ការផ្លាស់ប្តូរទម្លាប់នៃការរស់នៅមួយចំនួន នឹងបន្ថយដំណើរការនៃភាពចាស់ និងជួយឱ្យអ្នកនៅក្មេង និងមានសុខភាពល្អបានយូរ។
ទម្លាប់៣យ៉ាងមុនចូលគេងធ្វើឱ្យអ្នកឆាប់ចាស់
ទទួលទានអាហារសម្បូរជាតិខ្លាញ់ និងស្ករច្រើន
ការទទួលទានជាតិខ្លាញ់ច្រើនពេកមុនពេលចូលគេងនឹងបណ្តាលឱ្យមានការប្រមូលផ្តុំជាតិខ្លាញ់នៅក្នុងពោះ ចង្កា កំភួនជើង និងពន្លឿនដំណើរការនៃភាពចាស់នៃរាងកាយ។ ទន្ទឹមនឹងនេះ អាហារដែលមានជាតិស្ករខ្ពស់ក៏ធ្វើឱ្យអ្នកឡើងទម្ងន់យ៉ាងឆាប់រហ័ស បំផ្លាញកូឡាជែនក្នុងរាងកាយ និងនាំឱ្យកើតស្នាមជ្រីវជ្រួញជាច្រើន។
ចូលគេងយប់ជ្រៅ ឬប្រើទូរស័ព្ទពេលយប់
មិនថាមានហេតុផលអ្វីក៏ដោយ ការចូលគេងយឺតក៏នឹងធ្វើឲ្យរង្វង់ភ្នែកខ្មៅកាន់តែធ្ងន់ធ្ងរដែរ។ លើសពីនេះ វាក៏បង្ហាញសញ្ញានៃភាពចាស់ផងដែរ ដូចជាចំណុចខ្មៅ ស្នាមជ្រួញនៅលើស្បែក។
អ្នកស្រាវជ្រាវមកពីសាកលវិទ្យាល័យកាលីហ្វ័រញ៉ា ឡូសអេនជឺលេស បានរកឃើញថា បន្ទាប់ពីគេងមិនបានគ្រប់គ្រាន់មួយយប់ កោសិកាក្នុងរាងកាយកាន់តែចាស់។ ការគេងមិនលក់មិនត្រឹមតែធ្វើឱ្យស្បែកឆាប់ចាស់ប៉ុណ្ណោះទេ ថែមទាំងបង្កើនហានិភ័យនៃជំងឺរ៉ាំរ៉ៃដូចជាជំងឺទឹកនោមផ្អែម ជំងឺបេះដូង និងជំងឺធ្លាក់ទឹកចិត្តផងដែរ។ អ្នកត្រូវគេង 7-8 ម៉ោងក្នុងមួយថ្ងៃ ដើម្បីធានាបាននូវរាងកាយដែលមានសុខភាពល្អ។
ងូតទឹកពេលយប់
បន្ទាប់ពីម៉ោង 10 យប់សីតុណ្ហភាពធ្លាក់ចុះដល់ទាប។ ប្រសិនបើអ្នកងូតទឹកក្នុងអំឡុងពេលនេះ អ្នកអាចជួបប្រទះនឹងការស្ទះសរសៃឈាម។ នៅពេលដែលឈាមមិនដំណើរការល្អ រាងកាយទាំងមូលអាចទទួលរងនូវការឈឺចុកចាប់ ឈឺក្បាលធ្ងន់ធ្ងរ និងភាពចាស់នៃរាងកាយ។
ងូតទឹកយឺតពេក ជាពិសេសពេលត្រជាក់អាចធ្វើឱ្យអ្នកមានអារម្មណ៍ថានឿយហត់នៅក ស្មា ឈឺជើង ពិបាកក្នុងការធ្វើចលនា អាចឈានដល់ដាច់សរសៃឈាមខួរក្បាល៕