ជាធម្មតាការពកសសៃវ៉ែននេះ លេចឡើងនៅពេលដែលមានការហើមប៉ោង, មានកំណួច និង សសៃវ៉ែនឡើងពណ៌ខៀវ ដែលអាចមាននៅលើជើងរបស់អ្នក ក្នុងរយៈពេលនៃការមានគភ៌។ អរម៉ូននៃការមានគភ៌ ក៏ត្រូវបានគេគិតថា អាចធ្វើអោយអ្នកហាក់ដូចជាមានការវិវត្តនូវបញ្ហានេះ ។
ការទូន្មានខាងក្រោមនេះ អាចជួយបង្ការការឡើងពកសសៃវ៉ែន ពីការវិវត្តន៍ ( ឬយ៉ាងហោចណាស់ មិនមានសភាពកាន់តែអាក្រក់ជាងនេះ) ហើយវានឹងអាចជួយបន្ថយនូវការឈឺចាប់ដែលតែងតែកើតរួមមានជាមួយវា ។
· ជៀសវាងការឈរយូរ ។
· ជៀសវាងការអង្គុយពែនភ្នែន ឬ គងទាក់ខ្លា។
· ចូរគេងដោយ ដាក់ប្រអប់ជើង និង ជើងរបស់អ្នកទាំងពីរអោយខ្ពស់ជាងខ្លួនប្រាណរបស់អ្នក ។
· ចូរធ្វើលំហាត់ប្រាណថ្នមៗ អោយបានទៀងទាត់ដូចជាការ ដើរ ឬ ហែលទឹកជាដើម។
· ពាក់ស្រោមជើងវែង ឬ ខោទ្រនាប់ដែលអាចទ្រទំងន់បាន។
· ប្រាប់វេជ្ជបណ្ឌិត ឬ ឆ្មបរបស់អ្នក ប្រសិនបើមានលេចឡើងនូវស្នាមក្រហម ការហើមប៉ោង ឬ ឈឺចាប់នៅតំបន់ណាមួយនៅលើជើងរបស់អ្នក ៕