ការស្រាវជ្រាវថ្មីបានរកឃើញថា ស្ត្រីដែលមានការរលូតកូនលើសពីម្តង គឺមានហានិភ័យខ្ពស់សម្រាប់ការឡើងរឹងនៃសរសៃឈាមអារទែដែលអាចនាំអោយមានបញ្ហាដូចជា ការគាំងបេះដូង ឬជំងឺដាច់សរសៃឈាមបេះដូង។
អ្នកស្រាវជ្រាវបានមើលទៅលើស្ត្រីជនជាតិដាណឺម៉ាកជាង១លាននាក់ដើម្បីពិនិត្យមើលពីការផ្សារភ្ជាប់គ្នារវាង ការរលូតកូន និងការគាំងបេះដូង, ជំងឺដាច់សរសៃឈាមខួរក្បាល ឬជំងឺលើសឈាមដែលត្បៀតត្រង់សរសៃឈាមអារទែដែលធ្វើដំណើរទៅតម្រងនោម។
ធៀបទៅនឹងស្ត្រីដែលមិនមានការរលូតកូន, ស្ត្រីដែលមានការរលូតកូនម្តងគឺមាន១១%ហាក់ដូចជាទទួលរងនឹងការគាំងបេះដូង។ ហានិភ័យនឹងឡើងទ្វេដងចំពោះស្ត្រីដែលមានការរលូតកូនលើសពី៤ដង។
ស្ត្រីដែលមានការរលូតកូនម្តងមានការកើនឡើងហានិភ័យនៃជំងឺដាច់សរសៃឈាមខួរក្បាល ១៣% និងអ្នកដែលមានការរលូតកូនលើសពី៤ដងមានការកើនឡើងហានិភ័យដល់ទៅ៨៩%។
ស្ត្រីដែលមានការរលូតកូនម្តងមានការកើនឡើងទៅនឹងជំងឺលើសឈាម ១៥% ហើយអ្នកដែលមានការរលូតកូនលើសពី៤ដងមានការកើនឡើងហានិភ័យជិត៤ដងផងដែរ។
ចំពោះការរលូតកូននីមួយៗ, ស្ត្រីបាននាំអោយមានការកើនឡើងហានិភ័យនៃការគាំងបេះដូង ៩%, មានការកើនឡើងហានិភ័យនៃជំងឺដាច់សរសៃឈាម ១៣% និងមានការកើនឡើងហានិភ័យនៃជំងឺលើសឈាម ១៩%៕
