Join with Health.com.kh on Telegram

​បន្លែ​ខាងក្រោម បើ​មិន​ចម្អិន​ឱ្យបាន​ហ្មត់ចត់ ងាយ​នឹង​ធ្វើឱ្យ​ហើមពោះ ពិបាក​រំលាយ​អាហារ ពុល​អាហារ ដែល​គ្រោះថ្នាក់​ដល់​សុខភាព​។​

​ក្រុម​សណ្តែក​

​ក្នុង​សមាសភាព​អាហារូបត្ថម្ភ​នៃ​ក្រុម​សណ្តែក​មានដូចជា សណ្ដែកបារាំង ពោត​បារាំង សណ្ដែកកួរ ឬ​សណ្ដែក​ហោ​ឡាំង​តាវ … មាន​វីតាមីន សារធាតុ​រ៉ែ ជាតិ​ដែក កាល់ស្យូម ជាតិ​សរសៃ​ច្រើនណាស់​សម្រាប់​សុខភាព​មនុស្ស​។​

​ប៉ុន្តែ​នៅពេល​កែច្នៃ អ្នក​គួរតែ​ចម្អិន​វា​ដោយ​ប្រុងប្រយ័ត្ន​បន្តិច ព្រោះ​វា​មាន​ផ្ទុក​នូវ​សារធាតុ​មួយចំនួន​ដូចជា phytohemagglutinins, glycoside toxins, protease inhibitors ជាដើម ដែល​បង្ក​គ្រោះថ្នាក់​ដល់​សុខភាព ជាពិសេស​បំពង់​រំលាយ​អាហារ​។​

​នៅពេលដែល​ពុល អ្នកជំងឺ​នឹង​បង្ហាញ​រោគសញ្ញា​នៃ​ការពុល រួមមាន ចុកពោះ ក្អួត រាគ កាន់តែ​ធ្ងន់ធ្ងរ វិលមុខ ឈឺក្បាល បែកញើស​ត្រជាក់ ស្ពឹក​ដៃជើង និង​រោគសញ្ញា​ផ្សេងៗ​ទៀត ដែល​ទាក់ទង​នឹង​ប្រព័ន្ធ​សរសៃប្រសាទ​ផ្សេងទៀត​។ ប៉ុន្តែ​ប្រសិនបើ​អ្នក​ចម្អិន​វា​ឱ្យបាន​ហ្មត់ចត់ ជាតិពុល​ទាំងនេះ​ងាយ​រលាយ​នៅ​សីតុណ្ហភាព​ខ្ពស់​។​

​បន្លែ​ដែលមាន​ជាតិ​នីត្រាត​ខ្ពស់​

​ប្រសិនបើ​អ្នក​ញ៉ាំ​បន្លែ​ដែលមាន​ជាតិ​នីត្រាត​លើសពី​កម្រិត​ដែល​អាច​អនុញ្ញាត​បាន​នៅក្នុង​បន្លែ នោះ​គឺជា​គ្រោះថ្នាក់​ដល់​សុខភាព​ដ៏​ធំ​មួយ​។ ប្រសិនបើ​អ្នក​ញ៉ាំ​ជា​បន្តបន្ទាប់ វា​នឹង​ប៉ះពាល់​ដល់​ការរំលាយ​អាហារ ប៉ះពាល់​ដល់​ថ្លើម និង​តម្រងនោម​។​

​បន្លែ​ដែលមាន​ជាតិ​សូ​ដ្យូ​ម​នីត្រាត​ខ្ពស់​រួមមានៈ ស្ពៃ​ស្ពី​ណា​ច ស្ពៃ​តឿ ស្ពៃក្តោប សាឡា​ត់ ការ៉ុត សឺ​លឺ​រី ផ្កា​ខាត់ណា និង ឆៃថាវ ។ ដូច្នេះ យក​ល្អ​គួរតែ​ស្រុសបន្លែ​ទាំងនេះ​មុននឹង​កែច្នៃ កំណត់​ការ​ញ៉ាំ​ឆៅ​ដើម្បី​ការពារ​សុខភាព​។

​ដូច្នេះហើយ នៅពេល​កែច្នៃ​បន្លែ​ទាំងនេះ អ្នក​គួរតែ​ចម្អិន​វា​ឱ្យបាន​ហ្មត់ចត់ ដើម្បី​ធានា​ដល់​សុខភាព និង​បង្កើន​សារធាតុចិញ្ចឹម​។​

​បន្លែ​មាន​អាស៊ីត oxalic ខ្ពស់​

​ជាមួយនឹង​បន្លែ​ដែលមាន​ជាតិ​អាស៊ីត oxalic ខ្ពស់ អ្នក​ត្រូវ​ចម្អិន​វា​ឱ្យបាន​ហ្មត់ចត់​មុនពេល​ទទួលទាន​។ បន្លែ​ទាំងនោះ​មានដូចជា​៖ ស្ពៃ​ស្ពី​ណា​ច មើម​យ៉េន សឺ​លឺ​រី ទំពាំង​ស្រស់ ម្រះ ការ៉ុត ត្រប់វែង ដំឡូងជ្វា ត្រឡាច​។​

ប្រសិនបើ​អ្នក​មិន​ចម្អិន​បន្លែ​ទាំងនេះ​ឱ្យបាន​ហ្មត់ចត់​ទេ មាតិកា​អាស៊ីត oxalic នឹង​ប៉ះពាល់​ដល់​ការ​ស្រូបយក​សារធាតុចិញ្ចឹម​ដូចជា​កាល់ស្យូម ជាតិ​ដែក និង​ជំរុញ​ការរំលាយ​អាហារ​។ ចំពោះ​អ្នក​ដែលមាន​ក្រពះ​មិនល្អ វា​ក៏​អាចធ្វើ​ឲ្យ​រលាក​ស្រទាប់​ក្រពះ និង​បណ្តាល​ឲ្យ​ពុល​ស្រាល​ផងដែរ​។​

​ដូច្នេះហើយ នៅពេលដែល​អ្នក​ចម្អិន​បន្លែ​ទាំងនេះ គួរតែ​ចម្អិន​ឱ្យបាន​ហ្មត់ចត់ ដើម្បី​ធានា​ដល់​សុខភាព​៕​