វា​ពិតជា​មាន​សារៈសំខាន់​ណាស់ ក្នុងការ​បែក​ចែក​អោយ​បាន​ច្បាស់​ពី ពណ៌​ដែល​សាក​សម​នឹង​ស្បែក​អ្នក , វិធីសាស្ត្រ និង សំភារៈ​សំខាន់ៗ សម្រាប់​ប្រើ​ក្នុងការ​លាបម្ស៉ៅ​ផាត់​ថ្ពាល់ ដើម្បី​អោយ​អ្នក​ទទួលបាន​នូវ​ភាពស្រស់ ស្អាត​។ ជាធម្មតា ម្ស៉ៅ​ផាត់​ថ្ពាល់​មាន បី​ពណ៌​ផ្សេងៗ​គ្នា គឺ ពណ៌​ផ្កាឈូក​, ពណ៌​ត្នោត និង ពណ៌​លឿង​ព្រឿងៗ ។ ជម្រើស​នៃ​ពណ៌​របស់​ម្ស៉ៅ​ផាត់​ថ្ពាល់​អ្នក គឺ​ត្រូវតែ​មាន​សភាព​ដូចគ្នា​ទៅនឹង ពណ៌​ស្បែក​របស់​អ្នក ។ កាល​បើ​ស្បែក របស់​អ្នក​កាន់តែ​ភ្លឺ​ថា្ល នោះ​ម្ស៉ៅ​ផាត់​ថ្ពាល់​របស់​អ្នក​គួរតែមាន សភាព​កាន់តែ​ភ្លឺ​ទៅ​តាម​នោះដែរ ។​

​លើសពីនេះ ទៅ​ទៀត​វា​ត្រូវ​តែ ស៊ីគ្នា​ទៅនឹង​ពណ៌​នៃ​ក្រែ​មលាប​បបូរមាត់​ដែល​អ្នកនឹង​ប្រើ​។ ពណ៌​ស្រាលៗ ត្រូវ​ទុក​សម្រាប់​ប្រើ​នៅ​ពេល​ព្រឹក និង ពេល​ថ្ងៃ ខណៈពេល​ដែល​ពណ៌​រាង​ឌិ​តចាស់ បន្តិច គឺ​ទុក​ប្រើ​សម្រាប់​ក្នុង ពេល​ល្ងាច​។ សភាព​មើលទៅ ដូចជា​អស់កំលាំង ជារឿយៗ​ត្រូវបាន​ធ្វើ​អោយ​ស្រស់ថ្លា​វិញ​បាន​ភ្លាមៗ បន្ទាប់​ពី ការ ផាត់ម្ស៉ៅ​ថ្ពាល់​ពណ៌​ផ្កាឈូក ។​

​មុនពេល​ធ្វើ​ការចាប់ផ្តើម​លាបម្ស៉ៅ​ផាត់​ថ្ពាល់ អ្នក​ត្រូវ​សំអាត​ស្បែក​មុខ​អោយបាន​ស្អាត​ល្អ និង បន្ទាប់មក ត្រូវ​ជូ​តវា​អោយបាន​ស្ងួត​។ ក្រោយមកទៀត អ្នក​ត្រូវ​លាបម្ស៉ៅ​ទ្រនាប់ ។ ហើយ​អ្នក អាច​ស្វែងរក​ចំណុច​រាង ផ្លែ​ប៉ម នៅលើ​ថ្ពាល់​របស់​អ្នក ដែល​វា​ជា​កន្លែង​ដែល​យើង​ត្រូវ ធ្វើការ​ផាត់​ពណ៌​ម្ស៉ៅ​សម្រាប់​ផាត់​ថ្ពាល់ ។ វា​ជារឿយៗ ត្រូវ បាន​ធ្វើឡើង ដោយ​ការ​សំលឹង​មើល​ចំ​ទៅក្នុង កញ្ចក់ ជាមួយនឹង​ការ​ញញឹម​។ ចំណុច​ដែល​ជួយ​លើក​សម្រស់​អ្នក និង គួរអោយ​ចាប់អារម្មណ៍​នៅត្រង់​ថ្ពាល់​នោះ​គឺ ត្រង់​កន្លែង​មូល​ប៉ោង​ដូច​ផ្លែ​ប៉ម ។ បន្ទាប់មក អ្នក​អាច​យក​ជក់​ផាត់ ថ្ពាល់ ផ្តិត​យក​ម្ស៉ៅ​ផាត់​ថ្ពាល់ និង លាប​វា​ទៅ​ក្នុង​ទិស​តែ​ម្ខាង និង ក្រោយមកទៀត ធ្វើការ​ផាត់​លាយ​វា​បន្តិច​ម្តងៗ ។ ហើយ​ជា​ចុងក្រោយ​នោះ អ្នក​អាច​លាបម្ស៉ៅ​ម៉ដ្ឋ​ថា្ល តិចៗ​នៅ​លើ​វា ដើម្បី​អោយ​មើល​ទៅ ឃើញ​ដូច ជា​សម្រស់​ពី​ធម្មជាតិ​របស់​អ្នក ៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង