ដោយប្រទះឃើញស្ករកៅស៊ូច្រើនសន្ធឹកមានជាប់ស្អិតលើដងផ្លូវនៃទីក្រុង Amsterdam ប្រទេសហុល្លង់ ក្រុមហ៊ុនមួយឈ្មោះ Gumdrop បានបែកគំនិតច្នៃស្ករកៅស៊ូទៅជាវត្ថុធាតុម្យ៉ាងដែលអាចប្រើដើម្បីផលិតស្បែកជើងបាន។
ស្ករកៅស៊ូដែលគេប្រមូលបានតាមដងផ្លូវ ត្រូវបានគេយកមកច្របល់ជាមួយវត្ថុធាតុម្យ៉ាងដើម្បីបង្កើតបានជាវត្ថុធាតុឈ្មោះថា “Gum-Tec”។ Gum-Tec នេះមានផ្ទុកនូវស្ករកៅស៊ូចំនួន ២០%។
ក្រោយមកគេក៏យកសារធាតុ Gum-Tec នេះ ទៅបង្កើតចេញជារូបរាងនៃបាតស្បែកជើង និងយកសារធាតុស្បែកមួយផ្សេងទៀតដើម្បីមកដេរជាមួយបាតស្បែកជើងនេះ បង្កើតចេញជាស្បែកជើងមួយសម្រាប់។
ស្បែកជើងស្ករកៅស៊ូនេះនឹងចាប់ផ្ដើមចេញលក់នៅខែមិថុនាខាងមុខនេះ ដោយក្នុងមួយគូមានតម្លៃប្រមាណ ២៣២ ដុល្លារ និងមានជម្រើសពណ៌ជាច្រើន៕
ប្រភព៖ sabay.com.kh