មនុស្ស​ភាគច្រើន តែង​មើលរំលង​នូវ​ការថែរក្សា​ប្រអប់ជើង​របស់​ខ្លួនឯង ជាពិសេស​គឺ​ម្រាមជើង​តែម្តង​។ ជា​ការពិត មិន​ខុស​ពី​ផ្នែក​ផ្សេងៗ​ទៀត​នៃ រាងកាយ​ពួកវា ក៏​ត្រូវការ ការយកចិត្តទុកដាក់ និង ថែរក្សា​អោយ​បានឌិ​តដល់​ផង​ដែរ​។

ខាងក្រោម​នេះ គឺជា​វិធី​ងាយៗ ៥​យ៉ាង​ក្នុង​ការថែរក្សា​ម្រាមជើង​អ្នក អោយមាន​សោភ័ណភាព​ល្អ ៖

១.​ការព្យាបាល​ដោយ​ការ​ផ្សើម​ទឹក​
​វិធី​ដ៏​ប្រសើរ​បំផុត ក្នុង​ការថែរក្សា​ម្រាមជើង​របស់​អ្នក គឺ​អ្នក​ត្រូវ​អនុវត្ត​នូវ ការព្យាបាល​ដោយ​វិធី​ផ្សើម​ប្រអប់ជើង​អោយបាន ១​ម្តង​ក្នុង​មួយ​សប្តាហ៍​។ អ្នក​គួរ​ធ្វើការ​ផ្សើម​ប្រអប់ជើង​របស់​អ្នក ទៅក្នុង​ទឹក អោយ​បាន​ពី ១០ ទៅ ១៥​នាទី​។ នេះ​គឺជា​វិធី​ធម្មជាតិ​ម្យ៉ាង ដែល​អាច​យក​ចេញ​នូវ កោសិកា​ងាប់ៗ ចេញពី​ម្រាមជើង​របស់​អ្នក​។ បន្ទាប់​ពី​អ្នក​លើកជើង​ចេញពី​ទឹក​ហើយ អ្នក​ត្រូវ​ធ្វើការ​ម៉ាស្សា​វា​ថ្នមៗ ជាមួយនឹង​ក្រែម ម៉ាស្សា​ប្រអប់ជើង ដែល​ផ្តល់​សំណើម​បានល្អ​ដល់​ស្បែក​។ វិធី​នេះ ក៏​អាច​សម្អាត​នូវ​ស្បែក​កខ្វក់ និង ធ្វើអោយ​ចរន្តឈាម​រត់​នៅ​ប្រអប់ជើង អ្នក​មាន​ដំណើរការ​បាន​ល្អ​ផង​ដែរ ។​

២. ធ្វើការ​ហាត់ប្រាណ​នៅ​ម្រាម​ជើង​
​អ្នក​ប្រហែលជា​ធ្លាប់បាន​ដឹង​ពី​វា​មុន​ខ្លះ​រួច​មក​ហើយ នូវ​ប្រភេទ​នៃ​លំ​ហាត់ប្រាណ​មួយចំនួន ដែល​អ្នក អាច​អនុវត្ត​នៅ​នឹង​ម្រាមជើង​របស់​អ្នក​បាន​។ អ្នក​អាច​ពត់​ម្រាមជើង​របស់​អ្នក ទៅមុខ និង ទៅក្រោយ​។ ដោយ​ប្រើ​ជំនួយ​ពី​ដៃ​របស់​អ្នក អាច​ធ្វើការ​បង្វិល​ម្រាមជើង​នី​មួយៗ ជា​ចលនា​រង្វង់​ថ្នមៗ ។ វា​អាច​នឹង​ជួយ អោយ​ពួកវា មាន​ភាព​បត់បែន​បាន​ល្អ ជាង​មុន ហើយ​វា​ក៏​នឹង​អាចជួយ បង្កើន​នូវ​ចរន្តឈាម​រត់ នៅ​នឹង​ប្រអប់ជើង​នោះ អោយបាន​ប្រសើរ​ផងដែរ​។​

៣. ធ្វើការ​ម៉ាស្សា​ម្រាមជើង​របស់​អ្នក​អោយបាន​ជា​ប្រចាំ
​វិធី​ដ៏​មាន​ប្រសិទ្ធិភាព​ផ្សេងទៀត នោះ​គឺ​អ្នក​ត្រូវ​ធ្វើ​ការថែរក្សា​ប្រអប់ជើង​របស់​អ្នក ដោយ​ការជ្រើសរើស យក​ការ​ម៉ាស្សា​ម្រាមជើង និង ប្រអប់ជើង​អោយបាន​ជា​ប្រចាំ​។ អ្នក​អាច​ប្រើ​នូវ ប្រេង​ដូង ឬ ប្រេង​អូ​លីវ យក​មក​ម៉ាស្សា​ប្រអប់ជើង​អ្នក​បាន​។ វិធី​នឹង​ជួយ​កំចាត់​ស្បែក​ដែល​ជ្រាវ​ជ្រួញ ជម្រុះ​ចោល​កោសិកា​ចាស់ៗ និង ធ្វើអោយ​ស្បែកជើង​អ្នក​មាន​ពន្លឺ និង សំណើម​បាន​យ៉ាង​ល្អ​ផងដែរ​។​

៤. ធ្វើការ​ជូត​សម្ងួត​ប្រអប់ជើង​អោយ​បានស្អា​ត​ល្អ​
​មនុស្ស​ភាគច្រើន តែង​មើលរំលង​នូវ​ការ​ជូត​សម្ងួត​ស្បែក​ត្រង់​ចន្លោះ​ម្រាមជើង អោយបាន​ស្ងួត​ល្អ បន្ទាប់ពី​ពួកគេ បាន​ងូតទឹក ឬ លាង​ជើង​រួច​។ បញ្ហា​នេះ អាច​ធ្វើអោយ​វា​មាននូវ​កន្ទួល​រមាស់ និង បង្កើតបាន​ជា​ការបង្ក​រោគ​របស់​ជំងឺផ្សិត​បាន​។ ដូច្នេះ វា​ជា​ការចាំបាច់​ណាស់ ដែល​អ្នក​ត្រូវ​ធ្វើការ​ជូត​សម្ងួ​ត ស្បែក​ម្រាមជើង​របស់​អ្នក អោយ​បាន​សព្វ​ល្អ​។​

៥. ត្រូវ​ជ្រើសរើស​ស្បែកជើង​ដែល​សាក​សម​ទៅនឹង​ប្រអប់ជើង​របស់​អ្នក​
​ស្ត្រី​ភាគច្រើន​ចូលចិត្ត ជ្រើសរើស​យក​ម៉ូត​ស្បែកជើង​ដែល​ស្រស់ស្អាត ដោយ​មិន​ខ្វល់​ពី​ភាព​សុខ​ស្រួល​របស់​ប្រអប់ជើង​នោះទេ​។ វា​ជា​ការចាំបាច់ សម្រាប់​សុខភាព​ម្រាម​ជើង និង ប្រអប់ជើង​របស់​អ្នក ដូច្នេះ អ្នក​គួរ​ជ្រើសរើស​ប្រភេទ​ស្បែកជើង​ណា ដែល​អាច​ផ្តល់​ផា​សុកភាព​ដល់​អ្នក នៅពេល​ដែល​អ្នក​ពាក់​វា ។ ការពាក់​ស្បែក​ដែល​ហប់​ណែន​តឹង នឹង​ធ្វើអោយ​ជើង​អ្នក បែកញើស​ធំក្លិន​មិនល្អ និង អាច​បណ្តាលអោយ មាន​ជំងឺផ្សិត​ថែមទៀត​ផង​៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង