Join with Health.com.kh on Telegram

​អ្នក​អាច​នឹង​មាន​អារម្មណ៍​បែកខ្ញែក​ឬក៏​អាច​ឈឺ​ផ្នែក​រាង្គ​កាយ​ទៀតផង​នៅ​ពេល​ដែល​អ្ន​ក​ដឹងថា​ដៃគូ​របស់​អ្នក​កុហក​បោកប្រាស់​អ្នក​។ មិន​ថា​វា​កើត​ឡើង​តែម្តង​ឬ​ជាការ​លួច​មាន​ស្នេហា​លួចលាក់​យូរ​មកហើយ​នោះ​ទេ ភាព​ផិតក្បត់​គឺ​ច្រើន​តែ​ជាការ​ជួបប្រទះ​ដ៏​សែន​ឈឺចាប់​បំផុត​ក្នុង​ជីវិត​របស់​មនុស្ស​ម្នាក់​។

នៅពេល​ដែល​ប្រឈមមុខ​ជាមួយ​នឹង​ការពិត​អ្នក​ត្រូវ​សម្រេចចិត្តថា​តើ​គួរ​បញ្ចប់​ឬ​បន្ត​ទំនាក់ទំនង​រវាង​អ្នក​នឹង​គេ​ទៀត​ហើយ​ព្យាយាម​ព្យាបាល​របួស​ជាមួយគ្នា​។ ប៉ុន្តែ​បើ​ទោះបីជា​អ្នក​បញ្ចប់​ទំនាក់ទំនង​ជាមួយនឹង​ដៃគូ​មិន​ស្មោះត្រង់​របស់​អ្នក​ក៏ដោយ អ្នកនឹង​យល់ថា​ការ​ជាសះស្បើយ​ពី​បញ្ហា​នេះ​គឺជា​ដំណើរ​មួយ​ដ៏​វែងឆ្ងាយ​។​

១. ចូរ​និយាយ​ជាមួយ​នរណាម្នាក់​។ ជាធម្មតា​អ្នក​នឹងមាន​អារម្មណ៍​ខឹង​សោកសៅ​បាក់​ទឹកចិត្ត ឬ​បាត់បង់​ភាពក្លាហាន​នៅពេល​ដែល​អ្នក​ដឹងថា​ដៃគូ​របស់​អ្នក​មិន​ស្មោះត្រង់​នឹង​អ្នក​។ ចូរ​ស្វែងរក​នរណាម្នាក់​ដែល​អ្នក​ទុកចិត្ត​និង​អាច​ពិភាក្សា​ពី​បញ្ហា​នេះ​ជាមួយ​គេ​បាន​។​

២. ចូរ​ពិភាក្សា​ពី​មូលហេតុ​នៃ​ការ​ក្បត់​។ សំណួរ​មួយ​ដែល​អ្នក​នឹង​ប្រឈមមុខ​គឺ​“​ហេតុអ្វី​?”​ចូរ​កុំ​ខ្លាច​ក្នុង​ការពិភាក្សា​ពី​មូលហេតុ​នៃ​ការ​ក្បត់​នោះ ប៉ុន្តែ​អ្នក​ត្រូវ​យកចិត្តទុកដាក់​ស្តាប់​នៅពេល​ដែល​ដៃគូ​របស់​អ្នក​កំពុង​និយាយ​។ ប្រសិនបើ​គាត់​និយាយ​“​ខ្ញុំ​មាន​អារម្មណ៍​ឯកា​”​អ្នក​មិន​ត្រូវ​និយាយ​កាត់​ថា​“​ប៉ុន្តែ​ខ្ញុំ​តែងតែ​មាន​សម្រាប់​និយាយ​ជាមួយ​អ្នក​”​។ អ្នក​គួរតែ​ត្រៀម​សំណួរ​ដើម្បី​ឲ្យ​ការស​ន្ទនា​ទៅ​មុខ​បន្ត​ដោយ​សួរ​គាត់​ថា​ហេតុអ្វី​បានជា​គាត់​មាន​អារម្មណ៍​ឯកា​។ ប្រសិនបើ​អ្នក​និយាយ​កាត់​គាត់​ភ្លាមៗ វា​នឹង​ធ្វើឲ្យ​គាត់​ឈប់​និយាយ​។​

៣. ចូរ​បន្លប់​ខ្លួនឯង​។ អ្នក​ប្រហែលជា​មាន​បំណង​តាមដាន​គាត់​ដើម្បី​បង្កា​រការ​ផិតក្បត់​ម្តងទៀត ប៉ុន្តែ​អ្នក​ត្រូវ​ដឹង​ថា​ការធ្វើ​បែប​នេះ​នឹង​ផ្តល់​សម្ពាធឲ្យគា​ត់​ក្នុង​ការ​ធ្វើ​ខ្លួន​ជា​មនុស្ស​ល្អ​ឡើងវិញ​។ ការព្រួយបារម្ភ​មិន​ឈប់ឈរ​នឹង​ធ្វើឲ្យ​អ្នក​ប្រឈមមុខ​នឹង​បញ្ហា​ស្ត្រេ​ស​។ ចូរ​ចាំ​ថា​មនុស្ស​តែ​ម្នាក់​ដែល​អ្នក​អាច​គ្រប់គ្រង​បាន​គឺ​ខ្លួន​របស់​អ្នក​ផ្ទាល់ ដូច្នេះ​ចូរ​ព្យាយាម​ស្វែងរក​អ្វី​មួយ​ដើម្បី​ធ្វើ​ដែល​អ្នក​អាច​រីករាយ​នឹង​ធ្វើ​វា ហើយ​អាច​ជៀសវាង​ជំងឺស្ត្រេស​បាន​ទៀត​ផង​ ៕