ថ្វីត្បិតតែត្រីជាអាហារដែលមានជីវជាតិក៏ដោយ ប្រសិនបើស្ត្រីមានផ្ទៃពោះបរិភោគត្រីខាងក្រោមនេះ វាមិនល្អសម្រាប់សុខភាពនោះទេ។ មិនត្រឹមតែប៉ុណ្ណោះ វាក៏ប៉ះពាល់ដល់សុខភាពទារកផងដែរ។
ជៀសវាងការទទួលទានសាស៊ីមី
សាស៊ីមី (Sashimi) គឺជាមុខម្ហូបដ៏ឈ្ងុយឆ្ងាញ់ ជាមួយនឹងរសជាតិទន់ ដែលមនុស្សជាច្រើនចូលចិត្ត។ ប៉ុន្តែសម្រាប់ស្ត្រីមានផ្ទៃពោះគួរចៀសវាងការទទួលទានអាហារឆៅ។
ទោះបីជា សាស៊ីមី ត្រូវបានសម្រិតសម្រាំង និងសម្អាតក៏ដោយ ក៏ពួកវានៅតែជាអាហារឆៅ ហើយនៅតែអាចផ្ទុកបាក់តេរី ប៉ារ៉ាស៊ីត ជាដើម។ សារធាតុទាំងនេះមានហានិភ័យជាច្រើនដែលអាចប៉ះពាល់ដល់សុខភាពរបស់ស្ត្រីមានផ្ទៃពោះ និងទារកក្នុងផ្ទៃ។ ក្រៅពីនេះ ស្ត្រីមានផ្ទៃពោះទទួលទានសាស៊ីមីក៏ងាយធ្វើឲ្យរាគដែរ។ ដូច្នេះ យកល្អស្ត្រីមានផ្ទៃពោះគួរនៅឆ្ងាយ។
ត្រីងៀត
ត្រីងៀត តែងត្រូវប្រឡាក់ជាមួយអំបិលច្រើន ដើម្បីសម្រួលដល់ការរក្សាទុក។ ដូច្នេះត្រីងៀតមិនស័ក្តិសមសម្រាប់ស្ត្រីមានផ្ទៃពោះទេ ជាពិសេសអ្នកដែលមានបញ្ហាហើមពោះ និងសម្ពាធឈាមដោយសារការមានផ្ទៃពោះ។
ក្រៅពីនេះ ក្នុងដំណើរការអំបិល ត្រីនឹងផលិតសារធាតុផ្សំយ៉ាងច្រើនដែលមិនល្អសម្រាប់សុខភាព។ សម្រាប់មនុស្សធម្មតាអាចមិនអីទេ ប៉ុន្តែសម្រាប់ស្ត្រីមានផ្ទៃពោះក្រោយពេលញ៉ាំអាហារអាចប៉ះពាល់ដល់ការវិវត្តន៍របស់ទារកយ៉ាងធ្ងន់ធ្ងរ។
ក្បាលត្រី
មនុស្សជាច្រើនគិតថាក្បាលត្រីមានរសជាតិខ្លាំង ការញ៉ាំខួរត្រី គឺល្អសម្រាប់ការលូតលាស់របស់ទារក។ ទោះជាយ៉ាងណាក៏ដោយ ក្បាលត្រី គឺជាអាហារដែលស្ត្រីមានផ្ទៃពោះមិនគួរបរិភោគ។
ការស្រាវជ្រាវបង្ហាញថា សំណល់ថ្នាំសម្លាប់សត្វល្អិតនៅក្នុងក្បាលត្រីគឺខ្ពស់ជាងសាច់ត្រី 5-10 ដង។ នេះក៏ព្រោះតែក្បាលត្រីមានសរសៃឈាមច្រើនដែលជាកន្លែងស្រូបយកថ្នាំសម្លាប់សត្វល្អិត និងសារធាតុគីមីដែលបង្កគ្រោះថ្នាក់ផ្សេងទៀត។
ត្រីដែលលក់នៅលើទីផ្សារភាគច្រើនត្រូវបានចិញ្ចឹមដោយសិប្បនិម្មិត ហើយការបំពុលទឹកគឺជាបាតុភូតទូទៅមួយ។ សារធាតុមេតាបូលីតដែលមិនអាចបំប្លែងបាននៅក្នុងខ្លួនរបស់ត្រី ជារឿយៗត្រូវបានដាក់ក្នុងក្បាលត្រី រួមទាំងលោហធាតុធ្ងន់ដូចជា សំណ បារត ឱសថ និងប៉ារ៉ាស៊ីត។ ដូច្នេះស្ត្រីមានផ្ទៃពោះមិនគួរបរិភោគក្បាលត្រីទេ បើចង់ការពារសុខភាព និងទារកក្នុងផ្ទៃ។
តើស្ត្រីមានផ្ទៃពោះគួរទទួលទានត្រីបែបណា ដើម្បីសុវត្ថិភាព?
យោងតាមអនុសាសន៍របស់សមាគមសម្ភព និងរោគស្ត្រីអាមេរិក ស្ត្រីមានផ្ទៃពោះគួរទទួលទានត្រី 2-3 ដងក្នុងមួយសប្តាហ៍ ហើយជារឿយៗផ្លាស់ប្តូរប្រភេទត្រីផ្សេងៗគ្នាក្នុងអាហាររបស់ពួកគេ។ សម្រាប់ត្រីដែលមានជាតិបារតកម្រិតមធ្យម ដូចជា ត្រីធូណា ត្រីគល់រាំង កញ្ចុះ និងត្រីចាប អ្នកគួរតែញ៉ាំតែ 1 ដង តិចជាង 170 ក្រាម ក្នុងមួយសប្តាហ៍។ ជៀសវាងការបរិភោគត្រីដែលមានជាតិបារតខ្ពស់ដូចជា ត្រីស្បៃកា ត្រីដាវ ត្រីឆ្លាម ត្រីធូណា ។
ប្រភេទត្រីមួយចំនួនដែលល្អសម្រាប់ស្ត្រីមានផ្ទៃពោះមានដូចជា ត្រីសាលម៉ុន, ត្រីសាឌីនធំៗ, ត្រីអណ្តាតឆ្កែ, ត្រីរៀល, ទីឡាព្យ៉ា, ត្រីសាឌីន ។ល៕