ការកង្វះវីតាមីន និងជាតិរ៉ែសំខាន់ៗគឺជាមូលហេតុដ៏ចំបងមួយដែលធ្វើអោយបុរសជ្រុះសក់។ ការទទួលបានជីវជាតិគ្រប់គ្រាន់គឺជាកត្តាដ៏សំខាន់ដើម្បីអោយសក់លូតលាស់បានយ៉ាងល្អ (Anagen Phase)។ ការកង្វះវីតាមីន នឹងនាំអោយឈាមរត់មិនបានល្អ ព្រមទាំងអោយស្បែកក្បាលស្ងួតទៀតផង ទោះបីជា Anagen Phase ត្រូវមានរយៈពេលជាច្រើនឆ្នាំក៏ដោយ ប៉ុន្តែបើវាមានរយៈពេលខ្លី នោះសក់នឹងចាប់ផ្តើមខូច និងជ្រុះជាមិនខាន។
ខាងក្រោមនេះគឺជាវីតាមីនជាច្រើនដែលអាចជួយបង្ការកុំអោយជ្រុះសក់បាន។
វីតាមីន B
វីតាមីន B គឺជាវីតាមីនដ៏សំខាន់សម្រាប់ថែរក្សាការលូតលាស់សក់អោយបានល្អ។ សារៈសំខាន់នៃវីតាមីន B សម្រាប់សុខភាពសក់គឺឃើញមានពិតនៅក្នុងផលិតផលថែរក្សាសក់គ្រប់ប្រភេទ ព្រមទាំងមានវីតាមីនក្នុងក្រុមជាមួយគ្នាទៀតផងដូចជា B1, B2, B3, B5, B6 និង B12 ជាដើម។ វីតាមីន B ជួយអេម៉ូគ្លូបីនចាប់យកអុកស៊ីសែនទៅអោយស្បែកក្បាល។ អ្នកអាចទទួលបានវីតាមីន B តាមរយៈ៖
- វីតាមីន B6៖ អាហារសមុទ្រ, ដំឡូង និងសុត សុទ្ធតែជាប្រភពដ៏ល្អបំផុតសម្រាប់វីតាមីន B6
- វីតាមីន B9៖ អាចរកបាននៅក្នុងផ្លែល្ហុង
- Inositol៖ នេះគឺជាប្រភេទវីតាមីន Bកំផ្លេចមួយប្រភេទទៀតដែលជួយភ្ញោចគោលកោសិការបណ្តុះសក់លូតលាស់ និងបង្កើនរយៈពេលនៃ Anagen Phase។ ផ្លែឈើ, សណ្តែក និងគ្រាប់ធញ្ញជាតិសុទ្ធតែជាប្រភេទដ៏ល្អរបស់វា។
ប្រភពធម្មជាតិផ្សេងៗទៀតនៃវីតាមីន B៖
- សណ្តែក
- សណ្តែកហរឡាំងតាវ
- ការ៉ុត
- ផ្កាសខាត់ណាពណ៌ស
- សណ្តែកសៀង
- សុត
វីតាមីន A
វីតាមីន A គឺជាប្រភេទវីតាមីនរលាយខ្លាញ់ដែលមានប្រសិទ្ធភាពបំផុតក្នុងការបង្ការជ្រុះសក់។ Retinol និង Beta Carotene គឺជាសមាសធាតុដ៏សំខាន់របស់វីតាមីននេះ។ ក្នុងចំណោមសមាសធាតុទាំងពីរនេះ Beta Carotene គឺជាទម្រងវីតាមីន A ពីធម្មជាតិ។ វាមាននៅក្នុងផ្លែក្រូច និងអាហារពណ៌លឿងចាស់។ វីតាមីន A ជួយផ្តល់ភាពរំអិលដល់គល់សក់ជាមួយនឹងប្រេងសេបូម ព្រមទាំងជួយពង្រឹងដល់ឬសសក់អោយមានសុខភាពល្អ។ ដើម្បីបង្ការកុំអោយសក់ជ្រុះបាន ពួកគេត្រូវតែទទួលទានវីតាមីន A អោយបានយ៉ាងហោចណាស់ ៥០០០IU ជារៀងរាល់ថ្ងៃ។ ទោះបីជាយ៉ាងណាក៏ដោយ មិនត្រូវទទួលទានច្រើនពេកទេព្រោះវាអាចនាំអោយពុលថ្លើមបាន។
ប្រភេទវីតាមីន A ពីធម្មជាតិមួយចំនួន៖
- ថ្លើមសត្វ
- ទឹកដោះគោ
- ហ្វ្រូមាត
- ស្ពៃបៃតងចាស់
- ផ្កាខាត់ណាពណ៌បៃតង
- ស្ពៃក្តោបពណ៌ស្វាយ
- ការ៉ុត
វីតាមីន C
វីតាមីននេះមានសារៈសំខាន់ក្នុងការបង្ការកុំអោយសក់បុរសជ្រុះ។ វាជួយពង្រឹងដល់សរសៃសក់តាមរយៈការបង្កើតអោយមានជាតិកូឡាជែន។ អ្នកអាចទទួលបានវីតាមីន Cជាប្រចាំថ្ងៃយ៉ាងងាយពីផ្លែឈើជូៗ។
វីតាមីន E
វីតាមីន E ក៏ជួយបង្ការកុំអោយសក់បុរសជ្រុះដែរ ព្រោះវាជំនួយដល់របត់ឈាមរត់ និងជម្រុញអោយស្បែកក្បាលស្រូបអុកស៊ីសែនបានកាន់តែច្រើន។ ប្រេងរុក្ខជាតិ, គ្រាប់ផ្កាឈូករ័ត្ន សុទ្ធតែជាប្រភេទដ៏ល្អរបស់វីតាមីន E៕