ការទទួលទានអាហារទាំងនេះជាទៀងទាត់សម្រាប់អាហារពេលព្រឹកនឹងធ្វើឱ្យអ្នកប្រឈមនឹងជំងឺបេះដូង និងដាច់សរសៃឈាមខួរក្បាលខ្ពស់។
ប្រភេទនៃនំបំពង
ជំងឺដាច់សរសៃឈាមខួរក្បាលអាចជា hemorrhagic ឫជា ischemic។ វាអាចបណ្តាលមកពីការគ្រប់គ្រងសម្ពាធឈាមមិនល្អក្នុងរយៈពេលយូរ ឬដោយការឡើងរឹងនៃសរសៃឈាមដែលស្ទះសរសៃឈាម។ ប្រហែល 40% នៃជំងឺដាច់សរសៃឈាមខួរក្បាល គឺជាប្រភេទ hemorrhagic ពោលគឺសរសៃឈាមដែលដាច់។ ក្នុងករណីនេះ ការគ្រប់គ្រងសម្ពាធឈាមមិនបានល្អ គឺជាមូលហេតុសំខាន់នៃជំងឺនេះ។ បរិមាណអំបិល និងគ្រឿងទេសដែលប្រើក្នុងអាហារនេះ គឺជាកត្តាមួយដែលប៉ះពាល់ដល់ការគ្រប់គ្រងសម្ពាធឈាម។
នំបំពង ច្រើនតែមានអំបិល និងខ្លាញ់ច្រើន។ ប្រសិនបើអ្នកញ៉ាំវាជារៀងរាល់ថ្ងៃ កូលេស្តេរ៉ុលក្នុងឈាម និងសម្ពាធឈាមនឹងកើនឡើងជាលំដាប់។
លើសពីនេះ អាហារបំពងដែលមានជាតិខ្លាញ់ច្រើននឹងបង្កើនបរិមាណខ្លាញ់ក្នុងខ្លួន។ នៅពេលដែលជាតិខ្លាញ់ឆ្អែតមានច្រើនពេក ភាពល្អក់កករនៃឈាមក៏នឹងកើនឡើងផងដែរ។ វាមិនត្រឹមតែបង្កឱ្យមានជាតិខ្លាញ់ក្នុងឈាមប៉ុណ្ណោះទេ ប៉ុន្តែក៏ប៉ះពាល់ដល់សម្ពាធឈាមផងដែរ ។
សាច់កែច្នៃដូចជា សាច់ក្រក ហតដក
60% នៃជំងឺដាច់សរសៃឈាមខួរក្បាលគឺបណ្តាលមកពីការស្ទះសសៃឈាម ischemic។ មូលហេតុមួយនៃការស្ទះសរសៃឈាមគឺការញ៉ាំអាហារសម្បូរជាតិកាឡូរីខ្ពស់។ សាច់កែច្នៃដូចជាសាច់ក្រក ហតដក និងបេខុន មានផ្ទុកជាតិខ្លាញ់ និងអំបិលខ្ពស់ ដែលជះឥទ្ធិពលអាក្រក់ដល់សម្ពាធឈាម។ ដូច្នេះហើយអ្នកជំនាញផ្នែកអាហារូបត្ថម្ភណែនាំឱ្យអ្នកចៀសវាងការទទួលទានអាហារប្រភេទនេះញឹកញាប់ពេក។
មីកញ្ចប់
មីកញ្ចប់ (គុយទាវ) គឺជាមុខម្ហូបអាហារពេលព្រឹកដែលធ្លាប់ស្គាល់សម្រាប់មនុស្សជាច្រើន។ វាមានតម្លៃថោក មានរសជាតិឆ្ងាញ់ ហើយមិនចំណាយពេលយូរក្នុងការរៀបចំ។ ទោះជាយ៉ាងណាក៏ដោយ មីកញ្ចប់ដែលមានជាតិអំបិលខ្ពស់ និងអាហាររូបត្ថម្ភមិនល្អត្រូវបានបន្ថែមជាមួយនឹងសារធាតុបន្ថែម រក្សាទុកជាច្រើនដែលមិនល្អសម្រាប់សុខភាព។
មីកញ្ចប់ក៏មានផ្ទុកជាតិខ្លាញ់ឆ្អែតច្រើនផងដែរ ដែលមិនងាយរំលាយ។ ក្នុងអំឡុងពេលដំណើរការផលិតមីកញ្ចប់ត្រូវបានចៀនក្នុងប្រេងនៅសីតុណ្ហភាពខ្ពស់។ ប្រេងបន្ទាប់មកជក់បានយ៉ាងងាយ និងបង្កើត trans fat (ខ្លាញ់មួយប្រភេទដែលមានលក្ខណៈសម្បត្តិគីមីជាក់លាក់ ហើយជាធម្មតាត្រូវបានរកឃើញនៅក្នុងអាហារកែច្នៃ និងប្រេងបន្លែមួយចំនួន )។ Trans fat នឹងបង្កើនកម្រិតកូឡេស្តេរ៉ុលអាក្រក់ក្នុងឈាម បង្កើនហានិភ័យនៃជំងឺសរសៃឈាមបេះដូង បង្កឱ្យស្ទះសរសៃឈាម និងនាំឱ្យដាច់សរសៃឈាមខួរក្បាល។
ដូច្នេះហើយ អ្នកមិនគួរញ៉ាំមីញីញឹកញាប់ពេកទេ។ បើចង់ញ៉ាំ អ្នកត្រូវបន្ថែមបន្លែបៃតង សាច់ ស៊ុត… ដើម្បីផ្តល់បរិមាណចាំបាច់នៃវីតាមីន ជាតិសរសៃ និងប្រូតេអ៊ីនសម្រាប់រាងកាយ៕
