ជាការពិតណាស់ មនុស្សយើងម្នាក់ៗមិនអាចរស់នៅឯកាតែម្នាក់ឯងបាននោះទេ យើងរាល់គ្នាសុទ្ធតែ ត្រូវការក្រុមគ្រូសារ និង មិត្តភក្តិចាំគាំទ្រ និង លើកទឹកចិត្តយើងជានិច្ច។ តែការរាប់អានមិត្តអោយបានច្រើន មិនមែនជារឿងងាយស្រួលទេសម្រាប់មនុស្សមួយចំនួន។
ខាងក្រោមនេះ គឺជាវិធីសាស្ត្រ ៦យ៉ាង ដែលអាចជួយអោយអ្នក បង្កើតមិត្តភាពនៅជុំវិញខ្លួនអោយបានច្រើន៖
១.បង្កើតបណ្តាញទំនាក់ទំនងក្នុងសង្គម
អ្នកត្រូវព្យាយាម បង្កើនទំនាក់ទំនង នៅក្នុងសង្គមរបស់អ្នក អោយបានច្រើន គឺបានន័យថា អ្នកត្រូវព្យាយាមស្គាល់មនុស្សអោយបានច្រើន។ បណ្តាញទំនាក់ទំនង ក្នុងសង្គមទាំងនោះមានដូចជា៖ ហេ្វសប៊ុក (Facebook ), បេបូ (Bebo ), ម៉ាយស្ពេស (Myspace ) ឬ ធ្វីធឺ (Twitter ) ជាដើម ។ ប្រសិនបើអ្នកមិនទាន់មាន គណនេយ្យសម្រាប់ពួកវានោះទេ នោះអ្នកគួរតែធ្វើការបង្កើតវាមួយ សម្រាប់ជាប្រយោជន៍ជួយអោយ អ្នកស្គាល់ពីមនុស្ស និង ទិដ្ឋភាពក្នុងសង្គមអោយបានច្រើន។
២. ព្យាយាមធ្វើការជជែកកំសាន្ត
ក្រៅពីអ្នកមានគណនេយ្យសម្រាប់ប្រើប្រាស់បណ្តាញសង្គមនោះហើយ អ្នកមិនមែនគ្រាន់តែ ភ្ជាប់គេជាមិត្តតែប៉ុណ្ណោះទេ តែអ្នកគួរព្យាយាមធ្វើការជជែកកំសាន្តជាមួយពួកគេ អំពីបញ្ហាទូទៅ ដូចជាអាកាសធាតុ, ដំណឹងប្រចាំថ្ងៃ ឬ អ្វីៗដែលអ្នកនឹងគេកំពុងតែមានចំណាប់អារម្មណ៍ដូចគ្នា។ ទន្ទឹមនឹងនោះ អ្នកក៏គួរតែព្យាយាម បញ្ចេញជាយោបល់ ឬ ទស្សនះចំពោះរូបភាព ឬ ស្តេធឺសដែលពួកគេបានផុសផងដែរ។
៣. ត្រូវមានសុជីវធម៌
គ្រាន់តែការព្យាយាមរួសរាយរាក់ទាក់ ដាក់មនុស្សជុំវិញខ្លួន នោះវាមិនមែនជាការពិបាកនោះទេ ។ ការសរសើរ ឬ លើកទឹកចិត្តនូវរាល់អ្វីដែលគេបានធ្វើ គឺពិតជាអាចជួយអោយពួកគេ គិតថា អ្នកជាមនុស្សគួរអោយចង់រាប់អាន។ បន្ថែមពីនេះនោះ អ្នកគួររក្សាស្នាមញញឹមជានិច្ច នៅពេលអ្នកកំពុងនិយាយជាមួយនរណាម្នាក់។
៤. ត្រូវមានទំនុកចិត្តលើខ្លួនឯង
ការមានភាពជឿជាក់លើខ្លួនឯង គឺកាន់តែធ្វើអោយអ្នកដទៃស្ងើចសរសើរ និង ចង់រាប់អានអ្នកជាមិត្ត។ គ្មានមនុស្សណា ដែលចង់នៅក្បែរមនុស្សដែលខ្លាចរអា នឹង ភ័យខ្លាចនឹងខ្លួនឯងនោះទេ។
៥.ចេះបង្កើតទំនាក់ទំនងពីមិត្តម្នាក់ទៅកាន់មិត្តម្នាក់ទៀត
ត្រូវព្យាយាមរាប់អាន មិត្តរបស់មិត្តនាក់ អោយដូចជាមិត្តរបស់យើងដែរ។ វិធីនេះនឹងអាចជួយ អោយអ្នកមានមិត្តភក្តិនៅជុំវិញខ្លួនកាន់តែច្រើន។
៦.បង្កើតចំណង់ចំណូលចិត្តថ្មី និង ប្លែក
អ្នកអាចចូលរួមនៅក្នុងកម្មវិធីកំសាន្តផ្សេងៗ មានដូចជា ថ្នាក់ហាត់ប្រាណ,ថា្នក់តន្ត្រី , ថ្នាក់រៀនភាសា ឬ ថ្នាក់រៀនរាំ ព្រោះថា ឱកាសសង្គមបែបនេះ គឺសុទ្ធតែអាចជួយអ្នក អោយបានស្គាល់មនុស្សជាច្រើន និងងាយក្នុងការបង្កើតទំនាក់ទំនងថ្មីៗ ជាមួយមនុស្សដែលអ្នកមិនធ្លាប់បានស្គាល់ពីមុនមក ។ ហើយអ្វីដែលសំខាន់ជាងនេះ នោះគឺពួកគេសុទ្ធតែជាក្រុមមនុស្សដែល មានចំណង់ចំណូលចិត្តស្រដៀងនឹងអ្នក ហើយវាក៏ងាយស្រួលសម្រាប់អ្នក ក្នុងការធ្វើការពិភាក្សាផ្តោះប្តូរយោបល់គ្នាទៅវិញទៅមកផងដែរ ៕
