ពងស្វាសជាផ្នែកនៃសរីរៈបន្តពូជរបស់បុរស, ដែលមុខងារចំបងក្នុងការផលិតមេជីវិតឈ្មោល និអរម៉ូនភេទឈ្មោល គឺអរម៉ូនតេស្តូស្តេរ៉ូន (testosterone)។
ពងស្វាសគឺស្ថិតនៅក្នុងស្រោមរបស់វាដែលត្រូវបានគេហៅថាស្រោមពងស្វាស ដែលស្ថិតនៅចន្លោះលិង្គ និងរន្ធគូថ។ ពងស្វាសរបស់មនុស្សពេញវ័យគឺមានទំហំប្រហាក់ប្រហែលគ្នា ហើយវាជារឿងទូទៅចំពោះពងស្វាសម្ខាងមានសភាពទាបជាងពងស្វាសម្ខាងទៀតនៅក្នុងស្រោមពងស្វាស។ ទីតាំងដែលស្ថិតនៅពីក្រោយពងស្វាសនីមួយៗក្រាលដោយបំពងអេពីឌីឌីម ដែលបំពង់នេះមានមុខងារស្តុក និងដឹកជញ្ចូនមេជីវិតឈ្មោល។ បំពង់នៃមេជីវិតឈ្មោល (spermatic cord) ដែលមានសរសៃឈាម, សរសៃវិញាណ, សរសៃឈាមទឹករង៉ៃ និងបំពង់ vas deferens ត្រូវបានផ្សារភ្ជាប់ទៅនឹងពងស្វាសនីមួយៗ៕