សំណើច គឺជាថ្នាំបន្សាបនូវស្ថានភាពស្ត្រេស ,ការឈឺចាប់ និង ជម្លោះបានយ៉ាងមានប្រសិទ្ធភាព។ គ្មានអ្វីដែលអាចធ្វើអោយស្ថានភាព ផ្លូចិត្ត និង ផ្លូវកាយអាចត្រលប់មក រកតុល្យភាពរបស់វាវិញបាន យ៉ាងលឿន និង ជឿជាក់បានដូចជា សំណើចដ៏ល្អមួយនោះទេ ។ភាពរីករាយ គឺបានសម្រាលដល់ បន្ទុក ការងារ, ជម្រុញនូវសេចក្តីសង្ឈឹម,ផ្សាភ្ជាប់ខ្លួនអ្នកជាមួយនឹង មនុស្សជុំវិញខ្លួន និង រក្សាអោយអារម្មណ៍ អ្នកស្រស់ស្រាយ, យកចិត្តទុកដាក់បានយ៉ាងល្អទៅនឹងអ្វីមួយ និង មានភាពស្វាហាប់។
![](https://www.health.com.kh/wp-content/uploads/2021/12/bat-dau-buoi-tap.jpg)
ជាមួយនឹងអនុភាពដ៏អស្ចារ្យ ក្នុងការព្យាបាល និង បង្កើតថាមពលឡើងវិញ សម្ថត្តភាពនៃការ សើច បានយ៉ាងងាយស្រួល និង ជាញឹកញយ គឺជាប្រភពដ៏អស្ចារ្យ ក្នុងការជំនះបាននូវរាល់ឧបសគ្គ, ធ្វើអោយ ទំនាក់ទំនងអ្នក មានភាពប្រសើរឡើង និង ជួយទ្រទ្រង់នូវស្ថានភាពសុខភាពផ្លូវកាយ និង ផ្លូវចិត្តបាន។
សំណើចគឺផ្តល់ផលល្អចំពោះសុខភាព
• សំណើច គឺជួយធ្វើអោយរាងកាយទាំងមូល ធ្វើការសម្រាកបាន។ ស្នាមញញឹម ឬ ការសើចដ៍ល្អ ដែលកើតចេញពីក្នុងអារម្មណ៍ពិតៗ គឺបានជួយសម្រាលដល់ សម្ពាធផ្នែករាងកាយ និង ស្រេ្តសបាន ដោយវាបានធ្វើអោយសាច់ដុំរបស់អ្នក សម្រាកបានដល់រយៈពេល ៤៥នាទី ។
• សំណើច ជួយធ្វើអោយប្រព័ន្ធភាពសុំាល្អប្រសើរបានជាងមុន។ សំណើច កាត់បន្ថយនូវ អរម៉ូន ស្ត្រេស និង បង្កើននូវកោសិកាភាពសុំា និង អង្គបដិបក្ខប្រឆាំងនឹងការបង្ករោគ ហេតុដូចនេះ ហើយវាអាច ធ្វើអោយអ្នកធន់នឹងជំងឺបាន ។
• សំណើច ជាគន្លឹះក្នុងការបញ្ចេញនូវអរម៉ូន អង់ដូហ្វីន ដែលវាជាសារជាតិគីមីធម្មជាតិមួយ ដែលធ្វើ អោយអ្នកមានអារម្មណ៍ល្អបាន។ អរម៉ូនអង់ដូហ្វីន គឺអាចធ្វើអោយ សុខុមាលភាពទាំង ស្រុងរបស់អ្នក មានភាពល្អប្រសើរ និង អាចបន្ថយនូវការឈឺចាប់ បានជាបណ្តោះអាសន្នផងដែរ ។
• សំណើចជួយការពារដល់ សុខភាពបេះដូង ។ សំណើច គឺធ្វើអោយមុខងារ របស់សសៃឈាមបេះ ដូង មានភាពប្រសើរឡើង និង បង្កើនដំណើរឈាមរត់ ដែលវាអាចនឹងជួយការពារអ្នក ប្រឆាំងនឹង ជំងឺគាំងបេះដូង និង បញ្ហានៃសសៃឈាមបេះដូងដទៃៗទៀត។
អត្ថប្រយោជន៍បន្ថែមទៀត
គុណសម្បតិ្តរបស់សំណើច ចំពោះសុខភាពផ្នែករាងកាយ
• ជម្រុញប្រព័ន្ធភាពសុំាអោយកាន់តែរឹងមាំ ។
• បន្ថយនូវ កម្រិតអរម៉ូននៃស្ត្រេស។
• បន្ថយការឈឺចាប់។
• ធ្វើអោយសាច់ដុំ បានសម្រាក។
• ការពារជំងឺបេះដូង ។
គុណសម្បត្តិរបស់សំណើច ចំពោះសុខភាពផ្លូវចិត្ត
• បន្ថែមភាពរីករាយ ទៅក្នុងជីវិត។
• បំបាត់នូវភាពថប់បារម្ភ និង ការភ័យខ្លាច។
• សម្រាលដល់បញ្ហាស្ត្រេស។
• ធ្វើអោយអារម្មណ៍ប្រសើរឡើង។
• ឆាប់ជាសះស្បើយពីជំងឺ។
គុណសម្បត្តិរបស់សំណើចចំពោះសង្គម
• ពង្រឹងទំនាក់ទំនងរបស់បុគ្គលម្នាក់ៗ អោយកាន់តែរឹងមាំ។
• ភ្ជាប់ទំនាក់ទំនងខ្លួនឯង ទៅអ្នកដទៃ។
• ធ្វើអោយស្ថានភាពការងារ ជាក្រុមមានភាពរីកចំរើន។
• ជួយកាត់បន្ថយជម្លោះ ។
• ធ្វើអោយការរួបរួម នៅក្នុងក្រុមកាន់តែល្អប្រសើរ ៕