អត្ថប្រយោជន៍ដ៏អស្ចារ្យនៃការទទួលទានផ្លែបំពេញរាជ្យចំពោះសុខភាព

​តើផ្លែបំពេញរាជ្យប្រសើរយ៉ាងណាខ្លះចំពោះសុខភាព? ថ្ងៃនេះវេបសាយសុខភាព Health.com.kh នឹងបង្ហាញឲ្យដឹងពីអត្ថប្រយោជន៍ដ៏អស្ចារ្យនៃការទទួលទានផ្លែបំពេញរាជ្យចំពោះសុខភាព ៖

១. ព្យាបាលប្រតិកម្មអាឡែកហ្ស៊ី

ផ្លែបំពេញរាជ្យ មានផ្ទុកសម្បូរទៅដោយជាតិអាស៊ីត Bryonotic និង Sandorinic ដែលជាភ្នាក់ងារព្យាបាល ហើយទប់ស្កាត់បញ្ហាប្រតិកម្មអាឡែកហ្ស៊ីផ្សេងៗ។

២. ជម្រុញពង្រឹងប្រព័ន្ធភាពស៊ាំរាងកាយ

ផ្លែបំពេញរាជ្យ ក៏ជាប្រភពដ៏ប្រសើរនៃជាតិសសៃដែលល្អសម្រាប់ការបង្កើនបាក់តេរីល្អៗក្នុងរាងកាយ ហើយបាក់តេរីទាំងនេះជួយពង្រឹងប្រព័ន្ធភាពស៊ាំ។ លើសពីនេះទៅទៀត ផ្លែបំពេញរាជ្យ គឺមានផ្ទុកនូវសារធាតុប្រឆាំងអុកស៊ីតកម្មដ៏មានឥទ្ធិពលមួយប្រភេទហៅថា quercetin ដែលទទួលខុសត្រូវធ្វើឲ្យប្រព័ន្ធភាពស៊ាំកាន់តែខ្លាំងក្លាប្រសើរឡើង។

៣. ទប់ស្កាត់ជំងឺមហារីក

បំពេញរាជ្យ មានផ្ទុកនូវសារធាតុប្រឆាំងអុកស៊ីតកម្មដែលអាចជួយក្នុងការទប់ស្កាត់ការរីកលូតលាស់នៃកោសិកាមហារីក។ យោងតាមការសិក្សាស្រាវជ្រាវមួយចំនួនបានបង្ហាញឲ្យដឹងថា ជាតិអាស៊ីត secotriterpene និងkoetjapic ដែលមានផ្ទុកក្នុងផ្លែបំពេញរាជ្យមានប្រសិទ្ធិភាពប្រឆាំងនឹងកោសិកាមហារីកបានយ៉ាងប្រសើរ។

៤. ទប់ស្កាត់ជំងឺទឹកនោមផ្អែម

បំពេញរាជ្យ ជាជម្រើសនៃផ្លែឈើដ៏ល្អសម្រាប់អ្នកជំងឺទឹកនោមផ្អែម ក៏ព្រោះតែវាមានផ្ទុកសម្បូរទៅដោយជាតសសៃ និងមានសន្ទស្សន៍ជាតិស្ករទាប។ ជាតិសសៃជួយកាត់បន្ថយការស្រូបយកជាតិស្ករទៅក្នុងឈាមដែលធ្វើឲ្យកម្រិតនៃជាតិស្ករក្នុងឈាមមានសភាពប្រក្រតី។

៥. ទប់ស្កាត់ជំងឺខ្វះគ្រាប់ឈាមក្រហម

ផ្លែបំពេញរាជ្យ មានផ្ទុកសម្បូរទៅដោយជាតិដែកដែលជាជាតិរ៉ែចាំបាច់សម្រាប់ការផលិតកោសិកាគ្រាប់ឈាមក្រហម។ លើសពីនេះទៅទៀត បំពេញរាជ្យ ក៏ជាប្រភពដ៏ប្រសើរនៃវីតាមីន C ដែលជួយសម្រួលដល់ពោះវៀនឲ្យធ្វើការស្រូបយកជាតិដែកប្រកបដោយប្រសិទ្ធិភាព។

៦. កាត់បន្ថយកូឡេស្តេរ៉ូលមិនល្អ

ផ្លែបំពេញរាជ្យ មានផ្ទុកជាតិសសៃរលាយ pectins ដែលជួយកាត់បន្ថយកូឡេស្តេរ៉ូលមិនល្អ ប៉ុន្តែបង្កើនកម្រិតកូឡេស្តេរ៉ូលល្អ ធ្វើឲ្យអ្នកជៀសផុតពីបញ្ហានៃជំងឺដាច់សសៃឈាមខួរក្បាល, ជំងឺបេះដូង និងលើសឈាម។ លើសពីនេះទៅទៀត pectins ទប់ស្កាត់ជាតិខ្លាញ់មិនឲ្យស្រូបចូលទៅក្នុងប្រព័ន្ធចរន្តឈាម៕