អត្ថប្រយោជន៍នៃការមិនជក់បារីចាប់ផ្តើមអំឡុងពេលថ្ងៃដែលអ្នកឈប់ជក់បារី។ ក្រោយពីអ្នកឈប់ជក់បារី, ចង្វាក់បេះដូងរបស់អ្នក និងកូនរបស់អ្នកនឹងត្រឡប់មកធម្មតាវិញ, ហើយកូនរបស់អ្នកនឹងហាក់ដូចជាមិនវិវត្តទៅជាមានបញ្ហានៃការដកដង្ហើម។
អ្នកអាចមានរោគសញ្ញានៃការញៀនបារីដោយសារតែខ្លួនរបស់អ្នកស៊ាំនឹងជាតិនីកូនទីន ដែលជាសារធាតុញៀនមួយនៅក្នុងបារី។ អ្នកអាចចង់ជក់បារីខ្លាំង, មួរម៉ៅ, មានអារម្មណ៍ថាឃ្លាន, ក្អកជារឿយៗ, ឈឺក្បាល ឬពិបាកប្រមូលផ្តុំអារម្មណ៍។ រោគសញ្ញានៃការញៀនបារីនេះគឺកើតមានតែមួយរយៈពេលប៉ុណ្ណោះ។ វានឹងមានខ្លាំងបំផុតនៅពេលដែលដំបូងដែលអ្នកទើបតែផ្តាច់បារី ពោលគឺប្រហែលក្នុងអំឡុងពេល១០ទៅ១៤ថ្ងៃក្រោយផ្តាច់បារី។ សូមរំលឹកខ្លួនអ្នកថា នេះជារោគសញ្ញាដែលខ្លួនរបស់អ្នកកំពុងតែធ្វើវាអោយជាសះស្បើយ និងធ្វើអោយអ្នកស៊ាំនឹងការអត់បារី។ សូមចាំថា រោគសញ្ញានៃការញៀននេះគឺងាយស្រួលព្យាបាលជាងជំងឺធ្ងន់ធ្ងរដែលបារីអាចបណ្តាលអោយមាននោះ។
ក្រោយពីការញៀនបារីបានបាត់, សូមកុំរំពឹងនឹងសាកវាម្តងទៀតអោយសោះ។ ទោះជាយ៉ាងណាក៏ដោយ, ការចង់ជក់បារីជាធម្មតានឹងមានរយៈពេលខ្លី ហើយនឹងបាត់ទៅវិញប្រសិនបើអ្នកជក់ ឬមិនជក់វិញនោះ។ ដូចនេះ សូមកុំជក់បារីអោយសោះ។ប្រសិនបើអ្នកប្រែជាជក់បារីសារជាថ្មីនោះ, សូមកុំអស់សង្ឃឹមអោយសោះ។ ក្នុងចំនោមអ្នកដែលបានផ្តាច់, ៧៥%បានលាប់នឹងការជក់បារីវិញ។ អ្នកជក់បារីភាគច្រើនផ្តាច់បារី៣ដងមុននឹងពួកគេបានជោគជ័យ។ ប្រសិនបើអ្នកលាប់នឹងការជក់បារីវិញ, សូមកុំឈប់ក្នុងការផ្តាច់។ រៀបចំគម្រោងសារជាថ្មី និងគិតអំពីអ្វីដែលអ្នកនឹងធ្វើនៅពេលក្រោយនៅពេលដែលអ្នកចង់ជក់បារីនោះ៕