Join with Health.com.kh on Telegram

ជំងឺគ្រុនឈាម​គឺជា​ជំងឺ​ដែល​បង្កឡើង​ដោយ​ដោយសារ​មូស​ខ្លា​ញី​ខាំ​។ ចំពោះ​អា​ការៈស្រាល អ្នកជំងឺ​អាច​នឹង​សញ្ញា ក្តៅខ្លួន​ខ្លាំង​, កន្ទួល​លើ​ស្បែក​, ឈឺ​សន្លាក់ និង​សាច់ដុំ​។ ចំពោះ​អាការៈ​ធ្ងន់ធ្ង​រវិញ អាច​បណ្តាលអោយ​ហូរឈាម​ធ្ងន់ធ្ងរ​, សម្ពាធ​ឈាម​ធ្លាក់ចុះ​ខ្លាំង និង​ស្លាប់​បាន​។​

​ជា​រៀងរាល់ឆ្នាំ​មាន​ជំងឺគ្រុនឈាម​រាប់​លាន​ករណី​កើតឡើង​ទូទាំង​ពិភពលោក​។ ជំងឺគ្រុនឈាម​ច្រើនតែ​កើតមាន​នៅ​តំបន់​អាស៊ីអាគ្នេយ៍ និង​កោះ​ប៉ាស៊ីហ្វិក​ខាងលិច ប៉ុន្តែ​ជំងឺ​នេះ​កំពុងតែ​កើនឡើង​យ៉ាង​ខ្លាំង​នៅ​តំបន់​អាមេរិក​ឡាទីន​។​

​អ្នកស្រាវជ្រាវ​កំពុងតែ​ស្វែងរក​វ៉ាក់សាំង ការពារ​ជំងឺគ្រុនឈាម​នេះ ប៉ុន្តែ​ការបង្ការ​ដ៏​ល្អ​បំផុត​នា​ពេលបច្ចុប្បន្ន​នេះ​គឺ​កាត់​បន្ថយ​ការរស់នៅ​កន្លែង​ណា​ដែល​មាន​មូស​ខាំ​ច្រើន​។ ជំងឺគ្រុនឈាម​បង្កឡើង​ដោយ​វី​រ៉ុស​គ្រុនឈា​មមួយ​ក្នុងចំណោ​ម​បួន​ប្រភេទ​ដែល​ចម្លង​តាមរយៈ​មូល​ខ្លា​ញី​។ នៅពេល​មូស​នេះ​ខាំ​អ្នក​ជំងឺគ្រុនឈាម​ម្នាក់​រួច វី​រ៉ុស​នោះ​នឹង​ចូលទៅ​ក្នុ​ងមូស​។ នៅពេល​មូស​ដែល​មាន​វី​រ៉ុស​គ្រុនឈាម ទៅ​ខាំ​មនុស្ស​ម្នាក់​ទៀត វី​រ៉ុស​នោះ​នឹង​ចូលទៅ​ក្នុង​ចរន្តឈាម​មនុស្ស​ម្នាក់​នោះ​បាន​។​

​ក្រោយ​ពី​អ្នក​ជាសះស្បើយ​ពី​ជំងឺគ្រុនឈាម​ហើយ អ្នកនឹង​បង្កើតបានជា​ប្រព័ន្ធ​ភាព​សាំ​ប្រឆាំងនឹង​វី​រ៉ុស​គ្រុនឈា​មមួយ​ប្រភេទ​ដែល​ធ្វើអោយ​អ្នក​ឈឺ​កាលពី​លើក​មុន ប៉ុន្តែ​វី​រ៉ុស​គ្រុនឈាម​បី​ប្រភេ​ទទៀត​នៅតែ​មាន​ឱកាស​បង្ក​ជំងឺគ្រុនឈាម​មកលើ​អ្នក​បាន​ដដែល​។ កត្តា​ប្រឈម​នឹង​ជំងឺ​គ្រុនឈាម​ធ្ងន់ធ្ងរ​នឹង​កើនឡើង​បើសិនជា​អ្នក​ឆ្លង​ជំងឺ​នេះ​ជា​លើក​ទី​ពីរ​, ទី​បី ឬ​ទី​បួន​។​

​កត្តា​ដែល​ធ្វើអោយ​អ្នក​ប្រឈម​នឹង​ជំងឺគ្រុនឈាម​កាន់តែ​ខ្លាំង​នោះ​មានដូចជា​៖

  • ការរស់នៅ ឬ​ធ្វើ​ដំណើរ​ទៅកាន់​កន្លែង​ដែល​មាន​មូស​ច្រើន​៖ ការរស់នៅ​ក្នុង​តំបន់​ត្រូពិច​ជុំវិញ​ពិភពលោក ជាពិសេស​កន្លែង​ដែល​ប្រឈម​មុខ​ខ្លាំង​ដូចជា អាស៊ីអាគ្នេយ៍​, អាមេរិក​ឡាទីន និង​ការី​បៀ​ន សុទ្ធ​តែ​ប្រឈមមុខ​កាន់តែខ្លាំង​នឹង​វី​រ៉ុស​បង្ក​ជំងឺគ្រុនឈាម​។​
  • ធ្លាប់​មាន​ដោយសារតែ​វី​រ៉ុស​គ្រុនឈាម​កាលពីមុន​៖ ការ​ដែល​ធ្លាប់​មាន​ជំងឺគ្រុនឈាម​ម្តង​ហើយ វា​នឹង​បង្កើន​ការប្រឈមមុខ​កាន់តែខ្លាំង​នឹង​រោគ​សញ្ញា​ធ្ងន់ធ្ងរ​បើសិន​ជា​អ្នក​ត្រូវ​បាន​ឆ្លង​ជំងឺ​នេះ​ជា​លើក​ទី​ពីរ ជា​ពិសេស​កុមារ​តែម្តង​៕