Join with Health.com.kh on Telegram

​ផ្លែស្វាយ​ស្រស់ៗ​គឺជា​ផ្លែឈើ​ដែល​ស្ត្រី​មាន​ផ្ទៃពោះ​ពេញនិយម​ជាងគេ​។ សំណួរ​គឺថា ហេតុអ្វី​បានជា​ស្វាយ​ខ្ចី​គឺជា​ផ្លែឈើ​ធ្វើអោយ​មនុស្ស​យើង​ស្រក់​ទឹកមាត់ ហើយ​វា​ច្រើន​តែ​កើតមាន​លើ​ស្ត្រី​មាន​ផ្ទៃពោះ​តែម្តង​។ រស់ជាតិ​ជូរៗ​គឺ​អ្វី​ដែល​ធ្វើអោយ​ញៀន ជាពិសេស​នៅពេល​ស្ត្រី​មាន​ផ្ទៃពោះ​ក្អួតចង្អោរ​។

ស្វាយ​យ​មិន​ត្រឹមតែ​ធ្វើអោយ​មនុស្ស​យើង​ស្រក់ទឹកមាត់​ទេ តែ​មាន​រឿង​ច្រើនណាស់​ដែល​ផ្លែស្វាយ​ខ្ចី​មាន​ប្រយោជន៍​ចំពោះ​ស្ត្រី​មាន​ផ្ទៃពោះ​។​

 ជួយ​អោយ​ប្រព័ន្ធ​ភាពស៊ាំ​ស្ត្រី​មាន​ផ្ទៃពោះ​រឹងមាំ​
ការថែរក្សា​សុខភាព​ស្ត្រី​មាន​ផ្ទៃពោះ​គឺជា​រឿង​សំខាន់បំផុត​។ ចំណែក​ឯង​ការទទួល​បាន​អត្ថប្រយោជន៍​ពី​វីតាមីន​ក៏​ជា​រឿង​ល្អ​សម្រាប់​ស្ត្រី​មាន​ផ្ទៃពោះ​ដែរ​។ គ្រូពេទ្យ​ច្រើនតែ​ណែនាំ​ថា ក្នុងនាម​ជា​ម្តាយ​គេ​បែប​នេះ​គួរតែ​ញ៉ាំ​អាហា​រណា​ដែល​មាន​ជីវជាតិ​ខ្ពស់​។ ស្វាយ​ខ្ចី​មាន​ប្រយោជន៍​ចំពោះ​ស្ត្រី​មាន​ផ្ទៃពោះ​នោះ​ត្រង់​ថា​វា​ផ្តល់​នូវ​ប្រព័ន្ធ​ភាពស៊ាំ​បន្ថែម​ដល់​ពួកគេ​។​

 ​ផ្លែស្វាយ​ផ្ទុក​ទៅ​ដោយ​វីតាមីន C ដែល​ជា​ហេតុផល​មួយ​ធ្វើអោយ​ស្វាយ​ខ្ចីៗ​មាន​ប្រយោជន៍​កាន់តែ​ខ្លាំង​ដល់​ស្ត្រី​មាន​ផ្ទៃពោះ​។ ដូចដែល​យើង​ធ្លាប់​ដឹង​ហើយ​ថា វីតាមីន C មាន​លក្ខណៈសម្បត្តិ​ល្អ​បំផុត​សម្រាប់​ជួយ​អោយ​ប្រព័ន្ធ​ភាពស៊ាំ​មាន​សុខភាព​ល្អ ដូច្នេះ​វា​អាច​ជួយ​បង្ការ​ជំងឺ​បាន​កាន់តែ​ច្រើន​ផងដែរ​។ វីតាមីន C ក៏​ជួយ​អោយ​រាងកាយ​អាច​យកឈ្នះ​នឹង​ការ​រលាក​បានដែរ​។​

 ​ស្ត្រី​ដែល​មាន​ផ្ទៃពោះ​ត្រូវបាន​គេ​ណែនាំ​អោយ​ទទួល​ទា​ហ​អាហារ​ដែល​ផ្ទុក​ទៅ​ដោយ​វីតាមីន C ដើម្បី​អាច​ជួយ​បឺត​ស្រូប​ជាតិ​កាល់ស្យូម​ដែល​មាន​តួនាទី​បង្កើត​ឆ្អឹង និង​ធ្មេញ​របស់​ទារក​ក្នុង​ផ្ទៃ​។ អត្ថប្រយោជន៍​ផ្សេងៗ​ទៀត​របស់​ស្វាយ​ខ្ចី​គឺ​ជួយ​អោយ​រាងកាយ​បង្កើតបានជា​កោសិការ​ថ្មីៗ និង​ជួយ​បឺត​ស្រូប​ជាតិ​ដែក ដែល​ជា​សារធាតុ​ដ៏​មាន​ប្រយោជន៍​បំផុត​សម្រាប់​បង្កើត​គ្រាប់​ឈាម​ក្រហម ដូច្នេះ​ស្ត្រី​មាន​ផ្ទៃពោះ​នឹង​ចៀសផុត​ពី​បញ្ហា​ស្លេកស្លាំង ឬ​ខ្វះ​គ្រាប់​ឈាម​បាន​។​

 ​យកឈ្នះ​ការ​ចាញ់​កូន​
ទោះបីជា​មិន​មាន​ការសិក្សា​ច្រើន​បញ្ជាក់​អំពី​ត​អត្ថប្រយោជន៍​របស់​ផ្លែស្វាយ​ក្នុង​ការជួយ​ជម្នះ​ភាព​ចាញ់កូន​ក៏ដោយ ក៏​ស្ត្រី​មាន​ផ្ទៃពោះ​វ័យក្មេង​ជាច្រើន​ដែល​នៅតែ​ជ្រើសរើស​ផ្លែស្វាយ​មក​ទទួល​ទាន​ដើម្បី​បំបាត់​អាការៈ​ក្អួតចង្អោ​ររបស់​ពួកគេ​នៅ​ត្រីមាស​ដំបូង​ដែរ​។​

 ​ក្នុង​ផ្លែស្វាយ​ក៏​ផ្ទុក​ទៅ​ដោយ​វីតាមីន B6​ដែរ​។ ក្រៅពី​មាន​ប្រយោជន៍​ដល់​ប្រព័ន្ធ​ភាពស៊ាំ រាងកាយ​ក៏​នឹង​ត្រូវការ​វីតាមីន​ដើម្បី​ជួយ​កាត់បន្ថយ​វីតាមីន​ដែរ​។ ដោយសារតែ​ហេតុផល​នេះហើយ ទើប​ស្ត្រី​មាន​ផ្ទៃពោះ​វ័យក្មេង​ដែល​ឧស្សាហ៍​ក្អួត​នោះ​អាច​ប្រើប្រាស់​ផ្លែស្វាយ​ដើម្បី​បញ្ឈប់​បញ្ហា​នេះ​បាន​។​

 ​យកឈ្នះ​ការ​ទល់លាមក​
ការ​ទល់លាមក​គឺជា​បញ្ហា​ដែល​កើតមាន​ជា​ញឹកញាប់​មួយ​លើ​ស្ត្រី​មាន​ផ្ទៃពោះ​វ័យក្មេង​។ ជាទូទៅ បញ្ហា​បែប​នេះ​មិនមាន​អ្វី​ជា​ធ្ងន់ធ្ងរ​ខ្លាំង​នោះ​ទេ ប៉ុន្តែ​អ្នកខ្លះ​ក៏​មាន​បញ្ហា​មិន​ស្រួល​ក្នុង​ពោះ​ដែរ​។ ការ​ដែល​គ្មាន​ផា​សុខភាព​ក្នុង​ពោះ មាន​ពេល​ខ្លះ​អាច​ប៉ះពាល់​ដល់​កូន​ក្នុង​ផ្ទៃ​ដែរ ដូច្នេះ​វា​ច្រើន​តែ​ធ្វើ​អោយ​ម្តាយ​មាន​បញ្ហា​សរសៃប្រសាទ​។​

 ​អត្ថប្រយោជន៍​របស់​ផ្លែស្វាយ​ចំពោះ​ការ​ទល់លាមក​គឺ​ដោយសារតែ​ជាតិ​សរសៃ​របស់​វា​។ ផ្លែស្វាយ​សម្បូរ​ទៅដោយ​ជាតិ​សរសៃ​ណាស់​សម្រាប់​ជួយ​អោយ​រាងកាយ​អាចរំលាយ​អាហារ​បាន​យ៉ាង​ល្អ​។​

 ​លើសពីនេះទៅទៀត អង់ស៊ីម​ដែលមាន​ក្នុង​ផ្លែស្វាយ​ក៏​មាន​ប្រយោជន៍​ដល់​សុខភាព​រំលាយ​អាហា​រដែរ​៕