ផ្លែស្ត្រប៊ឺរីគឺជាសារធាតុលាងសម្អាតស្បែកនិងម៉ាស្សមុខយ៉ាងល្អ ព្រោះវាមានផ្ទុកវីតាមីន C, អាស៊ីតសាលីសាឡាត់ដែលជាថ្នាំសម្លាប់មេរោគ, សារធាតុប្រឆាំងអុកស៊ីតកម្ម និងសារធាតុសម្រាប់ជម្រុះកោសិកាស្បែកងាប់។ អាស៊ីតសាលីសាឡាត់ជួយជម្រុះកោសិកាស្បែកងាប់ពីមុខ ហើយវាជួយបង្រួមរន្ធញើសនិងធ្វើឱ្យស្បែកភ្លឺថ្លា។ សារធាតុប្រឆាំងអុកស៊ីតកម្មជួយមិនឱ្យស្បែកខូចហើយរក្សាស្បែកឱ្យមានភាពស្រស់ថ្លា។ ផ្លែស្ត្រប៊ឺរីក៏ជួយជម្រុះកោសិកាស្បែកងាប់និងរក្សាស្បែកឱ្យទន់។ វាជួយព្យាបាលស្បែកដែលអាឡែហ្ស៊ី ឬ រលាក។ វាថែមទាំងការពារស្បែកពីជាតិពុលនិងសារធាតុមិនល្អផ្សេងៗ ហើយក៏ជួយធ្វើឱ្យស្បែកសដែរ។ ជាធម្មតា គេតែងលាយទឹកឃ្មុំនិងទឹកដោះគោជាមួយស្ត្រប៊ីរីដើម្បីធ្វើម៉ាស្សមុខនិងទឹកលាងសម្អាត ដែលវាអាចជួយសម្អាតនិងបន្ទន់ស្បែកបានយ៉ាងល្អ។
តើអ្នកត្រូវការអ្វីខ្លះ?
– ផ្លែស្ត្រប៊ឺរីទុំ ៤ ទៅ ៥ ផ្លែ
– ក្រែម ២ ស្លាបព្រាកាហ្វេ
– ទឹកឃ្មុំសុទ្ធ ១ ស្លាបព្រាកាហ្វេ
– ទឹកខ្មេះ
– ចានគោម
– ក្រណាត់ស្អាត
– សម
– ស្ត្រប៊ឺរីស្រស់កន្លះពែង
– ទឹកដោះគោស្រស់ ១ ស្លាបព្រាកាហ្វេ
– ម្សៅអង្ករ ឬ ម្សៅពោត ១ ស្លាបព្រាកាហ្វេ
វិធីផ្សំ៖
១. ម៉ាស្សមុខស្ត្រប៊ឺរីទឹកឃ្មុំ
- លាងស្ត្រប៊ឺរីដោយប្រើទឹកខ្មេះ បន្ទាប់មកលាងដោយប្រើទឹកធម្មតា ២ ដង ដើម្បីធានាថាមិនមានបន្សល់ជាតិទឹកខ្មេះជាប់នឹងស្ត្រប៊ឺរី។ ជូតស្ត្រប៊ឺរីឱ្យស្ងួតដោយប្រើក្រណាត់ស្អាត។
- កិនផ្លែស្ត្រប៊ឺរីឱ្យម៉ត់ដោយប្រើសម ហើយចាក់ក្រែមនិងទឹកឃ្មុំចូលហើយលាយឱ្យសព្វ។
- លាបវាលើមុខភ្លាមៗ ដោយទុករយៈពេល ២០ នាទី បន្ទាប់មកលាងមុខជាមួយនឹងទឹកឧណ្ហៗហើយជូតថ្នមៗឱ្យស្ងួត។
២. ម៉ាស្សមុខស្ត្រប៊ីរីម្សៅពោត
- ចាក់ស្ត្រប៊ឺរីស្រស់កន្លះពែងក្នុងចានគោម ហើយលាយជាមួយទឹកដោះគោស្រស់ ១ ស្លាបព្រាកាហ្វេ និងម្សៅពោត ១ ស្លាបព្រាកាហ្វេ បន្ទាប់មកលាយឱ្យសព្វរហូតក្លាយទៅជាទឹកខាប់ៗ។
- លាបវាលើមុខរបស់អ្នក និងទុករយៈពេល ២០ នាទី។
- បន្ទាប់មកលាយមុខឱ្យស្អាត ហើយជូតឱ្យស្ងួត។
