បើយើងមិនគិតអំពីភេទ និងអាយុ យើងទាំងអស់គ្នាសុទ្ធតែអាចងាយនឹងមានបញ្ហាសក់ជ្រុះបានទាំងអស់។ ដូច្នេះដើម្បីបង្ការកុំអោយមានបញ្ហានេះកើតឡើង អ្នកត្រូវតែមានការថែទាមសុខភាពបានអោយល្អជាមួយនឹងការយកចិត្តទុកដាក់លើស្បែកក្បាល និងសក់។
របបអាហារ និងអាហារូបត្ថម្ភ
ជំហានដំបូងដើម្បីបង្ការកុំអោយសក់ជ្រុះគឺត្រូវមានការយល់ដឹងអំពីរាល់អ្វីៗទាំងអស់ដែលអ្នកញ៉ាំ និងញ៉ាំមិនបាន។ តើអ្នកកំពុងតែទទួលបានវីតាមីន A, Bកំផ្លេច, C និង Eគ្រប់គ្រាន់ដែរទេក្រៅពីប្រូតេអ៊ីន, កាលស្យូម, ស័ង្គសី និងជាតិដែក? ចូរពិគ្រោះជាមួយអ្នកជំនាញខាងអាហារូបត្ថម្ភដែលអាចជួយអ្នករៀបចំរបបអាហារមួយដែលនឹងអាចអោយអ្នកទទួលបានជីវជាតិសំខាន់ៗទាំងនេះទៅតាមតម្រូវការរាងកាយ និងដើម្បីអោយសក់ក្បាលទាំងមូលមានសុខភាពល្អ។ ជាធម្មតា សម្រាប់មនុស្សម្នាក់ដែលមានរូបរាង្គសមសួន ការញ៉ាំទឹកដោះគោ និងស៊ុតនៅពេលព្រឹក ក្រោយមកញ៉ាំសាច់សុទ្ធ និងបន្លែនៅពេលថ្ងៃត្រង់គួរតែផ្តល់ជាជីវជាតិច្រើនហើយ។ បន្ទាប់មក ចំពោះអាហារសម្រន់គួរតែមានគ្រាប់ធញ្ញជាតិ និងផ្លែឈើ។ ចំពោះអាហារពេលយប់វិញ បន្លែពណ៌ចម្រុះ និងស្រួយល្អ ព្រមទាំងសាច់សុទ្ធតិចតួចផងដែរនោះគួរតែជារឿងគួរអោយកើតមាន។ ចូរបន្ថែមការទទួលទានទឹកអោយបានច្រើនដើម្បីអោយច្បាស់ថាអ្នកទទួលបានជាតិទឹកគ្រប់គ្រាន់។
កាហ្វេអ៊ីន, ស្រា និងជាតិនីកូទីន
មេបង្កបញ្ហាទាំងបីនេះគួបផ្សំនឹងស្ត្រេសទៀតនោះពិតជាអាចកំណត់បានថាផ្តល់ផលអាក្រក់ដល់សក់របស់អ្នកហើយ។ ជាតិកាហ្វេអ៊ីន, ស្រា និងបារីច្រើនតែធ្វើអោយមានស្បែកក្បាលមិនល្អកើតមានបាន។ មួយវិញទៀត អ្នកគួរតែមានហេតុផលមួយសម្រាប់លុបបំបាត់ទម្លាប់ស្ត្រេសចោលទៅ។
ស្ត្រេស
ស្ត្រេសគឺជាមូលហេតុដ៏សំខាន់បំផុតក្នុងការធ្វើអោយសក់ជ្រុះ។ ជាពិសេស បើសិនជាអ្នកមានបញ្ហាហ្សែនពីកំណើតហើយនោះ ស្ត្រេសនឹងច្បាស់ជាធ្វើអោយអ្នកប្រឈមនឹងវាកាន់តែខ្លាំងថែមទៀត។ ចូរធ្វើយ៉ាងណាកុំអោយមានស្ត្រេសអោយសោះតាមរយៈការតាំងសមាធិជាទៀងទាត់, ការរីករាយនឹងជីវិតក្នុងសង្គមប្រកបដោយសុខភាព នងិស្វែងរកពេលវេលាដើម្បីមានការបង្កើតអ្វីៗឡើងវិញ។
ហាត់ប្រាណ
លំហូរឈាមដ៏ល្អច្បាស់ជាមូលហេតុធ្វើអោយសក់រឹងមាំហើយ។ ការហាត់ប្រាណរយៈពេល ៣០នាទីរាល់ថ្ងៃនឹងអាចជួយដល់រឿងនេះបាន។
ការថែទាំ
នៅពេលដែលមានសុខុមាលផ្នែកខាងក្នុងមានលក្ខណៈច្បាស់លាស់ហើយ យើងត្រូវតែធ្វើការថែទាំសក់របស់យើងពីខាងក្រៅបន្ថែមទៀត។ ចូរចៀសវាងការប្រើសាប៊ូ និងក្រែមអប់សក់ដែលមិនល្អ។ បើសិនជាអ្នកមិនអាចរកបាននូវជម្រើសសាប៊ូមានកម្រិតតិចតួចទេ សាប៊ូសម្រាប់ទារកអាចជួយដោះស្រាយបាន។ ទោះបីជាយ៉ាងណាក៏ដោយ បើសិនជាអ្នកចំណាយពេលច្រើននៅជាមួយធូលីដី និងផ្សែងពុល វាប្រហែលជាមិនអាចលាងសម្អាតសក់ដែលអាចខូចខាតនោះបានយ៉ាងល្អទេ។ ចូរប្រយ័ត្នថាមិនត្រូវប្រើសាប៊ូច្រើនពេកទេបើសិនជាអ្នកកំពុងតែប្រើផលិតផលណាមួយជាទៀងទាត់ ជាក់ស្តែងដូចជាផលិតផលធ្វើស្តាយសក់ជាដើម ព្រោះវាមានសារធាតុគីមីរបស់វាដែរ។ ចំពោះបុរសគួរតែស្វែងរកផលិតផលបែបក្រមួនឃ្មុំដែលសុទ្ធល្អដើម្បីផ្តល់ជាសំណើមដល់សក់។ ស្ត្រីគួរតែចៀសវាងការប្រើស្ព្រាយ។ ចូរប្រើប្រេងធម្មជាតិដើម្បីចិញ្ចឹមសក់ ហើយមនុស្សទាំងពីរភេទមិនត្រូវប្រើវិធីលាបថ្នាំពណ៌សក់ទេ។
អ័រម៉ូន
បើសិនជាអ្នកមានបញ្ហាដោយសារតែអតុល្យភាពអ័រម៉ូនកាលពីមុន ឬបុរសមានបញ្ហា Androgenic Alopecia ដែលកើតមានទាំងគ្រួសារតែម្តងនោះ អ្នកគួរតែទៅពិគ្រោះជាមួយគ្រូពេទ្យអោយបានលឿនបន្តិចមុនពេលរោគសញ្ញាជ្រុះសក់ចាប់ផ្តើមកើតមាន។ គ្រូពេទ្យនឹងអាចផ្តល់ជាដំបូន្មានបានបើសិនជាវាកើតមានក្នុងករណីរបស់អ្នកដើម្បីកុំអោយមានបញ្ហាសក់ជ្រុះនៅពេលក្រោយ៕