ខាងក្រោមនេះ យើងខ្ញុំនឹងបង្ហាញអ្នកពីប្រភេទបុគ្គលិកដែលចៅហ្វាយនាយពេញចិត្តជាទីបំផុត ហើយតែងចង់ឡើងប្រាក់ខែ និងឋានៈឲ្យរហូត។ តើមានអ្វីខ្លះទៅ?
1. បុគ្គលិកដែលឧស្សាហ៍ព្យាយាម ខិតខំប្រឹងប្រែងធ្វើការងាររបស់គេ ដោយមិនត្អូយត្អែរសូម្បីតែមួយម៉ាត់ ទោះបីជានឿហត់យ៉ាងណាក៏ដោយ។ នៅពេលដែលធ្វើការដោយយកចិត្តទុកដាក់ នោះចៅហ្វាយនាយនឹងពេញចិត្តអ្នកខ្លាំង។
2. បុគ្គលិកដែលជួយយកអាសារបុគ្គលិកដទៃទៀត ដោយជួយបំពេញការងារគេនៅពេលដែលគេរវល់។ នៅពេលដែលអ្នកចេះជួយគ្នាបែបនេះ ដោយមិនប្រកាន់ នោះក្រុមហ៊ុននឹងអាចទទួលបានលទ្ធផលការងារដ៏ល្អ ដោយធ្វើឲ្យចៅហ្វាយនាយពេញចិត្តជាខ្លាំង។
3. បុគ្គលិកដែលចេះជួយធ្វើឱ្យក្រុមហ៊ុនរីកចម្រើនទៅមុខ និងមានកេរ្តិ៍ឈ្មោះល្បីល្បាញ។ នៅពេលដែលក្រុមហ៊ុនអាចប្រមូលបានផលចំណេញច្រើន នោះអ្នកនឹងអាចទទួលបានផលតាមនោះផងដែរ។
4. បុគ្គលិកដែលស្មោះត្រង់ មិនគេងប្រវញ្ច័ពីក្រុមហ៊ុន ហើយលះបង់ដើម្បីក្រុមហ៊ុនជានិច្ច គឺជាបុគ្គលដែលចៅហ្វាយនាយពេញចិត្តខ្លាំងណាស់ ហើយនឹងខំផ្តល់ប្រយោជន៍ដល់អ្នកគ្រប់យ៉ាងដើម្បីរក្សាអ្នកទុក។
5. បុគ្គលិកដែលមិនចេះបង្ករឿងឱ្យក្រុមហ៊ុនស្មុគស្មាញព្រោះតែគេ ហើយនៅពេលដែលមានរឿងម្តងៗ គេតែងតែជួយដោះស្រាយជានិច្ច។ ដូចនេះ អ្នកអាចធ្វើជាប្រភេទបុគ្គលិកទាំងឡាយខាងលើនេះ ដើម្បីទទួលបានប្រយោជន៍ពីក្រុមហ៊ុនច្រើន៕
