រូបរាងកាយរបស់មនុស្សម្នាក់ៗមិនថាក្នុងឬក្រៅសុទ្ធតែត្រូវការការពារទាំងអស់ បើអ្នកមិនការពារឲ្យបានល្អទេ នោះវានឹងឆាប់ចាស់ខ្លាំងណាស់ វាមិនត្រឹមតែអាចធ្វើឲ្យអ្នកមានមុខអាក្រក់ ថែមទាំងអាចធ្វើឲ្យអ្នកឆាប់ខូចសុខភាពទៀតផង។ដូចនេះតើគួរតែបរិភោគអ្វីដើម្បីការពាររាងកាយអ្នកបាននោះ?
- អ្នកអាចតែងតែបរិភោគផ្លែប្លូប៊ឺរីច្រើនបាន ព្រោះសារធាតុនៅក្នុងផ្លែនេះអាចធ្វើឲ្យខួរក្បាលអ្នកចាស់យឺត ជាហេតុដែលមិនអាចងាយធ្វើឲ្យអ្នកឆាប់មានជំងឺភ្លេចភ្លាំងច្រើនឡើយ។
- បើអ្នកមិនចង់ឲ្យមានជំងឺឈឺសន្លាក់នៅពេលចាស់ជរា អ្នកគួរតែប្រើប្រេងអូលីវ និងខ្ទឹមសឲ្យបានច្រើននៅពេលដែលចម្អិនម្ហូប ព្រោះរបស់ទាំងពីរនេះអាចធ្វើឲ្យអ្នកមិនមានជំងឺឈឺសន្លាក់ឡើយ។
- នៅមុនពេលដែលអ្នកហាត់ប្រាណ អ្នកអាចផឹកកាហ្វេបាន ព្រោះនៅក្នុងកាហ្វេមានកាហ្វេអ៊ីនដែលអាចជួយអ្នកមិនសូវឈឺសាច់ដុំឡើយនៅពេលដែលអ្នកហាត់ប្រាណយូរ ហើយក្រោយពេលដែលអ្នកហាត់រួច វាក៏មិនធ្វើឲ្យសាច់ដុំអ្នកឈឺដែរ។
- បើអ្នកមិនចង់ឆាប់មានជំងឺព្រិលភ្នែក អ្នកគួរតែបរិភោគពោត បន្លែបៃតង ពងមាន់ ត្រី ការ៉ុត និងឆៃថាវឲ្យបានច្រើន ព្រោះអាហារទាំងនេះអាចជំនួយដល់ភ្នែករបស់អ្នកណាស់ ធ្វើឲ្យវាមានសុខភាពល្អ ហើយភ្លឺបានយូរទៀតផង។
- បេះដូងគឺជាកន្លែងដែលសំខាន់បំផុតនៅក្នុងសារពាង្គកាយអ្នក ព្រោះវាជាកន្លែងដែលកំណត់ភាពស្លាប់រស់របស់អ្នក ដូចនេះបើអ្នកមិនចង់ឲ្យបេះដូងអ្នកឆាប់ចាស់ ឬខូច អ្នកគួរតែឧស្សាហ៍បរិភោគសូកូឡាខ្មៅ និងគ្រាប់ស្វាយចន្ទី វានឹងជួយការពារបេះដូងអ្នកឲ្យមានសុខភាពល្អជាមិនខានឡើយ។
- បើអ្នកមិនចង់ឆាប់មានជំងឺឈឺឆ្អឹង ឬឆ្អឹងឆាប់ពុក ក្រៅពីទឹកដោះគោ អ្នកអាចពិសារឈីសបាន ព្រោះនៅក្នុងឈីសមានកាលស្យូមច្រើនជាងក្នុងទឹកដោះគោ ដូចនេះវានឹងធ្វើឲ្យឆ្អឹងអ្នករឹងមាំជាមិនខាន។
- គ្រាប់ល្ពៅអាចការពារស្បែកពេញរាងកាយអ្នកមិនឲ្យឆាប់ចាស់ និងជ្រួញ វានឹងជួយរក្សាស្បែកអ្នកឲ្យតឹងណែនល្អ ហើយមិនងាយមានស្នាមជ្រួញឡើយបើអ្នកបរិភោគគ្រាប់ល្ពៅច្រើន។
- មុខគឺជាកន្លែងដែលឆាបចាស់ជាងគេបើអ្នកថែរក្សាមិនបានល្អ ដូចនេះផ្លែប័រ ត្រសក់ និងទឹកដោះគោជូរក្រៅពីយកមកបិតមុខ អ្នកអាចយកវាទៅបរិភោគបាន នោះអ្នកនឹងមិនងាយមានមុខចាស់ឡើយ៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
