មិនមែនផ្លែឈើទាំងអស់សុទ្ធតែមានឥទ្ធិពលក្នុងការសម្រកទម្ងន់នោះទេ បើប្រើខុស ហើយប្រើច្រើននឹងធ្វើឱ្យឡើងទម្ងន់ហួសពីការស្មាន។
មានផ្លែឈើជាច្រើនដែលមានកាឡូរីខ្ពស់ក្នុងមួយការបម្រើតាមបរិមាណ។ ផ្លែឈើទាំងនេះច្រើនតែមានជាតិស្ករ ឬខ្លាញ់ច្រើន។ ដូច្នេះបើចង់ស្រកទម្ងន់ កុំញ៉ាំផ្លែឈើទាំង ៥ នេះឲ្យសោះ។
ល្មុត
អ្នកប្រហែលជាមិនដឹងទេថា ក្នុងផ្លែល្មុត 100g មានរហូតដល់ទៅ 83 កាឡូរី និងច្រើននៃជាតិខ្លាញ់ ប្រូតេអ៊ីន ជាតិដែក កាល់ស្យូម។ នេះគឺជាផ្លែឈើដែលមានជីវជាតិច្រើន។
ផ្លែឈើនេះក៏មានប្រសិទ្ធភាពជំរុញចំណង់អាហារផងដែរ ដូច្នេះវាស័ក្តិសមបំផុតសម្រាប់អ្នកស្គមដែលមានបំណងចង់ឡើងទម្ងន់ អ្នកដែលចង់សម្រកទម្ងន់គួរតែចៀសវាងផ្លែឈើនេះភ្លាមៗ។
គូលែន
ផ្លែគូលែនមានផ្ទុកជាតិស្ករ និងកាឡូរីខ្ពស់ណាស់ ការពិនិត្យជាច្រើនបង្ហាញថា ប្រសិនបើយើងញ៉ាំផ្លែគូលែន 10 ផ្លែ វានឹងស្មើនឹងអង្ករ 1 ចាន។
ការទទួលទានផ្លែគូលែនគឺស្មើនឹងផ្ទុកស៊ុបផ្អែមមួយពែងចូលទៅក្នុងរាងកាយ ការញ៉ាំច្រើនពេកមិនត្រឹមតែធ្វើឱ្យឡើងទម្ងន់ប៉ុណ្ណោះទេ ថែមទាំងធ្វើឱ្យរាងកាយងាយនឹងឡើងកម្តៅ និងបណ្តាលឱ្យកើតមុនទៀតផង។
ទុរេន
ទុរេន គឺជាផ្លែឈើកំពូលនៅក្នុងបញ្ជីផ្លែឈើដែលមានកាឡូរីខ្ពស់ ដែលនៅពេលទទួលទាននឹងធ្វើឱ្យទម្ងន់ឡើងបានយ៉ាងងាយ។
ដូច្នោះហើយ ទុរេន 100 ក្រាមមានប្រហែល 129-181 កាឡូរី ហើយផ្លែទុរេនខ្នាតមធ្យមក៏មានប្រហែល 357 កាឡូរីផងដែរ។
ថ្វីត្បិតតែធុរេនមានផ្ទុកជាតិខ្លាញ់ច្រើនក៏ដោយ វាពិតជាគ្មានអត្ថប្រយោជន៍សម្រាប់អ្នកដែលមានបំណងចង់សម្រកទម្ងន់នោះទេ។
ផ្លែបឺរ
ប្រាកដណាស់មនុស្សជាច្រើននឹងភ្ញាក់ផ្អើលយ៉ាងខ្លាំងដែលផ្លែបឺរដែលត្រូវបានណែនាំក្នុងរបបសម្រកទម្ងន់អាចបណ្តាលឱ្យឡើងទម្ងន់។ ជាការពិត ផ្លែបឺរទុំមួយផ្លែមានផ្ទុក 289 កាឡូរី ដែលវាមានច្រើនជាងកាឡូរីដែលមាននៅក្នុងអាហារដទៃទៀត។
ដូច្នេះប្រសិនបើយើងញ៉ាំផ្លែបឺរដោយមិនបានគ្រប់គ្រង វាប្រៀបដូចជាយើងកំពុងផ្ទុកកាឡូរីបន្ថែមច្រើនពេកទៅក្នុងខ្លួន ដែលជំរុញឱ្យទម្ងន់ឡើងយ៉ាងឆាប់រហ័ស។
ស្វាយទុំ
ផ្លែស្វាយទុំ ២០០ ក្រាមមានផ្ទុកកាឡូរីដល់ទៅ ១៤៥ កាឡូរី លើសពីនេះស្ករនៅក្នុងផ្លែស្វាយគឺខ្ពស់ណាស់ ដូច្នេះវាមិនមានអត្ថប្រយោជន៍សម្រាប់អ្នកដែលតមអាហារសម្រកទម្ងន់នោះទេ៕
