ឈប់ផឹកកាហ្វេតែម្ដង អាចធ្វើឱ្យ ស្បែកឡើងមុនច្រើន និងជួបបញ្ហា ៤នេះ

មានទម្លាប់ទទួលទានកាហ្វេ ហើយស្រាប់តែចង់ផ្ដាច់វិញទាំងស្រុងតែម្ដងអាចជះផលប៉ះពាល់មួយចំនួនដល់សុខភាពស្បែក។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកមិនគួរផ្ដាច់កាហ្វេទាំងស្រុងតែម្ដង ៖

១. អាចនាំឱ្យឡើងមុនកាន់តែច្រើន

កាហ្វេជាប្រភពដ៏ប្រសើរនៃសារធាតុប្រឆាំងអុកស៊ីតកម្មនិងលក្ខណៈសម្បត្តិប្រឆាំងការរលាកដ៏មានឥទ្ធិពលល្អណាស់សម្រាប់ស្បែក។ យោងតាមការសិក្សាស្រាវជ្រាវមួយបានបង្ហាញថា ការទទួលទានកាហ្វេជាប្រចាំអាចជួយកាត់បន្ថយការរលាកដែលបង្កបញ្ហាស្បែកឡើងមុន។ វាក៏ជួយកាត់បន្ថយបញ្ហាស្បែកប្រែពណ៌ដោយសារការរលាក។

២. ពិបាកនឹងកម្ចាត់ខ្លាញ់កកក្រោមស្បែក

នេះក៏ព្រោះតែសារធាតុប្រឆាំងអុកស៊ីតកម្ម និងកាហ្វេអ៊ីនដែលបណ្ដាលឱ្យសសៃឈាមក្រោមស្បែករីកធំសម្រួលចរន្តឈាមរត់បានកាន់តែប្រសើរ។ ជាលទ្ធផលកាត់បន្ថយរូបរាងនៃខ្លាញ់ដែលកកក្រោមស្បែក។ ដូច្នេះប្រសិនបើអ្នកឈប់ញ៊ាំកាហ្វេតែម្ដងនោះអាចនឹងពិបាកកម្ចាត់ខ្លាញ់ប្រភេទនេះ។

៣. កាន់តែពិបាកនឹងប្រឆាំងជំងឺមុខក្រហម

ជំងឺមុខក្រហមជាស្ថានភាពស្បែកទូទៅបំផុតមួយដែលជះផលប៉ះពាល់ដល់មនុស្សជាច្រើន។ វាអាចមើលទៅមានទំហំតូច, ឡើងពកដូចមុនដែលតាមពិតទៅជាសសៃឈាមតូចឆ្មារក្រោមផ្ទៃនៃស្បែក។ ការទទួលទានកាហ្វេត្រឹមតែ ២ ពែងក្នុងមួយថ្ងៃក៏ជួយទប់ស្កាត់ស្បែកពីជំងឺមុខក្រហមបានយ៉ាងប្រសើរផងដែរ។

៤. កាន់តែពិបាកកម្ចាត់ស្នាមរង្វង់ខ្មៅជុំវិញភ្នែក

កាហ្វេអ៊ីនមានឥទ្ធិពលលើសសៃឈាមដែលរួមចំណែកស្នាមរង្វង់ខ្មៅជុំវិញភ្នែកធ្វើឱ្យវាមើលលែងសូវឃើញ។

៥. ស្បែកអាចឆាប់ចាស់ជាងវ័យ

ពិតណាស់ការទទួលទានកាហ្វេច្រើនពេកអាចបណ្ដាលឱ្យស្បែកខ្សោះជាតិទឹក ប៉ុន្តែវាក៏អាចជួយការពារស្បែកមិនឱ្យទទួលរងការបំផ្លាញដោយសារកម្ដៅថ្ងៃផងដែរ។ អ្នកសិក្សាស្រាវជ្រាវ ១ក្រុមបានធ្វើស្ថិតិលើស្ត្រីច្រើនជាង ១០០នាក់បានរកឃើញថា អ្នកទទួលទានកាហ្វេមិនងាយនឹងជួបប្រទះបញ្ហាស្នាមអ៊ុចដោយសារកម្ដៅថ្ងៃ។

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕