ប្រទាលកន្ទុយក្រពើគឺជាសារធាតុសំណើមសម្រាប់ស្បែក ព្រោះវាមានផ្ទុកជាតិសំណើម។ វាអាចប្រើជាប្រេងបន្ទន់សក់ ដែលវាអាចជួយរក្សាជាតិសំណើមឱ្យសក់និងជួយព្យាបាលអង្គែ។ អ្នកអាចបង្កើតប្រេងបន្ទន់សក់ដែលផ្សំពីប្រទាលកន្ទុយក្រពើ, ក្រូចឆ្មារ និងប្រេងមួយចំនួនបានដោយខ្លួនឯង ដោយចំណាយអស់ប្រាក់តិចជាងការទិញផលិតផលលើទីផ្សារ។
គ្រឿងផ្សំដែលត្រូវការ៖
-ក្រូចឆ្មារមួយផ្លែ
– ប្រទាលកន្ទុយក្រពើ ១/៤ ពែង
– ចានគោម
– ប្រេង
– ស្លាបព្រា
១. វិធីផ្សំប្រេងបន្ទន់ពីប្រទាលកន្ទុយក្រពើ
- ច្របាច់ទឹកក្រូចឆ្មារមួយចំហៀងដាក់ចូលក្នុងចានគោម។
- លាយប្រទាលកន្ទុយក្រពើ ១/៤ ពែង ជាមួយទឹកក្រូចឆ្មារ។
- ដាក់ប្រេង ៣ ទៅ ៤ តំណក់ លាយជាមួយប្រទាលកន្ទុយក្រពើនោះ។ ប្រេងទាំងនេះជួយផ្តល់ក្លិនក្រអូបដល់សារធាតុបន្ទន់។
២. វិធីប្រើប្រេងបន្ទន់សក់ផ្សំពីប្រទាលកន្ទុយក្រពើ
- លាងសក់របស់អ្នកឱ្យស្អាតជាមួយសាប៊ូ។
- លាបប្រេងបន្ទន់លើសក់របស់អ្នក ដោយយកចិត្តទុកដាក់ត្រង់គល់សក់និងស្បែកក្បាល។
- ទុករយៈពេល ៣ ទៅ ៥ នាទី បន្ទាប់មកលាងទឹកឱ្យស្អាត។