ប្រសិនជាអ្នកចង់ក្លាយជាមនុស្សស្រីដែលមានភាពល្អឥតខ្ចោះក្នុងចិត្តបុរសម្នាក់ អ្នកអាចអនុវត្តតាមវិធីខាងក្រោមនេះ។ តើមានអ្វីខ្លះទៅ?
- អ្នកគួរតែរក្សារូបរាងអ្នកឲ្យបានស្អាត ដោយមិនគួរព្រោះតែល្មោភញ៉ាំ ហើយពិសារដោយមិនគ្រប់គ្រងរបបអាហារខ្លួននោះទេ។ នៅពេលដែលអ្នកអាចរក្សារាងដ៏ស្អាតរបស់អ្នក នោះបុរសនឹងមើលឃើញយ៉ាងលឿន ហើយពេញចិត្តនឹងអ្នកទៀតផង។
- អ្នកមិនគួរទុកសក់វែងពេក ហើយកាត់ខ្លីពេកនោះទេ ព្រោះបុរសភាគច្រើនស្រឡាញ់នារីដែលមានសក់មិនវែងពេក ហើយក៏មិនខ្លីពេក។ ដូចនេះ អ្នកមិនគួរទុកសក់វែងពេក ដោយមិនហ៊ានកាត់នោះទេ ព្រោះអាចធ្វើឲ្យបុរសរត់បាន។
- ចំពោះរបៀបផាត់មុខរបស់អ្នកវិញ គួរតែជាលក្ខណៈធម្មជាតិ មិនគួរពណ៌ភ្លឺខ្លាំងនោះទេ ព្រោះបុរសមិនចូលចិត្តនារីដែលមានពណ៌មុខឆើតឆាយពេកទេ។ ជាពិសេស អ្នកក៏គួរតែរៀនស្លៀកពាក់ឲ្យបានសមរម្យ ទើបអាចក្លាយជានារីក្នុងចិត្តរបស់បុរសបាន។
- បុរសស្រឡាញ់នារីដែលយកចិត្តទុកដាក់ចំពោះការងារ ព្រោះក្រោយពេលដែលរៀបការរួច នារីម្នាក់នោះ នឹងអាចជួយសម្រាលបន្ទុកគ្រួសារបាន។ ផ្ទុយទៅវិញ មនុស្សប្រុសមិនចូលចិត្តនារីដែលធ្វើចរិតដូចព្រះនាង មានគំនិតចង់ឲ្យតែគេចិញ្ចឹម។
- នារីដែលសំខាន់ក្នុងចិត្តមនុស្សប្រុស ជាបុគ្គលដែលចេះចម្អិនម្ហូប ទើបក្រោយពេលដែលរៀបការរួច គេអាចមកផ្ទះញ៉ាំបានរាល់ថ្ងៃ ដោយមិនបាច់ចំណាយប្រាក់ពិសារនៅក្រៅរហូតនោះទេ។
- មនុស្សស្រីដែលមិនចេះរករឿងច្រើន នឹងធ្វើឲ្យបុរសពេញចិត្តជាខ្លាំង ព្រោះបុរសភាគច្រើន មិនចូលចិត្តលួងនារីឡើយ ព្រោះគេអាចមានអារម្មណ៍ធុញជាខ្លាំង។
- នារីដែលមានភាពរស់រវើក ហើយចេះមើលថែទាំផ្ទះបានល្អ ក៏បុរសពេញចិត្តដែរ ព្រោះមនុស្សស្រីប្រភេទនេះ ពិបាកនឹងរកបានណាស់។ ដូចនេះ អ្នកគួរតែធ្វើជានារីដែលមានចរិតទាំងឡាយខាងលើនេះ ទើបអ្នកអាចស្ថិតក្នុងចិត្តបុរសបានយូរ៕