្រូចថ្លុង​។

​ផ្លែ​ស្ពឺ​

​ផ្លែ​ស្ពឺ គឺជា​ផ្លែឈើ​ដែលមាន​ប្រសិទ្ធភាព​ជម្រះ​កំដៅ បង្កើត​សារធាតុ​រាវ​ថ្មី (​ទឹក​ក្នុង​ខ្លួន​) បញ្ចុះ​ទឹកនោម និង​បន្សាប​ជាតិពុល​។​

​នៅពេល​អ្នក​ក្អក​ដោយសារ​ខ្យល់ ឈឺ​មាត់ អ្នក​អាច​ញ៉ាំ​ផ្លែ​ស្ពឺ​ខ្លះ ដើម្បី​បំបាត់​ភាពមិន​ស្រួល​។ ការទទួល​ទាន​ផ្លែ​ស្ពឺ​មួយ​ផ្លែ​បន្ទាប់ពី​អាហារ​អាចជួយ​ឱ្យ​អ្នកមាន​អារម្មណ៍​ត្រជាក់ ស្រស់ស្រាយ និង​បន្សាប​ជាតិពុល​ក្នុង​សួត​បាន​យ៉ាង​ល្អ​។

​ផ្លែ​បឺ​រ​

​ផ្លែ​បឺ​រ គឺជា​ផ្លែឈើ​ដែលមាន​តម្លៃ​អាហារូបត្ថម្ភ​ខ្ពស់​។ វា​មិន​ត្រឹមតែ​ល្អ​សម្រាប់​អ្នក​ដែល​ត្រូវការ​តម​អាហារ និង​សម្រក​ទម្ងន់​ប៉ុណ្ណោះ​ទេ ប៉ុន្តែ​ថែមទាំង​ល្អ​សម្រាប់​ការពារ និង​លើក​កំពស់​សុខភាព​ទៀតផង​។ ផ្លែ​បឺ​រ សម្បូរ​ទៅដោយ​វីតាមីន E, B6 និង​វីតាមីន K ដែល​ជួយ​ប្រឆាំង​បាក់តេរី ដែល​បង្ក​ឱ្យ​រលាក​សួត​។ លើសពីនេះ សារធាតុ​ប៉ូ​តា​ស្យូ​ម​ខ្ពស់​នៅក្នុង​ផ្លែ​បឺ​រ មាន​អត្ថប្រយោជន៍​ច្រើន​សម្រាប់​អ្នក​ដែលមាន​ជំងឺហឺត ប៉ុន្តែ​វា​ជួយ​បង្កើន​សមត្ថភាព​សួត ដើម្បី​ទទួលបាន​អុកស៊ីហ្សែន​ច្រើន​។​

​ផ្លែ​ស្ត្រ​បឺ​រី​

​ផ្លែ​ស្ត្រ​បឺ​រី​មាន​ផ្ទុក​អាស៊ីត phenolic ជាច្រើន សារធាតុ flavonoids តានី​ន អាស៊ីត ascorbic សារធាតុ phytochemicals … ដែលមាន​ប្រយោជន៍​ដល់​សុខភាព​។ សារធាតុ​ទាំងនេះ​ជួយ​ពង្រឹង​ប្រព័ន្ធ​ការពារ​រាងកាយ ជួយ​កម្ចាត់​មេរោគ​ដែល​បង្កឱ្យមាន​ជំងឺ​រលាក​សួត​៕​