ក្នុងឆ្នាំនេះ មនុស្សភាគច្រើនកំពុងតែធ្វើយ៉ាងណាអោយមានការផ្លាស់ប្តូរយ៉ាងសកម្មចំពោះជីវិតរបស់ពួកគេ។ ខណៈពេលដែលអ្នកចង់ចាប់ផ្តើមបង្កើតនូវការផ្លាស់ប្តូរនាពេលឥឡូវនេះ ឬនៅតែកំពុងគិតអំពីដំណោះស្រាយសម្រាប់ឆ្នាំ ២០១៤នេះ មានមធ្យោបាយច្រើនណាស់សម្រាប់ជួយអោយអ្នកក្លាយទៅជាមនុស្សសប្បាយចិត្ត, សុខភាពល្អនិងរកស៊ីមានបានក្នុងឆ្នាំថ្មីនេះ។
សិក្សាអំពីខ្លួនឯងអោយបានច្រើន
តើអ្នកបានអង្គុយចុះហើយគិតថាតើអ្នកជានរណាអោយប្រាកដទេ? មនុស្សភាគច្រើនត្រូវការសិក្សាកាន់តែច្រើនអំពីខ្លួនឯងដោយសារតែមនុស្សយើងច្រើនតែសួរអំពីចរិតលក្ខណៈដែលត្រូវធ្វើនាពេលបច្ចុប្បន្ន។ ចូរសិក្សាអោយកាន់តែច្រើនថាតើអ្នកជានរណាអោយពិតប្រាកដ។ ចូរសិក្សាអោយកាន់តែច្រើនអំពីខ្លួនអ្នកតាមរយៈការព្យាយាមធ្វើអ្វីដែលថ្មីៗដូចជា ការធ្វើដំណើរទៅកន្លែងណាមួយម្នាក់ឯង ឬចំណាយពេលវេលាមួយចំនួនជាមួយនឹងខ្លួនឯង។
ផ្តោតសំខាន់ទៅលើគោលដៅវិជ្ជមានក្នុងជីវិត
ការផ្តោតសំខាន់ទៅលើគោលដៅអវិជ្ជមានគឺជាវិធីសាស្ត្រដ៏ល្អមួយដើម្បីធ្វើអោយខ្លួនឯងសប្បាយចិត្ត។ ចូរជំនួសនូវការគិតអំពីរឿងអវិជ្ជមានចោលអោយអស់ ហើយប្តូរមកគិតរឿងវិជ្ជមានវិញ។ អ្នកនឹងយល់ថារឿងរាវជាច្រើនក្នុងជីវិតអ្នកត្រូវការភាពរីកចម្រើន។ ចូរផ្លាស់ប្តូរខ្លួនឯង ហើយតែម្នាក់ឯងបានហើយ។
សិក្សាពីររបៀបគ្រប់គ្រងបរិស្ថានរបស់អ្នក
ការគ្រប់គ្រងបរិស្ថាននរបស់អ្នកគឺជារឿងសំខាន់បើសិនជាអ្នកចង់សប្បាយចិត្ត,សុខភាពល្អ និងរកស៊ីមានបាន។ អ្នកគួរតែសិក្សានូវការផ្លាស់ប្តូររឿងរ៉ាវជាច្រើននៅជុំវិញខ្លួនអោយមានប្រសិទ្ធភាព និងក្នុងបរិស្ថានរស់នៅរបស់អ្នក។ អ្នកអាចគ្រប់គ្រងវាបាន។ បើសិនជាអ្នកយល់ថា អ្នកមិនអាចគ្រប់គ្រងបានទេ នោះអ្នកប្រហែលគួរផ្លាស់ប្តូរវាហើយ។ ចូរគិតអំពីការផ្លាស់ប្តូរផង ពេលនោះអ្នកពិតជាអាចសាកល្បងពង្រឹងដល់បរិស្ថាននៅជុំវិញខ្លួនបាន។
ភ្ជាប់ទំនាក់ទំនងជាមួយមនុស្សសប្បាយចិត្តផ្សេងទៀត
បើសិនជាអ្នកចង់សប្បាយចិត្ត នោះអ្នកទំនងជាត្រូវការភ្ជាប់ទំនាក់ទំនងជាមួយមនុស្សដែលសប្បាយចិត្តផ្សេងៗទៀត។ នៅជុំវិញខ្លួនដែលមានមនុស្សសប្បាយចិត្ត, សុខភាពល្អ និងរកស៊ីមានបានគឺជារឿងសំខាន់។ ពេលនៅជាមួយគ្នា អ្នកអាចលើកទឹកចិត្តគ្នាទៅវិញទៅមកដើម្បីមានការផ្លាស់ប្តូរជីវិតរបស់អ្នកក្នុងន័យវិជ្ជមានបាន។ នៅពេលក្រោយ អ្នកនឹងមានរឿងសប្បាយៗកើតមាន និងអាចទំនាក់ទំនងគ្នាបានយ៉ាងល្អផង។
ត្រូវសកម្ម
បើសិនជាអ្នកចង់បង្កើតនូវការផ្លាស់ប្តូរដ៏សកម្មក្នុងជីវិតបាន អ្នកត្រូវតែស្វែងយល់នូវអ្វីដែលត្រូវធ្វើដើម្បីអោយមានការផ្លាស់ប្តូរបែបនោះបាន។ បើសិនជាអ្នកចង់មានសុខភាពល្អ ចូរស្វែងរកវាអោយសកម្ម។ ចូរញ៉ាំអាហារដែលមានសុខភាពល្អ និងហាត់ប្រាណ។ បើសិនជាអ្នកចង់រកស៊ីមានបាន នោះ អ្នកត្រូវតែធ្វើការផ្លាស់ប្តូរស្ថានភាពដ៏សោះកក្រោះរបស់អ្នកចេញទៅ។
ចិត្តល្អចំពោះខ្លួនឯង និងជឿលើខ្លួនឯង
ការជឿជាក់លើខ្លួនឯងគឺជារឿងសំខាន់ បើសិនជាអ្នកចង់សប្បាយចិត្ត។ នៅពេលក្រោយ ពេលអ្នកសង្ស័យខ្លួនឯង ចូរគិតអំពីរបៀបដែលអ្នកបានធ្វើដូច្នេះវានឹងមិានការផ្លាស់ប្តូរបែបន័យវិជ្ជមានផ្សេងៗទៀតជាច្រើនហើយ។
ទៅជួបមនុស្សដែលអ្នកស្រឡាញ់
បើសិនជាអ្នកពេញចិត្តនឹងការរស់នៅជុំវិញមនុស្សផ្សេងៗទៀត អ្នកគួរតែទៅមើល ឬជួបគេជាញឹកញាប់។ ខ្ញុំចូលចិត្តនៅជាមួយមិត្តភក្តិ និងគ្រួសារខ្ញុំព្រោះពួកគេធ្វើអោយពេលវេលារបស់ខ្ញុំកាន់តែល្អជាងមុនរហូតមិនខ្វល់ថាមានរឿងអ្វីកើតឡើងនោះទេ។ ចូរប្រាកដថា អ្នកបានចូលរួមក្នុងកម្មវិធីជប់លៀងថ្ងៃសម្រាក, បុណ្យខួបកំណើត និងរីករាយជាមួយគ្នា។
រៀននិយាយថាទេចំពោះរឿងជាច្រើនដែលអ្នកមិនចង់ធ្វើ
បើសិនជាអ្នកមិនពេញចិត្តនឹងធ្វើអ្វីមួយហើយ អ្នកត្រូវតែរៀនពីររបៀបនិយាយថាទេទៅ។ ចូរធ្វើរឿងទាំងឡាយណាដែលចម្រើនដល់ខ្លួនឯង មិនមែនរឿងដែលធ្វើអោយខ្លួនអ្នកកាន់តែគួរអោយអាណិតនោះទេ។ ចូរសិក្សាពេលវេលាដែលត្រូវនិយាយថាទេ និងពេលវេលាដែលត្រូវនិយាយថាបាន។ បើសិនជាមនុស្សម្នាក់តែងតែព្យាយាមដាក់គំនាបការងារច្រើនទាំងអស់របស់ពួកគេមកអោយអ្នកធ្វើ ចូរនិយាយថាទេដោយក្តីគោរពវិញទៅ។
រៀនធ្វើខ្លួនអោយសប្បាយ
មានវិធីសាស្ត្រច្រើនណាស់ដើម្បីអោយសប្បាយចិត្ត ហើយមធ្យោបាយដ៏សំខាន់មួយនោះគឺរៀនធ្វើខ្លួនអោយសប្បាយតែម្តង។ បើសិនជាអ្នកមិនមានភាពសប្បាយក្នុងជីវិតទេ មានន័យថាអ្នកមិនកំពុងរស់នៅក្នុងជីវិតដែលត្រឹមត្រូវនោះទេ។ ចូរយល់ដឹងនូវអ្វីដែលធ្វើអោយអ្នកសប្បាយចិត្ត និងតម្រង់ទិសទៅរកអ្វីដែលធ្វើអោយសប្បាយច្រើនជាងកើតទុក្ខ។ ចូរសិក្សាពីរបៀបធ្វើអោយរឿងដែលគួរអោយធុញក្នុងជីវិតមានភាពសប្បាយរីករាយផង។ មានវិធីសាស្ត្រច្រើនណាស់ដើម្បីសប្បាយដូចជា៖ ចូលរួមពីធីជប់លៀង, មើលកីឡាថ្មីៗ, ចូលក្នុងកម្មវិធីក្នុងសាលា, រៀនថតរូបជាដើម។
មានមោទនៈភាពលើរាងគ្រប់យ៉ាងក្នុងជីវិត
ការដែលធ្វើខ្លួនអោយរីករាយចំពោះអ្វីៗដែលអ្នកមានក្នុងជីវិតគឺជារឿងសំខាន់។ ភាពរីករាយបានធ្វើអៅយអ្វីៗក្លាយទៅជាភាពច្នៃប្រឌិតបាន។ មិនខ្វល់ថាអ្នកមានផ្ទះផ្ទាល់ខ្លួន, គ្រួសារដ៏អស្ចារ្យ, ការងារល្អៗ, សត្វចិញ្ចឹម, ទម្លាប់ដ៏សប្បាយ, មិត្តភក្តិល្អៗ ឬអ្វីទេ វាតែងតែមានរឿងខ្លះក្នុងជីវិតរបស់អ្នកដែលត្រូវធ្វើអោយមានភាពរីករាយជាដរាបដែរ៕