កាំរស្មីយូវីកើតចេញពីព្រះអាទិត្យ ដែលវាជាមូលហេតុធំមួយនៃជំងឺមហារីកស្បែក។ ខាងក្រោមនេះគឺជារបៀបដែលអ្នកអាចធ្វើបានដើម្បីកាត់បន្ថយការប៉ះពាល់នឹងកាំរស្មីយូវីច្រើនបំផុត៖
- កាំរស្មីយូវីគឺមានថាមពលខ្លាំងបំផុតនៅចន្លោះម៉ោង ១០ព្រឹក និង៤រសៀល។ បើសិនជាអ្នកត្រូវតែចេញទៅខាងក្រៅក្នុងម៉ោងនេះមែន ចូរធ្វើយ៉ាងណានៅក្នុងម្លប់ឲ្យបានច្រើនបំផុតតាមតែអាចធ្វើទៅបាន
- ចូរលាបឡេការពារកម្តៅព្រះអាទិត្យនៅពេលចេញទៅខាងក្រៅផ្ទះ
- ចូរបិទបាំងស្បែកដោយការស្លៀកសម្លៀកបំពាក់ជិតៗ
- ចូរពាក់មួកដែលអាចការពារដល់ក្បាល ក និងមុខបាន
- ចូរប្រើវ៉ែនតាការពារកម្តៅព្រះអាទិត្យដែលត្រូវបានផលិតឡើងដើម្បីទប់ស្កាត់កាំរស្មីយូវីតែម្តង៕
