Join with Health.com.kh on Telegram

 វា​អាច​ធ្វើបាន ដោយ​អ្នក​មិន​ចាំបាច់​នឹង​ត្រូវការ ឈុត​នៃ​ជក់​សម្រាប់​ការតុបតែង​មុខ​, ប្រដាប់​លាប​ពណ៌​នៅលើ ត្របកភ្នែក និង សម្ភារ​:​សម្រាប់​តុបតែង​មុខ ដើម្បី​លាប​ពណ៌​ស្រមោល​ភ្នែក​របស់​អ្នក​អោយ​បាន​ត្រឹមត្រូវ​នោះ​ទេ ។​ប្រសិនបើ​អ្នក​មិនមាន សម្ភារ​:​ដែល​អ្នកត្រូវការ ឬ ថា​ពួក​វា​មាន​តំលៃ​ថ្លៃ​ពេក​សម្រាប់​អ្នក នោះ​អ្នក​នៅ​តែ​អាច អនុវត្ត វា​បាន​យ៉ាង​សាមញ្ញ ។​
 

  • តែងតែ​ចាំ​ផ្តើម ដោយ​ការ​លាបម្ស៉ៅ​ទ្រនាប់​។ ម្ស៉ៅ​ទ្រនា​ប់ផ្តល់​អោយ​អ្នក នូវ​មូលដ្ឋាន​គ្រិះ​ដ៏​ល្អ មុន​នឹង​អ្នក ចាប់ផ្តើម​ផាត់មុខ​។ អ្នក​មិន​ត្រូវ​ផា​ត់វា ច្រើន​ជ្រុល​ពេក​នោះ​ទេ តែ​យ៉ាងណាក៏ដោយ អ្នក​ត្រូវ​រក្សា​វា អោយ មាន​ភាព​ភ្លឺ​ថ្លា និង មាន​ពណ៌​ស្រាល ។​
  •  បន្ទាប់មក ចាប់ផ្តើម​លាបម្ស៉ៅ​ពណ៌​ភ្នែក ជា​លើកដំបូង នៅ​លើ​ត្របកភ្នែក​របស់​អ្នក ចាប់ពី​រោមភ្នែក ដល់ គល់​ចិញ្ចើម​។ ការ​ផាត់​ស្រទាប់​ដំបូង​នេះ អាច​នឹង​ជួយ​អោយ ពណ៌​នៃ​ស្រមោល​ភ្នែក​អ្នក ជាប់​បាន​យូរ និង កាត់បន្ថយ​នូវ ស្លាកស្នាម​នៃ​ការ​ផាត់ម្ស៉ៅ​ជា​ប្រចាំ​ថ្ងៃ ។​
  •  ប្រើ​ម្ស៉ៅ​ផាត់​ពណ៌​ភ្នែក លាប​នៅក្នុង​ទំរង់​ជា​មធ្យម ចាប់ពី​រោមភ្នែក ដល់ កៀន​ត្របកភ្នែក​ផ្នែក​ខាងក្រៅ ។​
  •  ប្រើ​ខ្មៅ​ដៃគូ​ត្រេភ្នែក ដើម្បី​គូរ​ភ្នែក​របស់​អ្នក​អោយ​ឌិ​ត និង​អោយ​នៅលើ​រោមភ្នែក​ផ្នែក​ខាងលើ​បន្តិច ។ ចាប់ ផ្តើម​គូរ​វា​ចេញពី គល់​ភ្នែក​ចំហៀង​ផ្នែក​ខាងក្នុង ចេញ​មក​ចុង​កន្ទុយភ្នែក​ផ្នែក​ខាងក្រៅ​យឺតៗ ។​
  •  ប្រើ​ជក់​ផាត់ និង ផាត់​វា​ទៅ​លើ​តំបន់ ដែល​អ្នក​បាន​គូរត្រេ​ភ្នែក ដើម្បី​អោយ​គូល័រ​ភ្នែក​បាន​សាយ​បន្តិ​ចឡើង​ដើម្បី​ធ្វើអោយ​ភ្នែក​របស់​អ្នក មើលទៅ​ឃើញ​ធំ អ្នក​អាច​លាប​ពណ៌​ស្រមោល​ភ្នែក​រាង​ខ្មៅ​បន្តិច នៅលើ​ចំហៀង​ផ្នែក ខាងក្រៅ​នៃ​ត្របកភ្នែក​របស់​អ្នក ។​
  • នៅ​លើ​ទំរង់​នៃ​រោមចិញ្ចើម អ្នក​អាច​ប្រើ​ពណ៌​ស្រាល ផាត់​ហាយ​ឡាយ​ទៅលើ ភ្នែក​របស់​អ្នក និង ធ្វើអោយ ពួក​វា​មើលទៅ​ភ្លឺ​ចាំងចែង និង ស្រស់ស្អាត ។​
  • អ្នក​ក៏ត្រូវ​លាប ពណ៌​ស្រមោល​ភ្នែក​ស្រាលៗ ចាប់ពី​រោមភ្នែក​របស់​អ្នក ដល់​ចំហៀង​ផ្នែក​ខាងក្រៅ​នៃ​ភ្នែក នៅ​ចំ​ចំណុចកណ្តាល នៃ​ត្របកភ្នែក ។​
  • អ្នក​អាច​លាយ​ពណ៌​នៅត្រង់ ត្របកភ្នែក​បន្តិច ដូច្នេះ​វា​នឹង​មិន​មើល​ទៅ​ឃើញ​ស្នាម​ឌិ​ត​ខ្មៅ​ពេក​នោះទេ ។​
  • នៅ​ចុង​ក្រោយ អ្នក​អាច​លាប​ម៉ា​ស្កា​រ៉ា ទៅលើ​រោមភ្នែក ផ្នែក​ខាងលើ និង ខាង​ក្រោម​ដើម្បី​ទទួល បាន​នូវ សម្រស់​ដ៏​គួរអោយ​ទាក់ទាញ ៕