​មាន​អ្នកខ្លះ​ខិតខំ​រិះរក​គ្រប់​មធ្យោបាយ​ដើម្បី​ធ្វើឲ្យ​ស្បែកស ដូចនេះ​ក្រោយពេល​ដែល​អ្នក​សរួច អ្នក​ត្រូវ​ប្រយ័ត្ន​ពី​រឿង​មួយចំនួន បើ​អ្នក​មិន​ប្រយ័ត្ន នោះ​ស្បែក​អ្នកនឹង​ងាយ​ខ្មៅ​ទៅ​វិញ​ណាស់ តើ​មាន​ចំនុច​អ្វី​ខ្លះ​ដែល​អាច​បំផ្លាញ​ស្បែក​អ្នក​បាន​?

​កម្តៅ​ថ្ងៃ​
នៅពេល​ដែល​អ្នក​ត្រូវ​កម្តៅ​ថ្ងៃនេះ​ចាប់ពី​២០​នាទី នោះ​ស្បែក​អ្នកនឹង​របួស​ពី​ក្រៅ​ទៅក្នុង វា​នឹង​ប្រែជា​ក្រហម ហើយ​ហើម ថែម​ទាំង​អាច​មាន​ស្នាម​អ៊ុច​ខ្មៅ​ជាច្រើន​ទៀតផង  ដូចនេះ​នៅពេល​ដែល​អ្នក​ចេញ​ក្រៅ អ្នក​ត្រូវ​តែ​ការពារ​ស្បែក​អ្នក​ឲ្យបាន​ល្អ​។​
 

​សីតុណ្ហភាព​ខ្ពស់​
មនុស្ស​ដែល​មាន​ស្បែក​ស ស្បែក​ងាយ​របួស​ណាស់ សូម្បី​តែ​ប៉ះ​ត្រូវ​សីតុណ្ហភាព​ក្តៅ​ក៏ងាយ​ខូចដែរ ដូចនេះ​អ្នក​មិន​ត្រូវ​ប្រើ​ទឹក​ក្តៅ​ដើម្បី​លុប​មុខ​ទេ ព្រោះ​វា​អាច​ធ្វើឲ្យ​ស្បែក​អ្នក​ក្រហម ហើយរ​មាស់​បាន​។​
 

​សីតុណ្ហភាព​ទាប​
មនុស្ស​ដែល​មាន​ស្បែក​ស​ពិតជា​ពិបាក​ណាស់ ត្រូវ​សីតុណ្ហភាព​ខ្ពស់​មិន​បាន ទាប​ក៏​មិនបាន នៅពេល​ដែល​មេឃ​ត្រជាក់ អ្នក​ត្រូវ​តែ​ពាក់​ម៉ាស​មុនពេល​ចេញ​ទៅ​ក្រៅ ព្រោះ​បើ​អ្នក​មិន​ពាក់ នៅពេល​ដែល​វា​ត្រូវ​ខ្យល់ ស្បែក​នឹង​ស្ងួត ប្រេះ ហើយ​មុខ​អ្នក​នឹង​ក្លាយជា​ក្រហម ដោយសារ​តែ​ស្បែក​ស្តើង ដូចនេះ​អ្នក​ត្រូវតែ​ពាក់​ម៉ាស​នៅ​ពេល​ចេញ​ទៅ​ក្រៅ ថែមទាំង​ត្រូវ​រក្សា​ស្បែក​អ្នកឲ្យមាន​សំណើម​ជានិច្ច​។​
 

​ស្នាម​មុន​
ស្បែក​អ្នក​ដែល​ស នៅពេល​ដែល​កើតមុន ងាយ​នឹង​មាន​ស្នាម​មុន​ណាស់  ហើយ​ងាយ​ឃើញ​ទៀតផង ដូចនេះ​អ្នក​គួរតែ​ប្រើ​វិធី​គ្រប់បែបយ៉ាង​ដើម្បី​ការពារ​កុំឲ្យ​មាន​មុន​ឲ្យសោះ បើ​ពុំ​ដូច្នោះ​ទេ មុខ​អ្នកនឹង​ងាយ​មាន​ស្នាម​ខ្លាំងណាស់​។​
 

​ស្នាម​អ៊ុច​ខ្មៅ​
ស្បែក​ស​ងាយ​មាន​ស្នាម​អ៊ុច​ខ្មៅ​ខ្លាំង​ណាស់​នៅពេល​ដែល​អ្នក​មិន​ប្រយ័ត្ន ដូចនេះ​អ្នក​ត្រូវតែ​ការពារ​ស្បែក​អ្នក​គ្រប់ពេល មិនត្រូវ​ភ្លេច​ឡើយ​។​
 

​សំពាធ​ការងារ​
នៅក្នុង​ការរស់នៅ​របស់អ្នក បើ​អ្នក​តែងតែ​មាន​សំពាធ​ការងារ នោះ​អ្នកនឹង​អាច​មាន​ជំងឺ​គេង​មិន​លក់ ហើយ​បរិភោគ​អាហារ​មិន​ចូល ដូចនេះ​រាងកាយ​អ្នក​នឹងខ្វះ​សារធាតុចិញ្ចឹម ដែល​អាច​ប៉ះពាល់​ដល់​ស្បែក​អ្នក​ខ្លាំងណាស់ ធ្វើឲ្យ​ស្បែក​អ្នក​មិន​អាច​កើត​ស្បែក​ថ្មី​បាន​ទាន់ពេល ដូចនេះ​វា​នឹង​ងាយ​ចាស់​ខ្លាំង​ណាស់​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង