តើទឹកពិតជាសំខាន់សសម្រាប់មនុស្សគ្រប់រូបឬ?តើវាពិតជាអាចជួយឲ្យមនុស្សមានសុខភាពល្អ និងស្រកទម្ងន់បានឬ?ក្រោយពេលដែលអ្នកដឹងពីមូលហេតុដែលវាអាចជួយឲ្យអ្នកស្រកទម្ងន់បាន អ្នកគួរតែជ្រើសរើសផឹកទឹកជំនួសផឹកភេសជ្ជៈផ្សេងៗដែលអាចបំផ្លាញដល់សុខភាពអ្នក និងរូបរាងអ្នក។
1. បើអ្នកផឹកទឹកច្រើន វានឹងនៅក្នុងក្រពះអ្នក នោះវានឹងជួយកាត់បន្ថយអត្រានៃការឃ្លានរបស់អ្នក ធ្វើឲ្យអ្នកមានអារម្មណ៍រាងឆ្អែត មិនសូវចង់បរិភោគអាហារទេ ។
2. ទឹកអាចជួយកាត់បន្ថយកាឡូរីនៅក្នុងរាងកាយអ្នកបាន ព្រោះបើកាឡូរីច្រើន វាអាចប៉ះពាល់ដល់សុខភាពអ្នក អាចធ្វើឲ្យអ្នកមានជំងឺបេះដូង និងលើសឈាម ជាងនេះទៅទៀតវានឹងអាចបំផ្លាញរូបរាងអ្នកបាន ដូចនេះទឹកអាចជួយអ្នកឲ្យមានរូបរាងស្អាតបាន។
3. ទឹកអាចជួយរំលាយអាស៊ីតខ្លាញ់ដែលមានក្នុងរាងកាយអ្នក ម្យ៉ាងទៀតវានឹងអាចជួយធ្វើឲ្យសាច់ដុំអ្នករឹង និងមានស្បែកតឹង។
4. ទឹកអាចជួយអ្នកឲ្យរំលាយអាហារបានលឿន ដោយអ្នកអាចផឹកទឹកក្តៅអ៊ុនៗមុនពេលបរិភោគអាហារបាន ដោយផឹករួច១០ទៅ១៥នាទីទើបចាប់ផ្តើមបរិភោគអាហារ នោះវានឹងជួយរំលាយអាហារក្នុងក្រពះអ្នកលឿន ជាហេតុដែលវាមិនផ្ទុកក្នុងក្រពះអ្នកយូរ ធ្វើឲ្យមានអាស៊ីតខ្លាញ់ច្រើនកកក្នុងនោះ ដែលអាចធ្វើឲ្យអ្នកធាត់បាន។
5. នៅពេលដែលអ្នកបរិភោគអាហារហួសកំណត់ អ្នកគួរតែផឹកទឹកឲ្យបានច្រើន ព្រោះទឹកអាចធ្វើឲ្យខ្លាញ់ក្នុងរាងកាយអ្នករំលាយយ៉ាងងាយ វាមិនធ្វើឲ្យវាកកក្នុងនោះឡើយ។
6. នៅពេលដែលអ្នកផឹកទឹកច្រើន វានឹងធ្វើឲ្យអ្នកងាយស្រួលបត់ជើង នោះសម្រាមទាំងឡាយដែលមានក្នុងរាងកាយអ្នកនឹងចេញមកក្រៅអស់ នោះអ្នកនឹងងាយស្រកទម្ងន់ជាមិនខានឡើយ៕