Join with Health.com.kh on Telegram

​ជាមួយនឹង​គ្រឿងផ្សំ​សាមញ្ញៗ​ដែលមាន​នៅក្នុង​ផ្ទះបាយ អ្នក​អាចធ្វើ​ភេសជ្ជៈ​ដែល​ឆ្ងាញ់ និង​មាន​សុខភាព​ល្អ​។

​ទឹកក្រូច​ឆ្មា​ក្តៅ​

​គ្រឿងផ្សំ​៖ ខ្ទឹមស​ស្រស់ ៤ កំពឹស ខ្ញី​ស្រស់ ១ ស្លាបព្រា​បាយ ឈើអែម​១ ដើម ក្រូចឆ្មារ ទឹកឃ្មុំ ស្លឹក​ជីរអង្កាម ទឹក ១ លីត្រ​។​

វិធី​ធ្វើ​៖ ដាំទឹក​ឱ្យ​ពុះ រួច​បន្ថែម​គ្រឿងផ្សំ​ទាំងអស់ (​លើកលែងតែ​ទឹកឃ្មុំ​) ហើយ​គ្រប​គម្រប​ឱ្យ​ជិត ទុកចោល​ប្រហែល ៣០​នាទី​។ ច្រោះ​យក​ទឹក​ចាក់​ចូលទៅក្នុង​កែវ​មួយ បន្ថែម​ទឹកឃ្មុំ និង​ផឹក​។​

​ខ្ញី និង​ខ្ទឹម​សមាន​សមាសធាតុ​ប្រឆាំង​បាក់តេរី ដែល​ល្អ​សម្រាប់​ការពារ និង​ព្យាបាល​ជំងឺឆ្លង​។ ឈើអែម​មាន​សារធាតុ​ប្រឆាំង​អុកស៊ីតកម្ម​ដែល​ជួយ​ប្រឆាំងនឹង​ការ​រលាក​កាត់បន្ថយ​ហានិភ័យ​នៃ​ជំងឺ​។​

​ទឹកដោះគោ​រមៀត​

​គ្រឿងផ្សំ​៖ ទឹកដោះគោ​អាល់​ម៉ុ​ន​មិន​ផ្អែម 480ml, ខ្ទិះដូង 120ml, ម្សៅ​រមៀត 1 ស្លាបព្រា​កាហ្វេ ឬ​រមៀត​ស្រស់ 1/2 ស្លាបព្រា​កាហ្វេ ខ្ញី​ម៉ដ្ឋ 1/2 ស្លាបព្រា​កាហ្វេ ម្សៅ​ម្រេចខ្មៅ​កន្លះ​ស្លាបព្រា​កាហ្វេ 1 បន្ទះ​ឈើអែម ទឹកឃ្មុំ​ឆៅ 2 ស្លាបព្រា​។​

​វិធី​ធ្វើ​៖ ដាក់​គ្រឿងផ្សំ​ទាំងអស់​ចូលក្នុង​ឆ្នាំង (​លើកលែងតែ​ទឹកឃ្មុំ​) រម្ងាស់​គ្រាន់តែ​អោយ​ក្តៅ តែ​កុំឱ្យ​ពុះ​ប្រហែល ៥-១០ នាទី​។ ចំណាំ​៖ កុំ​ដាំ​ព្រោះ​វា​អាច​ខ្លោច​ទឹកដោះគោ​បាន​។ បន្ទាប់មក​ច្រោះ ហើយ​បន្ថែម​ទឹកឃ្មុំ​ចូល និង​ផឹក​វា ខណៈ​នៅ​ក្តៅ​។​

​ដូចដែល​បាន​រៀបរាប់​ខាងលើ រមៀត​មាន​ផ្ទុក​សារធាតុ Curcumin ដែល​ជួយ​បង្កើន​សមត្ថភាព​ប្រឆាំង​អុកស៊ីតកម្ម​របស់​រាង​កាយ​។ គ្រឿងទេស និង​ទឹកដោះគោ​ជូរ​ជួយផ្តល់​ខ្លាញ់​ល្អ និង​បង្កើន​សមត្ថភាព​ប្រឆាំងនឹង​ការ​រលាក​របស់​រាងកាយ​។​

​តែ​រមៀត​

​គ្រឿងផ្សំ​៖ រមៀត​ស្រស់ ១​ស្លាបព្រា​បាយ ឬ​ម្សៅ​រមៀត ២​ស្លាបព្រា​បាយ ទឹកក្រូច​ឆ្មារ ១​ស្លាបព្រា​បាយ ទឹកឃ្មុំ​សុទ្ធ ទឹក ១​លីត្រ​។​

​វិធី​ធ្វើ​៖ ដាក់​ទឹក និង​រមៀត​ចូលក្នុង​ឆ្នាំង ដាំ​ឱ្យ​ពុះ​ប្រហែល ១៥​នាទី​។ បន្ទាប់មក​ត្រងទឹក រួច​បន្ថែម​ទឹកក្រូច​ឆ្មា និង​ទឹកឃ្មុំ និង​ញ៉ាំ​ខណៈពេលដែល​វា​នៅ​ក្តៅ ។​

​រមៀត​មាន​ផ្ទុក​សារធាតុ Curcumin ដែល​គ្រប់គ្រង​ប្រព័ន្ធ​ការពារ​រាងកាយ​។ រមៀត និង​ទឹកឃ្មុំ​ក៏មាន​លក្ខណៈសម្បត្តិ​ប្រឆាំងនឹង​ការ​រលាក​ខ្លាំង ដែល​ជួយ​កាត់បន្ថយ​ការ​រលាក និង​ការឈឺចាប់​។​

​តែ​គ្រឿងទេស

គ្រឿងផ្សំ​៖ ខ្ញី ១ ស្លាបព្រា​បាយ​, ម្រេច ២ ស្លាបព្រា​បាយ​, ឈើអែម​មួយ​ដើម​ប្រហែល ២ ស​.​ម​, ខ្ទឹមស ១ កំពឹស ផ្កាចន្ទន៍​១ ស្លឹក​ជីរអង្កាម ទឹកឃ្មុំ ទឹក ១ លីត្រ​។​

​វិធី​ធ្វើ​៖ ដាក់​គ្រឿងផ្សំ​ទាំងអស់​ចូលក្នុង​ឆ្នាំង​មួយ (​លើកលែងតែ​ទឹកឃ្មុំ​) ចាក់ទឹក ហើយ​ដាំ​ឱ្យ​ពុះ​ប្រហែល ៣០​នាទី​។ ផឹក​តែ​ក្តៅៗ​ប្រហែល 60ml រាល់ពេល​ជាមួយ​ទឹកឃ្មុំ​បន្តិច​។​

​តែ​នេះ​មាន​គ្រឿងទេស​ដែល​ធ្លាប់​ស្គាល់​ក្នុងការ​ចម្អិន​អាហារ មិន​ត្រឹម​តែមាន​រសជាតិ​ឆ្ងាញ់​ពិសារ​ប៉ុណ្ណោះ​ទេ ប៉ុន្តែ​វា​ថែមទាំង​ជួយ​រាងកាយ​ប្រឆាំងនឹង​បាក់តេរី ប្រឆាំងនឹង​ការ​រលាក និង​ប្រឆាំងនឹង​មេរោគ​ផងដែរ​។ ក្រៅពីនេះ សារធាតុ Phytonutrients នៅក្នុង​ទឹកឃ្មុំ​ឆៅ មាន​លក្ខណៈសម្បត្តិ​ប្រឆាំង​បាក់តេរី និង​ប្រឆាំង​មេរោគ ជួយ​ពង្រឹង​ប្រព័ន្ធ​ការពារ​រាងកាយ​។​

​ទឹក​ខ្ញី ទឹកខ្មេះ​ផ្លែ​ប៉ោម

​គ្រឿងផ្សំ​៖ ទឹក 240ml, ខ្ញី​មួយ​ដុំ​ប្រហែល 2cm, ទឹក​ខ្មះ​ផ្លែ​ប៉ោម 1 ស្លាបព្រា​កាហ្វេ​, ទឹកឃ្មុំ 1 ស្លាបព្រា​កាហ្វេ​, ម្រេច cayenne បន្តិច​។​

​វិធី​ធ្វើ​៖ ចាក់ទឹក​ចូលក្នុង​ឆ្នាំង​ឱ្យ​ពុះ រួច​បិទ​ភ្លើង បន្ថែម​ខ្ញី​ចូល រួច​គ្រប​គម្រប​ឱ្យ​ជិត ហើយ​ត្រាំ​ប្រហែល​៥​នាទី​។ បន្ទាប់មក​បន្ថែម​ទឹក​ខ្មះ​ផ្លែ​ប៉ោម ទឹកឃ្មុំ និង ម្រេច cayenne ហើយ​កូរ​ឱ្យ​សព្វ​ល្អ និង​ផឹក​ពេល​ក្តៅៗ​។​

​ខ្ញី​មាន​ផ្ទុក​សារធាតុ sesquiterpenes ដែល​ជួយ​រាងកាយ​ប្រឆាំងនឹង​មេរោគ​ផ្តាសាយ​។ ម្រេច Cayenne មាន​ផ្ទុក​នូវ​សារធាតុ capsaicin ដ៏​ច្រើន ដែល​ជួយ​ទប់ស្កាត់​ការ​រលាក​។ ទន្ទឹមនឹងនេះ ទឹក​ខ្មះ​ផ្លែ​ប៉ោម​ផ្តល់នូវ​បាក់តេរី​ល្អ​សម្រាប់​ប្រព័ន្ធ​រំលាយ​អាហារ​។​

​ទឹកក្រឡុក​បៃតង​

​គ្រឿងផ្សំ​៖ ស្ពៃ​ស្ពី​ណា​ច ២០០ ក្រាម​, ស្លឹក​ជីរអង្កាម ១ ក្តាប់​តូច​, ត្រសក់ ១០០ ក្រាម​, ទឹកដោះគោ​ជូរ​គ្មាន​ជាតិ​ផ្អែម ១២០ មី​លី​លីត្រ​, ម្សៅ​រមៀត ១/៤ ស្លាបព្រា​កាហ្វេ​, ទឹកក្រូច​ឆ្មា ១/២ ស្លាបព្រា​កាហ្វេ​, អំបិល​មួយ​ចឹប​, ទឹកកក​។​

​វិធី​ធ្វើ​៖ ដាក់​គ្រឿងផ្សំ​ទាំងអស់​ចូលក្នុង​ម៉ាស៊ីន​លាយ​ជាមួយនឹង​ទឹកកក ហើយ​លាយ​រហូតដល់​រលោង​។​

​ស្ពៃ​ស្ពី​ណា​ច​សំបូរ​ទៅដោយ​សារធាតុ​ប្រឆាំង​អុកស៊ីតកម្ម​ដូចជា beta-carotene និង​វីតាមីន C ដែល​ជួយ​ប្រឆាំងនឹង​ការឆ្លង​មេរោគ​។ ទឹកដោះគោ​ជូរ​មាន​ផ្ទុក​បាក់តេរី​ល្អ​ដែល​ជួយ​ពង្រឹង​ប្រព័ន្ធ​ការពារ​រាងកាយ កាត់បន្ថយ​អត្រា​វាយប្រហារ​នៃ​បាក់តេរី​បង្ក​គ្រោះថ្នាក់​៕​