ជាមធ្យមក្មេងជំទង់ ត្រូវការ សំរាកឱ្យបានយ៉ាងហោចណាស់ពី ៨ម៉ោងកន្លះ ទៅ ៩ម៉ោងកន្លះ ក្នុងមួយយប់ៗ។ ប្រសិនបើអ្នកចាប់ផ្តើមសំរាកនៅ ម៉ោង១០យប់ អ្នកត្រូវសំរាករហូតដល់ ម៉ោង៧ ព្រឹក ដើម្បីបំពេញតាម តម្រូវការ រាងកាយរបស់អ្នក។
វាមិនមែនតែងតែ អាចធ្វើទៅបាននោះទេ ជាពិសេស ប្រសិនបើអ្នក ត្រូវក្រោកពីដំណេកលឿន ដើម្បីទៅរៀនឬហាត់ប្រាណជាដើម ។
ក្មេងជំទង់ជាច្រើនបាន ទទួលរងនូវការគេងមិនលក់ជារ៉ាំរ៉ៃ ។ នោះមានន័យថា មានការលំបាកក្នុងការសម្ងំឱ្យគេងលក់ ឬ គេងលក់មិនបានយូរ ឬ មិនបានមានអារម្មណ៍សំរាក បានគ្រប់គ្រាន់ បើទោះបីជា អ្នកបានចំណាយ ពេលវេលាគ្រប់គ្រាន់ នៅក្នុងការគេងក៏ដោយ។
បញ្ហា គឺប្រសិនបើអ្នក គេងមិនលក់ ឬសំរាកមិនបានគ្រប់គ្រាន់ ម្តងហើយម្តងទៀត នោះវានិងធ្វើឱ្យមានការប៉ះពាល់ដល់ ផ្នែកមួយនៃការរស់នៅរបស់អ្នក ដូចជា ការទំនាក់ទំនងជាមួយមិត្តភក្តិ ការសិក្សារបស់អ្នកនៅសាលា និង អារម្មណ៍របស់អ្នក។ ក្មេងជំទង់ជាច្រើន ដែលទទួលរងនូវការសំរាកមិនបានគ្រប់គ្រាន់និងធ្វើឱ្យពួកគេមានអារម្មណ៍ឆាប់ខឹង អារម្មណ៍មិននឹងនរ និងអាចមានវិបត្តិផ្លូវចិត្តទៀតផង។
ការសំរាកមិនគ្រប់គ្រាន់ ក៏ធ្វើឱ្យមានផលប៉ះពាល់ដល់សម្ព័ន្ធភាពរវាង សុខភាពរបស់អ្នក និងទម្ងន់របស់អ្នក។ ការស្រាវជ្រាវខ្លះបាន បង្ហាញថា ការសំរាកបានតិចនឹងធ្វើឱ្យអ្នកឡើងគីឡូ។ ការសំរាកបានតិចតួចពេក ក៏អាចធ្វើឱ្យមនុស្សវ័យជំទង់ តែងតែទទួលរងរបួស និង គ្រោះថ្នាក់ជាយថាហេតុ ក៏មាន ។ នោះហើយជា ការដែលសំខាន់ណាស់ ដែលអ្នកត្រូវដោះស្រាយបញ្ហាជាមួយនឹងការសំរាករបស់អ្នក៕