ជំងឺក្រពះ គឺកើតមានច្រើនក្នុងចំណោមប្រជាជនទូទៅ។ មូលហេតុចំបងគឺដោយសារតែរបបអាហារ និងរបៀបរស់នៅមិនសូវល្អ។ នៅពេលដែលអ្នកឈឺក្រពះ អ្វីដែលអ្នកញ៉ាំជារៀងរាល់ថ្ងៃអាចប៉ះពាល់ដោយផ្ទាល់ដល់ស្ថានភាពនៃជំងឺ។
អ្នកឈឺក្រពះត្រូវចាំថា ត្រូវញ៉ាំអាហារលឿង៤មុខនេះបន្ថែម នោះជំងឺនឹងបានធូរស្រាលឆាប់។
អាហារ ៤ លឿង រួមមាន៖
រមៀត
រមៀតល្បីថាល្អសម្រាប់ក្រពះ ដោយអ្នកឈឺក្រពះតែងតែប្រើឱសថបុរាណដើម្បីព្យាបាលជំងឺនេះ។
ជាពិសេស សារធាតុ Curcumin សកម្មនៅក្នុងរមៀតមានសមត្ថភាពរារាំងសកម្មភាព និងបំផ្លាញបណ្តើរៗនូវពពួកបាក់តេរី HP ដែលបណ្តាលឱ្យឈឺក្រពះ។ សូម្បីតែប្រភេទបាក់តេរីដែលធន់នឹងថ្នាំក៏មានប្រសិទ្ធភាពដែរ។ ជាលទ្ធផល អ្នកនឹងមិនសូវជួបបញ្ហាក្រពះពោះវៀន ដែលបណ្តាលមកពីបាក់តេរី ដូចជាឈឺក្រពះ ក្រហាយជាដើម។
ការ៉ុត
វេជ្ជបណ្ឌិត Mian Iftikhar អ្នកជំនាញផ្នែកវេជ្ជសាស្ត្រឥណ្ឌា បាននិយាយថា ការ៉ុត ជាពិសេសទឹកការ៉ុតនឹងល្អខ្លាំងណាស់សម្រាប់សុខភាពក្រពះ និងផ្លូវរំលាយអាហារ។
លើសពីនេះ ការ៉ុតក៏ជួយដោះស្រាយបញ្ហារំលាយអាហារជាច្រើនទៀតដូចជា រាគរូស ជំងឺក្រពះ ដំបៅក្រពះ រលាកក្រពះ ជំងឺ Crohn (ជំងឺរលាករ៉ាំរ៉ៃដែលប៉ះពាល់យ៉ាងធ្ងន់ធ្ងរដល់បំពង់រំលាយអាហារ)… ។
ល្ពៅ
មិនត្រឹមតែមានសារធាតុចិញ្ចឹមសុខភាពជាច្រើនប៉ុណ្ណោះទេ ផ្លែល្ពៅក៏មានឈ្មោះល្បីខាងសារធាតុពិសេសមួយគឺសារជាតិ pectin។ នេះមានសមត្ថភាពការពារមុខងារនៃបំពង់រំលាយអាហាររបស់មនុស្ស ជាពិសេសអ្នកមានបញ្ហាក្រពះ បើញ៉ាំវានឹងល្អខ្លាំង។
សណ្តែកសៀង
សណ្តែកសៀងសម្បូរទៅដោយជាតិសរសៃដែលរំលាយបានយ៉ាងលឿនដោយក្រពះ ដូច្នេះអ្នកដែលមានបញ្ហាក្រពះគួរតែទទួលទានសណ្តែកសៀងសម្រាប់ហេតុផលនោះ។
វាមិនត្រឹមតែជួយឱ្យរាងកាយស្រូបយកថាមពលបានពេញលេញប៉ុណ្ណោះទេ ប៉ុន្តែវាក៏ជួយបញ្ចុះកូឡេស្តេរ៉ុលផងដែរ។ ដូច្នេះហើយ ដើម្បីបង្ការជំងឺក្រពះ មនុស្សគួរតែបន្ថែមអាហារប្រភេទនេះទៅក្នុងរបបអាហារប្រចាំថ្ងៃ៕