លោក Tran Van Hay ត្រូវបានរបាយការណ៍ជាច្រើនចុះផ្សាយថា ជាបុរសដែលមានសក់វែងជាងគេបំផុត។
បើទោះជាមិនមានការវាស់ផ្លូវការពី Guiness World Record សក់របស់លោកត្រូវបានសារព័ត៌មានអង់គ្លេស The Telegraph រាយការណ៍ថា មានប្រវែង ៦,៨ ម៉ែត្រ (ប្រវែងសក់របស់លោក នៅពេលលោកស្លាប់នៅឆ្នាំ ២០១០)។
លោក Hay ជាគ្រូថ្នាំបុរាណ រស់នៅខេត្ត Kien Giang ដែលស្ថិតនៅភាគខាងត្បូងនៃប្រទេសវៀតណាម។
កាលនៅរស់ នៅពេលថ្ងៃ លោកតែងយកក្រមាមករុំសក់ ដើម្បីកុំឲ្យវាមានសភាពរញ៉េរញ៉ៃ។
ដោយសក់មានប្រវែងពេក ជានិច្ចកាល លោកត្រូវបានបដិសេធដោយអ្នករត់ម៉ូតូឌុប ព្រោះក្បាលរបស់លោកពាក់មួកសុវត្ថិភាពមិនចុះ។
បើតាមសម្ដីរបស់ប្រពន្ធលោក គិតត្រឹមឆ្នាំ ២០១០(ឆ្នាំលោកបានទទួលមរណភាព) វាមានរយៈពេលជាង ៥០ ឆ្នាំដែលលោក Hay មិនដែលកាត់សក់។ មូលហេតុដែលនាំឲ្យលោក ធ្វើបែបនេះ គឺដោយសារឲ្យរាល់ពេលកាត់សក់ម្ដងៗ លោកតែងឈឺធ្ងន់។ លោកក៏មិនសូវដែលកក់សក់ផងដែរ។ លើកចុងក្រោយដែលលោក Hay ធ្វើដូច្នោះ គឺឆ្នាំ ១៩៩៧។
លោក Hay បានទទួលអនិច្ចកម្មកាលពីឆ្នាំ ២០១០ ក្នុងវ័យ ៧៩ឆ្នាំ ដោយជរាពាធ៕
ប្រភព៖ sabay.com.kh
