Join with Health.com.kh on Telegram

បញ្ហា​ស្បែក​ដែល​កើតមាន​ជាទូទៅ​បំផុត​សម្រាប់​ទាំង​បុរស និង​ទាំង​ស្ត្រី​គឺ​ការកើត​មុន​ដែល​កើតមាន​នៅ​លើ​មុខ ទ្រូង ខ្នង ក និង​ស្មា​។ មនុស្ស​ភាគច្រើន​កើតមុន​នៅ​លើ​ផ្ទៃមុខ​ដោយសារ តែ​វា​គឺជា​ផ្នែក​មួយ​នៃ​រាងកាយ​ដែល​មាន​ការ​ប៉ះ​នឹង​អ្វីៗ​ច្រើនជាងគេ ប៉ុន្តែ​មនុស្ស​ជាច្រើន​ក៏​មាន​មុន​នៅ​លើ​រាងកាយ​ផងដែរ​។ ខាងក្រោម​នេះ​ជា​វិធី​មួយចំនួន​ដែល​អាច​ការពារ​មិនអោយ​មាន​ការ​កើតមុន​បាន ដែល​វិធី​ទាំងនោះ​មាន​ដូចជា​៖

  • លាងមុខ​ថ្នមៗ​រ​ជាមួយនឹង​គ្រឿ​លាង​សម្អាត​កម្រិត​ស្រាលៗ ម្តង​នៅ​ពេល​ព្រឹក និង ម្តង​នៅ​ពេល​ល្ងាច និង​បន្ទាប់​ពី​ការធ្វើ​លំ​ហាត់ប្រាណៈ លាងមុខ​ចាប់ពី​ខាងក្រោម​ថ្គាម ទៅ​ទល់​នឹង​ជើងសក់ និង​លាង​ជ​ម្រៈ​ស្បែក​មុខ​។ សូម​ស្នើរ​គ្រូពេទ្យ​សម្រាប់​ការផ្តល់​ដំបូន្មាន​លើ​ប្រភេទ​នៃ​គ្រឿង​សម្អាត​មុខ​ដែល​ល្អ​បំផុត​សម្រាប់​អ្នក​។​
  • កុំ​ប្រើ​សាប៊ូ​សម្អាត​រាងកាយ​ដែល​ខ្លាំងពេកៈ ការប្រើ​សាប៊ូ​ដែល​ខ្លាំងពេក ឬ​សំណាញ់​ដុស​ខ្លួន​រឹង​ពេក​អាច​នឹង​ធ្វើអោយ​ការ​កើតមុន​កាន់តែ​ធ្ងន់ធ្ងរ​។ វា​គឺជា​ការ​សំខាន់​ដែល​រក្សា​សក់​របស់​អ្នក​អោយ​ស្អាត​ជា​និច្ច​។ ប្រសិនបើ​អ្នក​មាន​សក់​មាន​សភាព​មាន​ខ្លាញ់​ខ្លាំង​អ្នក​គួរតែ​កក់សក់​ជា​រៀងរាល់ថ្ងៃ​។​
  • ចៀសវាង​ការ​កាន់​ស្បែក​ញឹកញាប់​ពេក​។​
  • ចៀសវាង​ការញ៉ីច និង​ការប៉ះពាល់​លើ​មុន​។ ការ​ច្របាច់ ឬ​ប៉ះ​អាច​នាំអោយ​មាន​ស្នាម ឬ​ឡើង​ខ្មៅ​ដុំៗ​។​
  • ព្យាយាម​ប្រើ​ឡា​ម​កោ​ពុកមាត់​ប្រភេទ​ផ្សេងៗ​គ្នា ទាំង​ប្រើ​អគ្គីសនី និង​ប្រើ​ដៃ​ដើម្បី​ស្វែងរក​ប្រភេទ​ណាមួយ​ដែល​ល្អ​សម្រាប់​អ្នកៈ នៅពេល​ដែល​អ្នក​ប្រើ​ឡា​ម​កោ​ដោយ​ដៃ​ត្រូវ​ប្រាកដ​ថា​ឡា​ម​គឺ​មុត​ល្អ និង​បន្ទន់​ពុកចង្ការ​របស់​អ្នក​យ៉ាង​ហ្មត់ចត់​ជាមួយ​សាប៊ូ និង​ទឹក មុន​ពេល​ដាក់​ក្រែម​ប្រើ​សម្រាប់កោ​។ កោ​ថ្នមៗ និង​យឺតៗ​ព្រោះ​វា​ជា​ការចាំបាច់​ដើម្បី បន្ថយ​ហានិភ័យ​នៃ​ការឆ្លង​មេរោគ​។​
  • សម្រាកៈ ភាព​តានតឹង​អាច​រួមចំណែក​ដល់​ការកើត​មុន​ផងដែរ ដូច្នេះ​ប្រសិនបើ​អ្នក​តែង តែ​ព្រួយបារម្ភ​អំពី​វា នោះ​វា​នឹង​កាន់តែ​ឡើង​អាក្រក់​។ ទុក​រឿង​កើត​មុន​របស់​អ្នក​ទៅ​មួយ​ឡែក​សិន វា​មិនមែន​ជា​ការសំខាន់​ក្នុង​ការបំបាត់​នោះទេ​៕