ក្នុងនាមជាមនុស្សស្រីម្នាក់ គួរតែទម្លាក់ចោលរឿងទាំងឡាយខាងក្រោមនេះ ទើបអាចធ្វើឲ្យអ្នកក្លាយជានារីពូកែបាន។ តើមានអ្វីខ្លះទៅ?
- អ្នកគួរតែទម្លាក់មុខមាត់ដ៏សំខាន់របស់អ្នកចុះ ដោយហ៊ានសាកល្បងអ្វីដែលថ្មី ទើបអ្នកអាចឃើញពិភពថ្មីខាងមុខ ដែលនាំអ្នកឲ្យដើរដល់ផ្លូវដែលជោគជ័យ។
- អ្នកគួរតែទម្លាក់ចោលសម្ពាធទាំងឡាយ ដោយបោះចោលឲ្យឆ្ងាយ ទើបអ្នកអាចចាប់ផ្តើមបំពេញការងារបានសម្រេចជោគជ័យ ដោយធ្វើឲ្យអ្នកអាចក្លាយជាមនុស្សស្រីដែលពូកែម្នាក់បាន។
- អ្នកគួរតែទម្លាក់រឿងអតីតកាលចោល ទើបអ្នកអាចបន្តរស់នៅដោយសុភមង្គលបាន។ នៅពេលដែលអ្នកគិតតែរឿងបច្ចុប្បន្ន និងអនាគត នោះជីវិតអ្នកនឹងកាន់តែល្អប្រសើរ។
- អ្នកគួរតែរៀនចេះជឿជាក់ចំពោះខ្លួនឯង ដោយបោះបង់ចោលគំនិតកំសាកទាំងឡាយ ទើបអាចដឹកនាំអ្នកឲ្យក្លាយជាបុគ្គលដែលខ្លាំងពូកែ។ ដូចនេះ អ្នកនឹងអាចធ្វើឲ្យខ្លួនអ្នករីកចម្រើនយ៉ាងខ្លាំង។
- គំនិតខ្ចិលច្រអូសទាំងឡាយ អ្នកគួរតែបោះបង់ចោលឲ្យអស់ ព្រោះវាអាចបំផ្លាញអ្នកបាន។ ដូចនេះ អ្នកគួរតែប្រកាន់គំនិតឧស្សាហ៍ព្យាយាម ទើបធ្វើឲ្យអ្នកបំពេញការងារបានសម្រេច ដោយធ្វើឲ្យអ្នកក្លាយជានារីអស្ចារ្យម្នាក់។
- អ្នកគួរតែទម្លាក់ចោលគំនិតសង្ស័យទាំងឡាយ ព្រោះវាអាចធ្វើឲ្យអ្នកមិនងាយទទួលបានជោគជ័យឡើយ ដោយអ្នកខ្លាចបរាជ័យ។ ដូចនេះ នៅពេលដែលអ្នកមិនសង្ស័យច្រើន នោះអ្នកនឹងអាចដើរដល់ផ្លូវដែលភ្លឺត្រចេះត្រចង់នៅខាងមុខបានយ៉ាងងាយ៕