ក្អក​ឈាម​ជា​សញ្ញា​គ្រោះថ្នាក់​មួយ​ដែល​តម្រូវ​អោយ​មាន​ការ​ជួយ​សង្គ្រោះបន្ទាន់​។​ជាដំបូង​យើង​ត្រូវ​ដឹង​អំពី​បរិមាណ​ឈាម​ដែល​បាន​ធ្លាក់ ,​តាម​ការសិក្សា​គេ​អាចបែងចែក​ការ​ក្អក​ធ្លាក់​ឈាមជាៈ​

  1. ​ធ្លាក់ឈាម​បរិមាណ​តិចតួច ៖​កំហាក​មាន​លាយ​ឈាម​ប្រាៗ តិចជាង ៥០​មល ក្នុង​២៤​ម៉ោង​
  2. ធ្លាក់ឈាម​បរិមាណ​មធ្យម ៖ កំហាក​មាន​លាយ​ឈាម​ច្រើនជាង ៥០​មល ក្នុង​២៤​ម៉ោង​
  3. ​ធ្លាក់ឈាម​បរិមាណ​ច្រើន ៖ មាន​ធ្លាក់ឈាម​ក្នុង​ត្រឹមតែ ២០០​មល​តែ​១​ដង ឬ លើសពី​២០០​មល ក្នុង​២៤​ម៉ោង​

​ក្នុងការ​អនុវត្ដ​ន៏​ជាក់ស្ដែង​គ្រប់​បរិមាណ​ឈាម​ដែល​គំរាម​ដល់​ជោគវាសនា​នៃ​ជីវិត​។​

​មូលហេតុ​

​មាន​មូលហេតុ​ជា​ច្រើន​ជាង ១០០ ដែល​អាច​ធ្វើអោយ​មាន​កា​រ​ក្អក​ធ្លាក់​ឈាម​នេះ​។​ប៉ុន្ដែ​ខាង ក្រោម​នេះ​ជា​មូលហេតុ​ដែល គេ​ឃើញ​មាន​ញឹកញាប់​។​

  1. ​មាន​ដុំ​សាច់​នៅ​ទងសួត ៖ ដុំ​កាច , ដុំ​ស្លូត​…
  2. ការរីក​នៃ​ទង​សួតៈ ការបង្ក​រោគ​ទងសួត​-​សួត រាំ​រ៉ៃ​…
  3. ​ការបង្ក​រោគ ៖ របេង​សួត​, ទន្ទ្រាន​ពពួក​ផ្សិត​នៅ​សួត​…
  4. ការប៉ះទង្គិច ៖ ការបាក់​ឆ្អឹងជំនី​, របួស​គ្រាំ​ឈាម​ក្នុង​ដើមទ្រូង​…
  5. ​ប្រភព​ពី​ស​សៃឈាម ៖ ភាព​មិន​ធម្មតា​របស់​សរសៃឈាម​អាទែ​-​វ៉ែន​…
  6. ​ភាពមិនធម្មតា​នៃ​បេះដូង​-​ស​សៃឈាម ៖ ការរួម​ចង្អៀត​ប្រឺស​មី​ត្រាល់​បេះដូង​…
  7. ​ការ​រលាក​ឈាម ៖ ជំងឺ តា​កា​យាសឹ​…
  8. ​ភាពមិនធម្មតា​សរសៃ​ឈាម​នៅ​ទងសួត ៖ អេម៉ង់ស្យូម​ស​សៃឈា​ម​អាទែ​ទងសួត​…

​វិធី​ព្យាបាល​

  ​យើង​អាច​ប្រើ​វិធី​ព្យាបាល​ងាយៗ​ដូចខាងក្រោម ៖

  1. អោយ​អ្នកជំងឺ​សំរាក​នៅ​ស្ងៀម ពុំ​មាន​ធ្វើ​ចលនា​ណាមួយ​
  2. ​ត្រូវ​ឱ្យ​អ្នកជំងឺ​ស្ថិតក្នូង​ស្ថានភាព​ពាក់កណ្ដាលអ​ង្គុយ​
  3. ​ចាំបាច់​ត្រូវ​អោយ​ថ្នាំ​ទប់ ឬ បំបាត់​ក្អក​
  4. ​ស្អំ​ទឹកកក​នៅ​នឹង​ដើមទ្រូង​

​តែ​ជា​ទូទៅ​បើកាលណា​ក្អក​ធ្លាក់ឈាម​លើសពី ៥០​មល ទោះ​ក្នុង​ស្ថានភាព​ណាក៏ដោយ ត្រូវ​ប្រញាប់​ទៅ​ជួប​វេជ្ជ បណ្ឌិត ជំនាញ និង មន្ទី​ពេទ្យ​បង្អែក​ណាមួយ​ដែល​នៅ​ជិត ហើយ​មាន​ឧបករណ៏​សង្គ្រោះ​គ្រប់គ្រាន់ ។​

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង