ឥឡូវនេះអ្នកប្រហែលជាមានអាយុខ្ទង់ ៣៥ឆ្នាំហើយ ព្រមទាំងចាប់ផ្តើមសម្គាល់ឃើញរោគសញ្ញាដំបូងនៃភាពចាស់ទៀតផងដូចជា ស្បែកមានលក្ខណៈស្តើង និងមានស្នាមជ្រួញតិចតួចដែរ។ ស្បែកប្រហែលជាចាប់ផ្តើមមានលក្ខណៈស្ងួតក្រោយពីលាបផលិតផ្តល់សំណើមខ្លាំងបំផុតរួច។ ស្នាមអ៊ុចៗពេលចាស់ និងការបែកសរសៃឈាមក៏មិនព្រមបាត់ទៅវិញទៀត។ ភាពជ្រីវជ្រួញដំបូងរបស់អ្នកកំពុងតែចាប់ផ្តើមកើតមាននៅពេលអ្នកឆ្លុះកញ្ចក់ហើយ តើមែនទេ?
មុនពេលអ្នកចាប់ផ្តើមព្រួយបារម្ភ អ្នកត្រូវតែដឹងថា ភាពចាស់របស់ស្បែក និងភាពជ្រីវជ្រួញគឺជាដំណើរការធម្មតារបស់រាងកាយទេ។ តាមពិត ស្បែកគឺជាសរីរាង្គដំបូងគេដែលបង្ហាញអំពីភាពចាស់របស់អ្នក។
ឥទ្ធិពលទាំងអស់នេះច្រើនតែបណ្តាលមកពីកត្តាពីរយ៉ាងដែលទាក់ទងនឹងការចាស់បែបធម្មជាតិ នោះគឺ ស្រទាប់ស្បែកខាងក្រៅគេបង្អោះកំពុងតែមានសភាពស្តើង និងលំហូរឈាមនៅស្បែកថយចុះ។ អ្វីដែលមានឥទ្ធិពលដល់រឿងនេះបានមានដូចជា ការប៉ះពាល់នឹងពន្លឺព្រះអាទិត្យច្រើនពេក, ការជក់បារី, គ្រឿងស្រវឹង និងរបបអាហារមិនផ្តល់សុខភាព។
មនុស្សភាគច្រើនជឿថា ភាពចាស់របស់ស្បែកគឺជារឿងដែលមិនងាយនឹងចៀសផុត ហើយក៏មិនបាច់ថែទាំច្រើនពេកដែរ។ ទោះបីជាយ៉ាងនេះក្តី អ្វីដែលអ្នកត្រូវតែដឹងនោះគឺថា ការផ្លាស់ប្តូររបៀបរស់នៅតិចតួច និងការថែទាំនូវអ្វីដែលអ្នកស្រឡាញ់មួយចំនួនបាន អ្នកពិតជាអាចធ្វើអោយខ្លួនឯងមើលទៅនៅក្មេងរហូត។ ដើម្បីអាចជួយអោយអ្នកដើរលើផ្លូវត្រឹមត្រូវបាន យើងមានវិធីសាស្ត្រមួយចំនួនតូចដែលអ្នកគួរតែធ្វើតាមដើម្បីស្បែកកាន់តែមើលទៅក្មេងទៅៗ។
ចៀសវាងការប៉ះពាល់នឹងពន្លឺព្រះអាទិត្យច្រើនពេក
នេះហើយគឺជាមូលហេតុលេខមួយធ្វើអោយស្បែកមនុស្សមានភាពជ្រីវជ្រួញ ដូច្នេះ ចូរការពារស្បែកអ្នកពីកាំរស្មីពន្លឺព្រះអាទិត្យដំបូងគេបង្អោះដោយកុំចេញក្រៅផ្ទះក្នុងពេលដែលព្រះអាទិត្យកំពុងតែក្តៅខ្លាំង។ ទីពីរ ចូរមានទម្លាប់លាបឡេការពារកម្តៅព្រះអាទិត្យដែលមានចំនួន SPF គ្រប់គ្រាន់ និងល្អគ្រប់ពេលចេញទៅក្រៅផ្ទះ។ ចូរលាបឡេអោយបានយ៉ាងហោចណាស់ ២០ ទៅ៣០នាទីមុនពេលឈានជើងចេញពីផ្ទះ និងលាបម្តងទៀតជារៀងរាល់ពីរបីម៉ោងម្តង។
ទទួលទានទឹកអោយបានច្រើន
ការកង្វះជាតិទឹកគឺជាមូលហេតុទីពីរហើយដែលនាំអោយមានភាពជ្រីវជ្រួញខ្លាំង។ ដើម្បីទទួលបានសំណើម និងភាពយឺតលើស្បែកបាននោះ អ្នកត្រូវតែផ្គត់ផ្គង់ជាតិទឹកដល់ស្បែកអោយបានគ្រប់គ្រាន់។ បើសិនជាមិនអាចទេនោះ កោសិការនឹងចាប់ផ្តើមបាត់បង់ភាពយឺត និងកើតជាភាពជ្រីវជ្រួញជាមិនខាន។
ឈប់ជក់បារី
ក្រៅពីមានជំងឺជាច្រើនកើតឡើងដោយសារតែការជក់បារីនោះ វាក៏ធ្វើអោយស្បែកអ្នកឆាប់ចាស់បានដែរ ដោយសារតែមានការកាត់បន្ថយឈាម និងជីវជាតិទៅចិញ្ចឹមស្បែក ព្រមទាំងធ្វើអោយស្បែកបាត់បង់ភាពយឺត និងសំណើម។
ដេកអោយបានគ្រប់គ្រាន់
នៅពេលអ្នកដេកមិនបានគ្រប់គ្រាន់ រាងកាយនឹងផលិតអ័រម៉ូន Cortisol កាន់តែច្រើន ដូច្នេះវានឹងទៅធ្វើអោយខូចកោសិការស្បែកបាន។ ប៉ុន្តែកាលណាដេកបានគ្រប់គ្រាន់ អ្នកនឹងផលិតអ័រម៉ូនលូតលាស់កាន់តែច្រើន ដែលអាចជួយអោយស្បែកនៅតែមានសភាពក្រាស់, យឺតកាន់តែខ្លាំង និងមិនសូវមានភាពជ្រីវជ្រួញទៀត។
ដេកផ្ងារ
អ្នកក៏គួរតែយកចិត្តទុកដាក់ទៅលើរបៀបនៃការដេកដែរ។ ការដេកចំហៀងនឹងធ្វើអោយមានក្លែបជ្រីវជ្រួញ នេះដោយសារតែស្បែកនឹងសង្កត់លើគ្នា។ សម្រាប់អ្នកដែលដេកផ្កាប់មុខវិញ ច្រើនតែមានស្នាមនៅកញ្ចឹងក, មុខ និងទ្រូង ដោយសារតែសង្កត់លើខ្នើយ។ ដើម្បីបន្ថយភាពជ្រួញ គួរតែដេកផ្ងាអោយបានច្រើនតាមតែអាចធ្វើបាន។
ញ៉ាំអាហារផ្តល់សុខភាព
ខណៈពេលដែលរឿងនេះគួរតែក្លាយទៅជារឿងជាក់ស្តែងសម្រាប់មនុស្សគ្រប់គ្នានោះ យកល្អគួរតែធ្វើវាអោយបានទៅ។ ចូរញ៉ាំអាហារដែលសម្បូរវីតាមីនពីបន្លែ និងផ្លែឈើស្រស់ៗ ព្រមទាំងគ្រាប់ធញ្ញជាតិផង ព្រោះវាសុទ្ធតែជាអាហារទប់ស្កាត់ភាពចាស់៕