ចង់ស្រកទម្ងន់ តែឃ្លានមិនឈប់? កាហ្វេ និងអាហារ ៦មុខនេះជួយបាន

ចង់ស្រកទម្ងន់និងរក្សាបាននូវរាងស្លីមស្រស់ស្អាត ប៉ុន្តែចេះតែមានអារម្មណ៍ឃ្លានមិនឈប់មែនទេ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញពីអាហារដែលជួយគ្រប់គ្រងចំណង់អាហារ និងធ្វើឱ្យស្រកទម្ងន់ ៖

១. ត្រីសម្បូរខ្លាញ់

មានផ្ទុកសម្បូរទៅដោយប្រូតេអ៊ីននិងអាស៊ីតខ្លាញ់អូមេហ្កា ៣ ដែលជួយឱ្យអ្នកឆ្អែតបានយូរ ហើយល្អចំពោះសុខភាពទៀតផង។ ការទទួលទានត្រីសម្បូរខ្លាញ់ជាប្រចាំអាចកាត់បន្ថយហានិភ័យនៃជំងឺធាត់ជ្រុល, ជំងឺទឹកនោមផ្អែម និងជំងឹបេះដូង។

២. ផ្លែបឺរ

មិនត្រឹមតែជាប្រភពដ៏ប្រសើរនៃអាស៊ីតខ្លាញ់សុខភាពល្អប៉ុណ្ណោះទេ ប៉ុន្តែក៏មានផ្ទុក oleic acid ដែលធ្វើឱ្យអ្នកឆាប់ឆ្អែតមិនឃ្លានញ៊ាំលើសកម្រិតផងដែរ។ ការសិក្សាស្រាវជ្រាវមួយពីរដ្ឋកាលីហ្វ័រញ៉ាបានបង្ហាញថា អ្នកដែលទទួលទានផ្លែបឺរកំឡុងពេលអាហារថ្ងែត្រង់មានអារម្មណ៍ឃ្លានតិចជាង ៤០ភាគរយនៅរយៈពេល ៣ម៉ោងក្រោយញ៊ាំអាហាររួចមួយពេល។

៣. កាហ្វេ

កាហ្វេអ៊ីនក្នុងកាហ្វេជួយដុតបំផ្លាញកាឡូរីនិងបំបែកកោសិកាខ្លាញ់ ក៏ដូចជាគ្រប់គ្រងនូវចំណង់អាហារបានយ៉ាងប្រសើរ។ ប្រសិនបើអ្នកទទួលទានកាហ្វេ ៣០នាទី ទៅ ៤ ម៉ោងមុនពេលអាហារណាមួយ, វានឹងមានឥទ្ធិពលលើអារម្មណ៍នៃការឃ្លាន។ ជាធម្មតាដើម្បីអាចស្រកទម្ងន់, ការទទួលទានកាហ្វេសុទ្ធមិនលាយស្ករ ឬគ្រឿងផ្សំមានជាតិផ្អែម ២ពែង (ប្រមាណ ២០០មីលីក្រាមនៃកាហ្វេអ៊ីន) ក្នុងមួយថ្ងៃ គឺត្រូវបានណែនាំ។ ទោះជាយ៉ាងកាហ្វេអ៊ីនមិនសាកសមសម្រាប់គ្រប់គ្នាឡើង ដូច្នេះដើម្បីជាការប្រសើរចូរប្រាកដថារាងកាយរបស់អ្នកអាចទ្រាំទ្រនឹងបរិមាណនៃកាហ្វេអ៊ីនដែលត្រូវបានណែនាំ។

៤. គ្រាប់ជី

អាចស្រូបយកជាតិទឹកបានច្រើនបំផុតជួយឱ្យអ្នកឆាប់ឆ្អែតនិងផ្ដល់នូវអារម្មណ៍ឆ្អែតបានយូរ ព្រមទាំងកាត់បន្ថយចំណង់អាហារថែមទៀត។

៥. ប្រេងដូង

អ្វីទៅដែលធ្វើឱ្យប្រេងដូងខុសប្លែកពីប្រេងដទៃទៀត? នោះ គឺប្រេងដូងមានផ្ទុកអាស៊ីតខ្លាញ់ MCFAs ដែលត្រូវបានស្រូបយកដោយរាងកាយក្នុងរបៀបខុសប្លែកមួយបង្កើតបានជាឥទ្ធិពលវិជ្ជមានដល់ការដុតរំលាយអាហារ។ ជាឧទាហរណ៍, ប្រេងដូងជួយដុតបំផ្លាញកាឡូរីនិងកម្ចាត់ខ្លាញ់ក្បាលពោះ។ វាក៏មានអត្ថប្រយោជន៍ណាស់ដែរនៅពេលនិយាយដល់ការគ្រប់គ្រងចំណង់អាហារ។ ទោះជាយ៉ាងណាត្រូវចាំថា ប្រេងដូងនៅតែជាជាតិប្រេង, ដូច្នេះវាមិនត្រូវបានណែនាំឱ្យប្រើប្រាស់នៅរាល់ពេលញ៊ាំអាហារឡើយ។ វាគ្រប់គ្រាន់ហើយដែលអ្នកប្រើប្រេងដូងខ្លះជំនួសប្រេងធម្មតានៅពេលចម្អិនអាហារ។

៦. ស៊ុត

ជាប្រភពដ៏ប្រសើរនៃប្រូតេអ៊ីនដែលផ្ដល់ឱ្យអ្នកនូវអារម្មណ៍ឆ្អែត។ ការសិក្សាស្រាវជ្រាវមួយបានបង្ហាញថាប្រសិនបើនរណាម្នាក់ទទួលទានស៊ុតសម្រាប់អាហារពេលព្រឹក, នោះក្នុងថ្ងៃនេះគេនឹងទទួលទានកាឡូរីតែបន្តិចប៉ុណ្ណោះ ហើយអាចស្រកទម្ងន់ទៀតផង។

៧. តែបៃតង

មានផ្ទុកកាហ្វេអ៊ីននិងសារធាតុ catechin ដែលជួយដុតបំផ្លាញខ្លាញ់, គ្រប់គ្រងចំណង់អាហារ, ជម្រុញការដុតរំលាយអាហារ ព្រមទាំងកម្ចាត់ខ្លាញ់ក្បាលពោះ។ សម្រាប់អ្នកដែលចង់ស្រកទម្ងន់, វាត្រូវបានណែនាំឱ្យទទួលទានតែបៃតងពី ២៥០មីលីក្រាមទៅ ៥០០មីលីក្រាមក្នុងមួយថ្ងៃ។

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕