ការដេកមិនលក់ ឬ សម្រាកមិនបាន គឺជាភាពមិនប្រក្រតីនៃដំណើរគេងលក់ ដែលមនុស្សម្នាក់ មាន បញ្ហាក្នុងការធ្វើអោយខ្លួនឯង ងងុយគេង ឬ អោយគេងបានយូរ និង ការគេងអាចពុំមានអំណោយផល ល្អ។ ប្រហែលជា ៣០ភាគរយ នៃមនុស្សពេញវ័យ បានមានអាការៈនេះ។ ហើយវាកាន់តែមាន ភាពជា ទូទៅចំពោះមនុស្សដែលមានវ័យចំណាស់ និង ស្ត្រី និង ចំពោះជនទាំងឡាយណា ដែលបានប្រឈមនឹង ការឈឺចាប់ ពីស្ថានភាពផ្នែកវេជ្ជសាស្ត្រណាមួយ។
ស្ថានភាពស្ត្រេស អាចបណ្តាលអោយមាន មានការ រំខានដល់ដំណេក នឹងអាចមានរយៈពេលយូរ រហូតដល់ជាច្រើនសប្តាហ៍ ឬ ជាច្រើនខែ ប៉ុន្តែស្ថានភាព ដែលគេងមិនលក់ជារ៉ាំរ៉ៃ ដែលមិនត្រូវបានបាត់វិញដោយខ្លួនវា អាចនឹងឈានអោយមាននូវ បញ្ហាចំពោះ សុខភាព ក្នុងរយៈពេលខ្លី ឬ វែង ដែលមានដូចជា៖ ភាពថប់បារម្ភដែលមានលក្ខណៈ មិនប្រក្រតី និង ការធ្លាក់ទឹកចិត្ត។ មនុស្សទាំងឡាយណា ដែលបានរងគ្រោះដោយសារ ការគេងមិនលក់នេះ ក៏អាចនឹង មានការកើនឡើងនូវសម្ពាធឈាម នៅក្នុងពេលយប់ ដែលវាជាយូរៗទៅ នឹងអាចធ្វើអោយពួកគេ មាន បញ្ហាបេះដូង ។
ហេតុអ្វីបានជាការហាត់ប្រាណ អាចជួយអ្នកបាន?
ការហាត់ប្រាណ អាចធ្វើអោយការគេងលក់អ្នក មានភាពប្រសើរជាងមុន ដោយវាបានបង្កើតនូវ ការកើនឡើងសីតុណ្ហភាពនៅក្នុងខ្លួនប្រាណ ជាពិសេសមួយ រួមជាមួយនឹង ការធ្លាក់ចុះមកវិញនា ក្នុង រយៈពេលពីរបីម៉ោង ក្រោយមក។ ការធ្លាក់ចុះនៃសីតុណ្ហភាព នៅក្នុងរាងកាយ ដែលអាចនឹងបន្តមាន ក្នុងរយៈពេលពី ពីរ ទៅ ៤ម៉ោង បន្ទាប់ពីការហាត់ប្រាណរួច អាចនឹងធ្វើអោយអ្នកគេងបានលក់ស្រួល និង រក្សាដំណេកបានយូរ។
ការធ្វើលំហាត់ប្រាណ នៅក្នុងមជ្ឈដ្ឋានខាងក្រៅជាប្រចាំ បានជួយស្រូបយកម្រិតអុកស៊ីសែន ចូល ទៅក្នុងឈាម និង ជួយកាត់បន្ថយនូវអារម្មណ៍ស្ត្រេស និង ភាពថប់បារម្ភ ហើយវាក៏បានជួយផងដែរ ដល់ការដុតបំផ្លាញកាឡូរី។ មនុស្សជាច្រើន ដែលអាការៈគេងមិនលក់ជារុំារ៉ៃ គឺមានភាពលំបាកក្នុងការ កើនទំងន់ ដោយសារតែការរំខាននៃដំណេកនេះ បានបង្អាក់ដល់ផលិតផលរបស់អរម៉ូន ដែលផ្សារភ្ជាប់ ជាមួយនឹងទំនាក់ទំនង នៃអារម្មណ៍នៃការឃ្លានអាហារ និង រួមជាមួយនឹងការរំលាយអាហារ។ សកម្មភាព រាងកាយមួយចំនួន ដែលបានប្រើប្រាស់សាច់ដុំជើង មានដូចជា៖ ការរត់ត្រេះៗ ,ការហែលទឹក, ការធាក់កង់, ការហាត់ជាមួយនឹងម៉ាស៊ីនសម្រាប់ហាត់ប្រាណ គឺមានប្រសិទ្ធភាពជាពិសេស ក្នុងការ ប្រយុទ្ធប្រឆាំងនឹង ភាពគេងមិនលក់។
ការសិក្សាស្រាវជ្រាវមួយ ដែលបានធ្វើឡើងដោយជនជាតិប្រេស៊ីល ដែលបានធ្វើការកត់សម្គាល់ទៅ លើប្រសិទ្ធភាព នៃការប្រើប្រាស់សកម្មភាពរាងកាយ ជាវិធីព្យាបាលរោគគេងមិនលក់ បានរកឃើញថា ការធ្វើលំហាត់ប្រាណ ក្នុងកម្រិតសមស្រប បាននាំអោយមានការកើនឡើងជាពិសេស នូវចំនួនម៉ោង នៃការគេង របស់អ្នក ដែលបានចូលរួមក្នុងការតាមដាននេះ និង បានកាត់បន្ថយនូវម៉ោងដែលគេ មិនបានគេងលក់នោះ ។
យោងតាមការវិធីព្យាបាលបែបបុរាណ របស់ជនជាតិចិន ស្ថានភាពគេងមិនលក់ ដែលមានសភាពជា រុំារ៉ៃនេះ គឺកើតមានដោយសារតែភាពមិនប្រក្រតីនៃ អតុល្យភាពនៃធាតុយីង និង យ៉ាង ដែលបណ្តាលមក ពីបញ្ហាថ្លើម, អណ្តើក, បេះដូង ឬ តម្រងនោមខ្សោយ។ ថ្លើមមាននាទី ចម្រោះឈាមនៅក្នុងពេលយប់ ជាពិសេស នៅចន្លោះម៉ោង ១ ទៅ ម៉ោង ៣ទៀបភ្លឺ។ គុណភាពនៃការគេង ត្រូវបានចុះខ្សោយ នឹងកើតមាននៅពេលដែល ថ្លើមមានសភាពខ្សោយ ឬ មានការស្លាក់ឈាមនៅក្នុងថ្លើម ដែលវាអាចនឹង មានភាពពិបាក ក្នុងការមានមុខងារ អោយបានដូចប្រក្រតី។ ការប្រុងប្រយ័ត្នចំពោះ របបអាហារ និង ការ អនុវត្តនូវលំហាត់ប្រាណបែប គីហ្គុង ឬ ថៃឈិជាប្រចាំ អាចជួយកែតម្រូវនូវ អតុត្យភាពនេះបាន។
ការតាំងសាមាធិ
មនុស្សភាគច្រើន ដែលមិនអាចសម្រាកបាន គឺកំពុងស្ថិតក្នុង ដំណាក់កាល hyperaousal ក្នុងរយៈពេល ២៤ម៉ោង។ ការអនុវត្តន៍នូវវិធីសាស្ត្រក្នុងការរៀន សម្រាកដកដង្ហើមចេញចូលអោយបាន វែងៗ មានដូចជា៖ ការធ្វើសមាធិ ក្នុងអំឡុងពេលថ្ងៃ គឺអាចជួយបន្ថយនូវសកម្មភាពផ្លូវចិត្ត និង ជម្រុញ អោយមានការគេងលក់ស្រួល នៅក្នុងពេលយប់។
ការសិក្សាស្រាវជ្រាវថ្មីៗមួយ ដែលបានធ្វើឡើងនៅក្នុងប្រទេស ណររែស ( Northwest) នៅមន្ទីរពេទ្យ Memorial llinois បានរកឃើញថា អ្នកដែលបានចូលរួម ក្នុងការសិក្សានេះ ដែលបានអនុវត្តនូវ លំហាត់ ប្រាណបែបយូហ្គា Kriya ក្នុងរយៈពេលពីរខែ បានរាយការណ៍ថា ដំណើរនៃការគេងលក់និង អារម្មណ៍របស់ពួកគេ គឺមានភាពប្រសើរឡើងជាងមុន។ លំហាត់ប្រាណយូហ្គាបែប Kriya ដែលជាការ ប្រើកាយវិការដៃ ជាមួយនឹងចលនាបែបសាមញ្ញមួយចំនួន គឺជាទម្រង់មួយនៃការតាំងសាមាធិ ដែលធ្វើ នូវសកម្មភាពដដែលៗឡើងវិញ ដើម្បីយកចិត្តទុកដាក់នៅក្នុងផ្នែកខាងក្នុង និង កាត់បន្ថយនូវ អារម្មណ៍ ផ្សេងជាច្រើន នៅក្នុងចិត្ត។
សកម្មភាពដែលសាកសមបំផុតមានដូចជា៖
• លំហាត់ប្រាណ បែបយូហ្គា។
• លំហាត់ប្រាណបែបគីហ្គុង។
• លំហាត់ប្រាណ បែបថៃឈិ។
• សកម្មភាពលំហាត់ប្រាណ ក្នុងកម្រិតមធ្យម ក្នុងមជ្ឈដ្ឋានខាងក្រៅផ្ទះ។
តើអ្នកគួរអនុវត្ត ពួកវាអោយបានញឹកញាប់ប៉ុនណា ?
• ធ្វើលំហាត់ប្រាណនៅខាងក្រៅផ្ទះ អោយបានយ៉ាងហោចណាស់ ៤ថ្ងៃ ក្នុងមួយសប្តាហ៍ ក្នុងរយៈ ពេលពី ២០ ទៅ ៣០នាទី នៅក្នុងពេលល្ងាច ប៉ុន្តែវាមិនមែនក្នុងអំឡុងពេល ៤ ទៅ ៦ ម៉ោងមុន ពេលអ្នកទទួលទានដំណេក ហើយនឹងមិនត្រូវធ្វើវា មុនពេលអ្នកចូលគេងនោះទេ។
• ការធ្វើលំហាត់ប្រាណ បានជួយបង្កើនកំដៅនៅក្នុងខ្លួន ដែលអាចធ្វើអោយអ្នកគេងលក់បាន ស្រួល នៅពេលដែលសីតុណ្ហភាពនេះបានធ្លាក់ចុះទៅវិញ។ ប្រសិនបើអ្នក បានកំដៅសាច់ដុំ នៅក្នុងពេលល្ងាច នោះវានឹងត្រូវបានចុះត្រជាក់វិញ នៅពេលដែលអ្នកបានត្រៀមខ្លួនរួចជាស្រេច នឹងទទួលទានដំណេក ៕
