មិនថាជាអ្នក ទ្រាំអត់ងងុយគេងដោយសារតែការមើល មេរៀនត្រៀមប្រលង ឬ បង្ហើយការងារ សម្រាប់ ការធ្វើបទបង្ហាញនៅការិយាល័យ នៅព្រឹកស្អែក បញ្ហាតែមួយគត់ ដែលអ្នកនឹងត្រូវ ប្រឈមនោះគឺថា អ្នកត្រូវធ្វើយ៉ាងម៉េចកុំអោយខ្លួនអ្នកងងុយគេង។ប៉ុន្តែសំណួរនោះគឺសួរថា តើអ្នកអាច ធ្វើបានយ៉ាងដូចម្តេច ? ខាងក្រោមនេះ គឺជាប្រភេទភេសជ្ជៈប៉ុន្មានមុខ ដែលនឹងអាចជួយអ្នក ប្រយុទ្ធ ប្រឆាំងនឹងភាពងងុយគេងបាន ហើយវាអាចជួយធ្វើអោយអ្នក នៅមានស្មារតីភ្លឺស្វាងល្អ ។
១. កាហ្វេ
តើមានអ្វីដែលល្អប្រសើរ ជាងកាហ្វេខ្មៅក្តៅមួយកែវ ទៀតនោះ? ជាការពិត ភេសជ្ជៈប្រភេទកាហ្វេអ៊ីន មួយមុខនេះ គឺជាជម្រើសមួយដ៏ល្អបំផុត សម្រាប់អ្នក ក្នុងករណីដែលអ្នកពិតជាចង់ទទួលបាននូវ ការ មិនងងុយគេង ក្នុងពេលយប់ ។ គុណសម្បតិ្តរបស់កាហ្វេខ្មៅនោះគឺថា វាគ្រាន់តែមានមានតួនាទីជាអ្នក ដាស់ តឿន ហើយវាមិនមានលក្ខណៈដូចគ្នា ទៅនឹងភេសជ្ជៈផ្តល់ថាមពលជាទៀងទាត់ ដទៃទៀត ដូច្នេះ គឺ អ្នកមិនចាំបាច់ មានការព្រួយបារម្ភពីការបន្ថែម របស់ពួកវា ទៅកាន់កាឡូរីរបស់អ្នកនោះទេ ។
២. ទឹកស៊ុកកូឡា
ប្រភេទភេសជ្ជៈនៃរសជាតិស៊ុកកូឡា ជាពិសេសគឺ ទឹកដោះគោស៊ុកកូឡា គឺអាចជួយអោយអ្នក នៅ ស្វាងស្មារតីបានល្អ ។ មូលហេតុនោះគឺដោយសារតែ វត្តមាននៃជាតិ tyrosine ដែលមាននៅក្នុងទឹក ដោះ គោស៊ុកកូឡា ដែលវាបានបម្លែងទៅជា dopamine ដែលវា គឺជាសារជាតិផ្តល់ថាមពលម្យ៉ាង នឹង ជួយ ប្រឆាំងនឹងភាពងងុយគេងបាន ។
៣. ទឹកតែយិនស៊ិន
អ្នកអាចនឹង មិនមែនជាជនដែលចំណូលចំពោះ តែដែលផ្សំពីឱសថបុរាណ ប៉ុន្តែប្រសិនបើអ្នកចង់ ចៀសបានពីការងងុយគេងនៅក្នុងពេលយប់ នោះអ្នកអាចផឹកនូវទឹកតែ យិនស៊ិន មុនពេលអ្នក ចាប់ ផ្តើមធ្វើការងារនៅក្នុងពេលយប់ ។ ជាការពិត វាក៏ជាជម្រើសដ៏ល្អសាកសម សម្រាប់ការផឹកវា នៅក្នុងពេល ព្រឹកផងដែរ ដោយសារតែមូលហេតុដូចគ្នានេះ ។
៤. ស្រា
ប្រសិនបើ ស៊ុកកូឡាអាចជួយអោយអ្នក អត់ងងុយគេងបាន នោះវាពិតជាអាចជួយអ្នក អោយស្ថិត នៅឆ្ងាយពីគ្រែ ហើយស្រាអាចនឹងជួយអោយអ្នកងងុយគេងវិញបានភ្លាមៗ ប៉ុន្តែបន្ទាប់ពីវាអស់ ប្រសិទ្ធិ ភាពនោះអ្នកនឹងមិនអាចគេងបានទៀតទេ បើទោះជាអ្នក បានព្យាយាមយ៉ាងណាក៏ដោយ ។ ហើយ ពេលនេះ វាអាចមិនមែនជាជម្រើសដ៏ល្អ ក្នុងការស្រវឹងនោះទេ ប្រសិនបើអ្នក នៅមានការងារជាច្រើន ដែលកំពុងរង់ចាំអ្នកនោះ ប៉ុន្តែវាក៏បានផ្តល់នូវហេតុផលមួយផងដែរ ថាអ្នកមិនគួរខកខាន នឹងទៅចូលរួម ក្នុងកម្មវិធីជប់លៀង ដោយសារតែអ្នកនៅមានការងារជាច្រើនដែលត្រូវធ្វើនៅក្នុងពេលយប់នេះទេ ។
៥.ភេសជ្ជៈប៉ូវកម្លាំង
យើងមិនចាំបាច់លើកយក ការផ្សព្វផ្សាយនូវ ប្រភេទជាច្រើននៃម៉ាកផលិផលនៃភេសជ្ជៈប៉ូវកម្លាំង នោះទេ តែអ្នកអាចជ្រើសរើស រកទិញវាបាននៅតាមទីផ្សា នានា។ពួកវាមិនត្រឹមតែ មានរសជាតិឈ្ងុយ ឆ្ងាញ់ទេ ប៉ុន្តែវាក៏អាចផ្តល់អោយអ្នក បានផងដែរនូវ ថាមពល និង ដាស់ស្មារតីអ្នក អោយនៅភ្លឺស្វាងល្អ នៅក្នុងពេលយប់ ។ ប៉ុន្តែរាល់វត្ថុអ្វីៗដែលល្អនោះ វាក៏មានចំណុចអវិជ្ជមានរបស់វាផងដែរ ហើយវា ប្រាកដណាស់ ចំពោះភេសជ្ជៈផ្តល់ថាមពលប្រភេទនេះ ដោយសារតែនៅពេលដែល ប្រសិទ្ធិភាពរបស់ ពួកវាចុះខ្សោយ នោះវានឹងកាន់តែធ្វើអោយអ្នកអស់កម្លាំង ជាងមុនទៅទៀត ។
៦.ទឹកត្រជាក់ដាក់ទឹកកក
តើអ្នកមានការឆ្ងល់ណាស់មែនទេ ថាតើវាពិតជាអាចជួយអ្នក អោយស្វាងបាននោះ ? ជាការពិត ទូទឹកកក គឺជាមិត្តដ៏ល្អរបស់អ្នក ប្រសិនបើអ្នកចង់ នៅមានស្មារតីភ្លឺស្វាងល្អ នៅក្នុងពេលយប់។ អ្នក អាចបន្តធ្វើការងារ ក្នុងពេលយប់របស់អ្នកបាន ដោយគ្រាន់តែចាប់យកនូវទឹកត្រជាក់មួយដប មកផឹក ឬ យកវាមកលុបមុខ។ វានឹងអាចជួយ មិនអោយអ្នកងងុយគេងបាន ដោយសារមូលហេតុពីរយ៉ាងគឺ សីតុណ្ហភាពត្រជាក់ នឹងជួយធ្វើអោយភាពងងុយគេង បានស្វាងមកវិញ និង ទីពីរនោះគឺ អ្នកនឹងត្រូវ ឧស្សាហ៍ទៅបន្ទប់ទឹក ញឹកញាប់ជាងធម្មតា ៕