Join with Health.com.kh on Telegram

ការ៉ុត​សម្បូរ​ទៅ​ដោយ​វីតាមីន A និង​សារធាតុ​ប្រឆាំង​អុកស៊ីតកម្ម​។ ការ​បរិភោគ​ការ៉ុត​រៀងរាល់ថ្ងៃ​នឹង​ជួយ​ពង្រឹង​សុខភាព​សក់​, ឆ្អឹង​, ក្រចកដៃ​, និង​ភ្នែក​។ ការ​សិក្សា​មួយ​ចំនួន​ក៏​បាន​ណែនាំ​ថា ការ៉ុត​អាច​កាត់​បន្ថយ​គ្រោះថ្នាក់​ជំងឺ​គាំងបេះដូង​និង​ជំងឺមហារីក​មួយ​ចំនួន​។ មិន​ត្រឹមតែ​ប៉ុណ្ណោះ ការ៉ុត​ក៏​អាច​ប្រើ​ជា​ឱសថ​ធម្មជាតិ​ព្យាបាល​មុន​និង​ជំរុញ​ការ​លូតលាស់​នៃ​កោសិកា​ស្បែក​ថ្មី​ផង​ដែរ​។

ដើម្បី​បង្កើត​ម៉ាស្ស​បិត​មុខ​ផ្សំ​ពី​ការ៉ុត អ្នក​ត្រូវការ​ការ៉ុត ២ ទៅ ៣​មើម និង​ទឹកឃ្មុំ ៣​ស្លាបព្រា​បាយ​។ ចាប់ផ្តើម​ដោយ​ការ​ចិត​សំបក​វា​ចេញ​បន្ទាប់​មក​ហាន់​វា​ឱ្យទៅ​ជា​ដុំ​តូច​ៗ​។

កម្តៅ​ការ៉ុត​នោះ​រហូត​ទាល់តែ​វា​ទន់ ប៉ុន្តែ​មិន​ត្រូវ​កម្តៅ​រហូត​ពុះ​នោះ​ទេ ព្រោះ​វា​អាច​ធ្វើ​ឱ្យ​បាត់បង់​សារធាតុ​សំខាន់​សម្រាប់​សុខភាព​។ បន្ទាប់​មក​ទៀត​កិន​ការ៉ុត​ក្នុង​ម៉ាស៊ីន​ក្រឡុក​ឱ្យ​ម៉ដ្ឋ ហើយ​លាយ​ទឹកឃ្មុំ​ចូល​។

លាយ​វា​ឱ្យ​សព្វ ហើយ​យក​វា​មក​លាប​លើ​មុខ​របស់​អ្នក​និង​ទុក​វា​រយៈពេល ១៥​នាទី​។ ពេល​គ្រប់​ចំនួន​នាទី​ហើយ អ្នក​ត្រូវ​លាងមុខ​របស់​អ្នក​ឱ្យ​ស្អាត​ដោយ​ប្រើ​ទឹក​ក្តៅ​ឧណ្ហ​ៗ​។