Join with Health.com.kh on Telegram

​ការអប់រំ​កុមារ​តូច​គឺ​មិន​ងាយស្រួល​ទេ​។ មានការ​អប់រំ​ពីរ​ប្រភេទ​ដែល​មាតាបិតា​ត្រូវ​ជៀសវាង​ជាពិសេស​។

​ឪពុកម្តាយ​ចិត្តអាក្រក់​ចំពោះ​សាច់ញាតិ ជីដូន​ជីតា

​ឪពុកម្តាយ គឺជា​គំរូ​សម្រាប់​កូនៗ​របស់​ពួកគេ​ក្នុងការ​ធ្វើតាម​។ បើ​អ្នក​ចង់​ឲ្យ​កូន​ប្រព្រឹត្ត​ចំពោះ​អ្នក អ្នក​ត្រូវ​ប្រព្រឹត្ត​ចំពោះ​ឪពុកម្តាយ​ដូចគ្នា​។​

​ប្រសិនបើ​ឪពុកម្តាយ​ជា​កូន​កតញ្ញូ នោះ​កូន​របស់​ពួកគេ​ក៏​នឹង​រៀន​ពី​ភាព​កតញ្ញូ​នោះ ហើយ​តបស្នង​ដល់​ពួកគេ​។ បើ​ឪពុកម្តាយ​ជា​មនុស្ស​ចិត្តចង្អៀត មិន​ស្រឡាញ់​មនុស្ស​ជាទី​ស្រឡាញ់​ទេ នោះគេ​មិនអាច​ចិញ្ចឹម​កូន​ឱ្យ​ល្អ​ឡើយ​។​

​ប្រសិនបើ​អ្វីដែល​ឪពុកម្តាយ​ទុកជា​គំរូ​ដល់​កូន​នូវ​ការមិន​ដឹងគុណ ភាព​អាត្មានិយម នោះ​កូន​ខ្លួនឯង​ក៏​ពិបាក​ក្នុងការ​បែងចែក​រវាង​ល្អ និង​អាក្រក់ ខុស និង​ត្រូវ​។

​ឪពុកម្តាយ​មិន​គោរព​គ្រូ កូន​គ្មាន​អនាគត​ទេ​

​គ្រូបង្រៀន​គឺជា​អ្នក​ដែល​ណែនាំ និង​ផ្តល់​ចំណេះដឹង និង​បំ​ណិ​ន​ជីវិត​ដល់​កុមារ ដើម្បីអោយ​ពួកគេ​ក្លាយជា​អ្នកមាន​ទេពកោសល្យ​នាពេល​អនាគត​។

​ជា​រៀងរាល់ថ្ងៃ កុមារ​នៅ​សាលារៀន​ច្រើនជាង​នៅផ្ទះ គ្រូបង្រៀន​គឺជា​មនុស្ស​ដែល​នៅ​ជិត​កុមារ​បំផុត​។ ឪពុកម្តាយ បើ​មិន​គោរព​គ្រូ​របស់​កូន ជារឿយៗ​តែងតែ​ប្រើពាក្យ​អាក្រក់​អំពី​គ្រូ​នៅ​ចំពោះមុខ​កូន ប្រើ​សិទ្ធិ​ជា​ឪពុកម្តាយ​មក​យាយី និង​ជេរប្រមាថ​គ្រូ​បាន ដូច្នេះហើយ​ចិត្ត​កូន​ក៏​មិនអាច​មានការ​គោរព​ចាំបាច់​សម្រាប់ “​ការណែនាំ​” របស់​ពួកគេ​ដែរ​។​

​នៅពេលដែល​កុមារ​មិន​គោរព​គ្រូបង្រៀន វា​ជាការ​លំបាក​សម្រាប់​ពួកគេ​ក្នុងការ​ស្រូបយក​ចំណេះដឹង​ដែល​ផ្តល់​ដោយ​គ្រូ ហើយ​មិន​អាចមាន​អាកប្បកិរិយា​ត្រឹមត្រូវ​ចំពោះ​មនុស្ស​ដែល​កុមារ​គួរ​គោរព​។ ដូច្នេះ តើ​អនាគត​របស់​ពួកគេ​នឹង​ទៅ​ផ្លូវ​ណា​?

​ដើម្បី​ចិញ្ចឹម​កូន​ឱ្យមាន​គុណធម៌ មាតាបិតា​ត្រូវ​ទទួលស្គាល់ និង​កែខ្លួន​ជាមុនសិន​៕​